സ്വന്തം ലേഖകൻ: വന്ദേഭാരത് മിഷൻ ആറാം ഘട്ടത്തിൽ സൌദിയിൽനിന്ന് ഇന്ത്യയിലേക്കുള്ള എയർഇന്ത്യ എക്സ്പ്രസ് വിമാനങ്ങളുടെ ടിക്കറ്റുകൾ ഓൺലൈൻ വഴി എടുക്കാൻ സൗകര്യം. ഏറെ നാളായുള്ള പ്രവാസികളുടെ ആവശ്യമാണ് ഇതോടെ അംഗീകരിക്കപ്പെട്ടത്. നേരത്തെ ദൂരദിക്കുകളിൽ ഉള്ളവർ പോലും റിയാദ്, ജിദ്ദ, ദമാം എന്നിവിടങ്ങളിലെ എയർലൈൻ ഓഫിസിൽ വന്ന് ടിക്കറ്റ് എടുക്കണമായിരുന്നു.
ആറാം ഘട്ടത്തിൽ സൌദിയിൽനിന്ന് ഇന്ത്യയിലേക്കുള്ള 19 സർവീസുകളിൽ 9 എണ്ണം കേരളത്തിലേക്ക്. മാസം 4, 13 തീയതികളിൽ ദമാമിൽ നിന്ന് തിരുവനന്തപുരത്തേക്കും 5, 7 തീയതികളിൽ കോഴിക്കോട്ടേക്കും 8ന് കൊച്ചിയിലേക്കും 14ന് കണ്ണൂരിലേക്കും സർവീസുണ്ട്. റിയാദിൽനിന്ന് 7ന് തിരുവനന്തപുരത്തേക്കും 12ന് കൊച്ചിയിലേക്കും 13ന് കോഴിക്കോട്ടേയ്ക്കുമുള്ള സർവീസുകളാണ് എയർ ഇന്ത്യ എക്സ്പ്രസ് നടത്തുന്നത്. ശേഷിച്ച സർവീസുകൾ ഇൻഡിഗോ, എയർ ഇന്ത്യാ വിമാനങ്ങളുടേതായിരിക്കും.
വന്ദേഭാരത് മിഷൻ ആറാംഘട്ടത്തിൽ എയർ ഇന്ത്യ എക്സ്പ്രസ് കുവൈത്തിൽനിന്ന് 10 സർവിസുകൾ നടത്തും. കോഴിക്കോട്, ട്രിച്ചി എന്നിവിടങ്ങളിലേക്ക് നാലു വീതവും ചെന്നൈയിലേക്ക് രണ്ട് വിമാനവുമാണ് ഷെഡ്യൂൾ ചെയ്തിട്ടുള്ളത്. സെപ്റ്റംബർ ഒമ്പത്, 15, 22, 29 തീയതികളിലാണ് കുവൈത്തിൽനിന്ന് കോഴിക്കോട്ടേക്ക് എയർ ഇന്ത്യ എക്സ്പ്രസ് വിമാനമുള്ളത്.
കുവൈത്തിൽനിന്ന് രാവിലെ 10.30ന് പുറപ്പെടുന്ന വിമാനം വൈകീട്ട് 5.55ന് കോഴിക്കോട്ടെത്തും. 92 ദീനാറാണ് ടിക്കറ്റ് നിരക്ക്. സെപ്റ്റംബർ നാല്, 12, 20 25 തീയതികളിലാണ് ട്രിച്ചി സർവിസ്. ചെെന്നെയിലേക്കുള്ള വിമാനങ്ങൾ സെപ്റ്റംബർ 5, 21 തീയതികളിലാണ് ക്രമീകരിച്ചിരിക്കുന്നത്. വിദേശകാര്യ മന്ത്രാലയത്തിെൻറ വെബ്സൈറ്റിൽ പ്രസിദ്ധീകരിച്ച പട്ടികയനുസരിച്ച് വന്ദേഭാരത മിഷൻ ആറാം ഘട്ടത്തിൽ കുവൈത്തിൽനിന്ന് ആകെ 80 സർവിസുകളാണുള്ളത്.
ഇതിൽ പകുതി കേരളത്തിലേക്കാണ്. എയർ ഇന്ത്യ എക്സ്പ്രസിെൻറ കോഴിക്കോട്ടേക്കുള്ള നാല് സർവിസുകൾക്ക് പുറമെ ഇൻഡിഗോ എയർലൈൻസ് കോഴിക്കോട്, കൊച്ചി, കണ്ണൂർ, തിരുവനന്തപുരം എന്നിവിടങ്ങളിലേക്ക് 36 സർവിസുകൾ ഷെഡ്യൂൾ ചെയ്തിട്ടുണ്ട്.
അതിനിടെ ഇന്ത്യയിലേക്കുള്ള വിമാന ടിക്കറ്റ് നിരക്ക് കുത്തനെ താഴ്ന്നു. പത്ത് ഇന്ത്യൻ നഗരങ്ങളിലേക്ക് 30 ദീനാർ മുതൽ നിരക്കിലാണ് ജസീറ എയർവേയ്സ് സർവീസ് നടത്തുന്നത്.
കൊച്ചി, ഡൽഹി, മുംബൈ, അഹമ്മദാബാദ്, ബംഗളൂരു, ചെന്നെ, ജയ്പൂർ, വിജയവാഡ, അമൃതസർ, മംഗളൂരു എന്നിവിടങ്ങളിലേക്കാണ് ജസീറ എയർവേയ്സ് സർവീസ് നടത്തുന്നത്. കുറഞ്ഞ നിരക്കിൽ സെപ്റ്റംബർ നാല് മുതൽ 30 വരെയുള്ള യാത്രക്ക് ജസീറ എയർവേയ്സ് ബുക്കിങ് ആരംഭിച്ചു. ഇന്ത്യയിൽ കോവിഡ് വ്യാപന തോത് ഉയർന്നതും കുവൈത്തിലേക്കുള്ള തിരിച്ചുവരവ് സംബന്ധിച്ച അനിശ്ചിതാവസ്ഥ തുടരുന്നതും ഡിമാൻഡ് കുറച്ചതാണ് ടിക്കറ്റ് നിരക്ക് താഴാൻ കാരണം.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല