സ്വന്തം ലേഖകൻ: ജോലി ഒഴിവുകൾ എന്ന തലക്കെട്ടിൽ ഓൺലൈനിൽ വരുന്ന വ്യാജ വാർത്തകൾക്കെതിരെ മുന്നറിയിപ്പ് നൽകി ഷാർജ പോലീസ്. സോഷ്യൽ മീഡിയയിൽ പ്രചരിക്കുന്ന വാർത്തകൾ സത്യമാണെന്ന് മനസ്സിലാക്കിയ ശേഷം മാത്രം ജോലിക്കായി അപേക്ഷിക്കുക. ജോലി ഒഴുകൾ ഉള്ള ഡിപ്പാർട്ട്‌മെന്‍റിന്‍റെ ഔദ്യോഗിക വെബ്സൈറ്റുകൾ സന്ദർശിച്ച് ഉറപ്പുവരുത്തിയ ശേഷം മാത്രം ജോലിക്കായി അപേക്ഷിക്കുകയെന്ന് ഷാർജ പോലീസ് പറയുന്നു. ട്വിറ്ററിലൂടെയാണ് അവർ അറിയിപ്പ് പുറത്തുവിട്ടത്.
വ്യാജ വാർത്തകളും അഭ്യൂഹങ്ങൾ പ്രചരിപ്പിക്കുന്നവർക്കെതിരെ ശക്തമായ മുൻകരുതൽ നടപടികൾ സ്വീകരിക്കുമെന്ന് പോലീസ് അറിയിച്ചു. ആർട്ടിക്കിൾ -52 അനുസരിച്ച് സർക്കാർ പുറത്തിറക്കുന്ന വാർത്തകൾക്ക് എതിരായി തെറ്റായ വാർത്തകൾ പുറത്തിറക്കുകയോ അനാവശ്യമായി കിംവദന്തികൾ പരത്തുകയോ ചെയ്താൽ ഒരു വർഷം തടവും ലക്ഷം ദിർഹം പിഴയും ശിക്ഷ ലഭിക്കും.
കൂടാതെ തെറ്റായ വാർത്തകൾ പ്രചരിപ്പിച്ച് രാജ്യത്തെ അധികാരികൾക്കെതിരെ പൊതുജനാഭിപ്രായം ഉണർത്തിയാലും ശിക്ഷ ലഭിക്കും. രാജ്യം പ്രയാസ ഘട്ടങ്ങളിലൂടെ കടന്നു പോകുമ്പോൾ തെറ്റായ വാർത്തകൾ നൽകി പ്രശ്നങ്ങൾ സൃഷ്ടിക്കുകയാണെങ്കിൽ രണ്ട് വർഷം തടവും 200,000 ദിർഹം പിഴയും ലഭിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല