സ്വന്തം ലേഖകൻ: സൗദിയുടെ കിഴക്കൻ മേഖലയിലും മധ്യമേഖലയുടെ ഇന്ന് ശക്തിയായ ചൂട് തുടരുമെന്ന് പ്രതീക്ഷിക്കുന്നതായി നാഷനൽ സെന്റർ ഓഫ് മെറ്റീരിയോളജി അതിന്റെ കാലാവസ്ഥാ റിപ്പോർട്ടിൽ വ്യക്തമാക്കി. മദീന, മക്ക, ജിസാൻ മേഖലകൾക്കിടയിലെ തീരദേശ റോഡിൽ തിരശ്ചീന ദൃശ്യപരത പരിമിതപ്പെടുത്തി പൊടിയും സജീവമായ കാറ്റിന്റെ സാധ്യത ഉണ്ടാകുമെന്നും കാലാവസ്ഥാ നിരീക്ഷണ കേന്ദ്രം സൂചിപ്പിച്ചു.
ചെങ്കടലിൽ പടിഞ്ഞാറ് മുതൽ വടക്ക് പടിഞ്ഞാറ് ദിശയിൽ വടക്ക് മധ്യ ഭാഗങ്ങളിൽ മണിക്കൂറിൽ 20-40 കിലോമീറ്റർ വേഗതയിലും തെക്ക് ഭാഗത്ത് മണിക്കൂറിൽ 25-50 കിലോമീറ്റർ വേഗതയിലുമായി ഉപരിതല കാറ്റ് അടിച്ചു വീശും. ഇത് വടക്കൻ, മധ്യ ഭാഗങ്ങളിൽ ഒന്ന് മുതൽ രണ്ട് മീറ്റർ വരെയും തെക്ക് ഭാഗത്ത് ഒന്നര മുതൽ രണ്ടര മീറ്റർ വരെയും തിരമാല ഉയരാനും ഇടയാക്കും.
പകല്‍ സമയങ്ങളില്‍ പുറത്തിറങ്ങുന്നവര്‍ സൂര്യതാപമേല്‍ക്കുന്നത് തടയാന്‍ ആവശ്യമായ മുന്‍കരുതലുകള്‍ സ്വീകരിക്കാന്‍ ആരോഗ്യ മന്ത്രാലയം പൊതുജനങ്ങള്‍ക്ക നിര്‍ദ്ദേശം നല്‍കി. ലോകത്ത് ഏറ്റവും ചൂടുള്ള കാലാവസ്ഥയാണ് ജൂലൈയില്‍ അനുഭവപ്പെടുകയെന്ന് നാസയിലെ കാലാവസ്ഥ വിദഗ്ദരും മുന്നറിയിപ്പ് നല്‍കിയിട്ടുണ്ട്. എല്‍നിനോ പ്രതിഭാസമാണ് ഇതിന് കാരണമായി പറയുന്നത്. ഇത് ഗള്‍ഫ് രാജ്യങ്ങളിലെ വേനല്‍ ചൂടിന് കാഠിന്യമേറാന്‍ കാരണമായതായും ഇവര്‍ സൂചിപ്പിക്കുന്നുണ്ട്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല