“വിദ്വേഷ പ്രചാരണം ഒരു പണിയാണോ?” ഫെയ്സ്​ബുക്കിൽ നിന്നും രാജിവെച്ച്​ സോഫ്​റ്റ്​​വെയർ എഞ്ചീനിയർ

സ്വന്തം ലേഖകൻ: ഫേസ്ബുക്ക് വിദ്വേഷപ്രചരണങ്ങൾക്ക്​ കൂട്ടുനിന്ന്​ ലാഭം കൊയ്യുവെന്നാരോപിച്ച്​ കമ്പനിയുടെ സോഫ്റ്റ് വെയര്‍ എഞ്ചിനീയര്‍ രാജിവെച്ചു. 28കാരനായ അശോക്​ ചന്ദ്വാനിയാണ്​ ഫേസ്​ബുക്കി​ൽ ഇനിയും തുടരാൻ കഴിയില്ലെന്ന്​ അറിയിച്ചത്​. യു.എസിലും ആഗോതലത്തിൽ തന്നെ വിദ്വേഷപ്രചരണങ്ങൾക്ക്​ ​ കൂട്ടുനിൽക്കുന്ന ഒരു സംരംഭത്തിന്​ ഇനിമുതൽ ഒരുതരത്തിലുള്ള സംഭാവനയും നൽകാനാവില്ലെന്ന്​ അശോക്​ ചന്ദ്​വാനി രാജിക്കത്തിൽ കുറിച്ചു.

സാമൂഹിക മൂല്യം വളർത്തുക എന്ന ദൗത്യത്തിൽ നിന്നും പിറകോട്ടുപോയ ഫേസ്​ബുക്ക്​ലാഭമുണ്ടാക്കുന്നതിനാണ് പ്രധാന്യം നൽകുന്നത്​ . വംശീയവെറി, അക്രമത്തിന്​ ​ആഹ്വാനം ചെയ്യൽ, വിദ്വേഷപ്രചരണം തുടങ്ങിയവക്ക്​ ഫേസ്​ബുക്കി​ന്റെ പ്ലാറ്റ്​ഫോം വേദിയായി. അമേരിക്കന്‍ പ്രസിഡൻറ്​ ഡൊണാള്‍ഡ് ട്രംപ് തെരഞ്ഞെടുപ്പ്​ സമയത്ത്​ നടത്തിയ വിദ്വേഷ പോസ്റ്റുകൾ ഉൾപ്പെടെയുള്ളതിൽ നടപടിയെടുക്കാന്‍ ഫേസ്ബുക്കിനായില്ല. ​

പൊലീസ്​ വെടിവെപ്പിൽ േജക്കബ്​ ​േബ്ലക്ക്​ മരിച്ചതിനെ തുടർന്ന്​ കെനോഷയിലും വിസ്‌കോന്‍സിന്‍ തെരുവുകളിൽ അക്രമം നടത്തുകയും ജനങ്ങളോട്​ തോക്കേന്തി പ്രതികാരം ചെയ്യണമെന്ന്​ പ്രേരിപ്പിക്കുകയും ചെയ്​ത തീവ്രവാദ ഗ്രൂപ്പുകളുടെ പോസ്​റ്റുകളും ചിത്രങ്ങളും നീക്കം ചെയ്യുന്നതിലും ഫേസ്​ബുക്ക്​ പരാജയപ്പെട്ടു.

തീ​വ്രവലതു പക്ഷ പ്രസ്ഥാനമായ ബൂഗുലു ബോയ്​സി​െൻറ ചിത്രങ്ങളും അക്കൗണ്ടുകളും നിരോധിക്കാനും ഫേസ്​ബുക്ക്​ തായറായില്ല. സായുധരായ ബൂഗുലൂ അംഗങ്ങളുടെ ചിത്രങ്ങൾ ഇപ്പോഴും ഫേസ്​ബുക്കിലു​ണ്ടെന്നും അശോക്​ ഉദാഹരണ സഹിതം ചൂണ്ടിക്കാട്ടുന്നു.

സമാന ആരോപണവുമായി കഴിഞ്ഞ ഒരുമാസത്തിനിടെ നിരവധി ജീവനക്കാര്‍ ഫേസ്ബുക്കിൽ നിന്നും രാജിവെച്ചിരുന്നു. മിനാപോളിസ്​ വെടിവെപ്പിനെ തുടർന്ന്​ കൊള്ള​യടിക്കലാണ്​ വെടിവെപ്പിൽ കലാശിച്ചതെന്ന ട്രംപി​െൻറ പോസ്​റ്റ്​ പിന്‍വലിക്കില്ലെന്ന് സി.ഇ.ഒ മാര്‍ക്ക് സക്കര്‍ബര്‍ഗ് അറിയിച്ചതിന് ശേഷം മാത്രം ഒരാഴ്ചക്കിടെ മൂന്നു പേരാണ് രാജിവെച്ചത്.

ഫേസ്ബുക്ക്​ വിദ്വേഷം പരത്തുന്നുവെന്ന ആരോപണം ശക്തമായതോടെ സർക്കാർ വിരുദ്ധ, തീവ്ര നിലപാടുള്ള സംഘടനകളുടെ ഉൾപ്പെടെ നിരവധി അക്കൗണ്ടുകൾ നീക്കം ചെയ്​തിരുന്നു.

ഇന്ത്യയില്‍ ഭരണകക്ഷിയായ ബി.ജെ.പിക്ക്​ അനുകൂലമായി ഫേസ്ബുക്ക് പ്രവര്‍ത്തിക്കുന്നുവെന്ന ആരോപണവും പ്രതിപക്ഷം ഉയർത്തിയിരുന്നു. ബി.ജെ.പി നേതാക്കളുടെ വിദ്വേഷ-വര്‍ഗീയ പോസ്റ്റുകള്‍ പിന്‍വലിക്കാന്‍ ഫേസ്ബുക്ക് താറാകാതിരുന്നത്​ ചൂണ്ടിക്കാട്ടി പ്രതിപക്ഷം സക്കർബർഗിന്​ കത്ത്​ അയച്ചിരുന്നു.