സ്വന്തം ലേഖകൻ: രാജ്യത്തിന്റെ അടയാളങ്ങൾ രേഖപ്പെടുത്തുന്ന വ്യത്യസ്തമായ അഞ്ച് ലോഗോ ഉൾപ്പെടുന്ന വാഹന നമ്പർ പ്ലേറ്റുകൾ സൗദി പുറത്തിറക്കി. സൗദി ട്രാഫിക് വിഭാഗം ആണ് പുതിയ ലോഗോ പുറത്തിറക്കിയത്. ‘സൗദി വിഷൻ’, ‘രണ്ട് വാളുകളും ഈന്തപ്പനയും’ ‘മദായിൻ സാലിഹ്’, ‘ദിരിയ’ എന്നിങ്ങനെ അഞ്ച് അടയാളങ്ങൾ രേഖപ്പെടുത്തുന്ന ലോഗോയുള്ള വാഹന നമ്പർ പ്ലേറ്റുകൾ ആണ് വിതരണം ചെയ്യുന്നത്. ജനറൽ ഡയറക്ടറേറ്റ് ഓഫ് ട്രാഫിക് ആണ് വാർത്ത പുറത്തുവിട്ടത്.
പുതിയ നമ്പർ പ്ലേറ്റുകൾ ലഭിക്കാൻ വേണ്ടി 800 റിയാൽ ആണ് ഫീസ് അടക്കേണ്ടത്. ഇത്തരത്തിലുള്ള നമ്പർ പ്ലേറ്റുകൾ ആവശ്യമുള്ളവർ ട്രാഫിക് അക്കൗണ്ടിൽ ഫീ അടക്കുക. പിന്നീട് ആഭ്യന്തര മന്ത്രാലയത്തിന്റെ ‘അബ്ഷീർ’ പ്ലാറ്റ്‌ഫോമിൽ പ്രവേശിച്ച് സേവന ടാബിൽ നിന്ന് ‘ട്രാഫിക്’ തെരഞ്ഞെടുക്കുക. പിന്നീട് ‘കോൺടാക്റ്റ്’ എടുത്ത് ‘ലോഗോ അടങ്ങിയ നമ്പർ പ്ലേറ്റ് അഭ്യർത്ഥിക്കുക’ തെരഞ്ഞെടുത്ത് നമ്പർ പ്ലേറ്റുകൾക്ക് അപേക്ഷിക്കാവുന്നതാണ്.
വാഹനത്തിലെ നമ്പർ പ്ലേറ്റിലെ വിവരങ്ങൾ മാറ്റാർ ആഗ്രഹിക്കുന്നവർ ആവശ്യമായവർ ഇഷ്ടപ്പെട്ട ലോഗോ അപേക്ഷയോടൊപ്പം അയക്കണം. കൂടാതെ പണം അടച്ച രസീതിയുടെ ഒരു പകർപ്പ് ‘അബ്ഷീർ’ പ്ലാറ്റ്‌ഫോമിൽ അറ്റാച്ച് ചെയ്തിടുകയും വേണം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല