വ്യാ​ജ തൊ​ഴി​ൽ പ​ര​സ്യ​ങ്ങ​ൾ​ വ്യാപകം, ജാ​ഗ്ര​ത വേ​ണം; മുന്ന​റി​യി​പ്പു​മാ​യി അ​ബുദാ​ബി പോലീ​സ്

സ്വന്തം ലേഖകൻ: വിവിധ തരത്തിലുള്ള തട്ടിപ്പുകാരെ സൂക്ഷിക്കണം എന്ന മുന്നറിയിപ്പുമായി അബുദാബി പോലീസ്. പല പുതിയ രീതിയിൽ തന്ത്രങ്ങൾ പുറത്തെടു വരുകയാണ്. ഇരകളെ കണ്ടെത്താൽ എന്ത് മാർഗവും സ്വീകരിക്കുന്ന രീതിയിലാണ് ഇപ്പോൾ തട്ടിപ്പു സംഘം. അത്യാധുനിക സാങ്കേതിക വിദ്യകൾ ഉപയോഗിച്ച് എങ്ങനെ എങ്കിലും ആളുകളെ വശീകരിക്കുകയാണ് തട്ടിപ്പ് സംഘം ലക്ഷ്യം വെക്കുന്നത്. തട്ടിപ്പുകാരെയും അവരുപയോഗിക്കുന്ന മാർഗങ്ങളെക്കുറിച്ചും അബുദാബി പോലീസ് പൊതുജനങ്ങൾക്ക് മുന്നറിയിപ്പ് നൽകിയിട്ടുണ്ട്.

പല രീതിയിൽ ആയിരിക്കും തട്ടിപ്പുക്കാർ നിങ്ങൾക്ക് മുന്നിലത്തുന്നത്. പല കാര്യങ്ങളും അന്വേഷിച്ച് വിവരങ്ങൾ ചേർത്താൻ വേണ്ടി കോളുകൾ എത്തും. തെറ്റിധരിപ്പിക്കുന്ന ലിങ്കുകൾ അയച്ച് വിവിരങ്ങൾ നൽകാൻ ആവശ്യപ്പെടും. എസ്എംഎസ് വഴി അയച്ച വ്യാജ ഇലക്ട്രോണിക് വെബ്‌സൈറ്റുകളിലേക്ക് വിവരങ്ങൾ നൽകാൻ ആവശ്യപ്പെടുന്ന രീതിയും ഇപ്പോൾ വ്യാപകമായി നടക്കുന്നുണ്ട്.

പൊതുജനങ്ങളെ തെറ്റിദ്ധരിപ്പിക്കാൻ വേണ്ടി സർക്കാർ സ്ഥാപനങ്ങളുടെ പേരും വിവരങ്ങളും ഉപയോഗിക്കുന്നു. സമൂഹത്തിന് കാര്യമായ ഭീഷണി ഉയർത്തുകയാണ് ഇത് ലക്ഷ്യം വെക്കുന്നത്. വളർത്തുമൃഗങ്ങളെ വിൽപനയ്‌ക്കോ ദത്തെടുക്കലിനോ സാധിക്കും എന്ന രീതിയിൽ വ്യാജ വെബ്സെെറ്റുകൾ പ്രവർത്തിക്കുന്നുണ്ട്.

ഇൻഷുറൻസ് ചെലവുകൾ ഷിപ്പിങ്ങ് എന്നിവ ഇതിൽ ഉൾപ്പെടും എന്ന രീതിയിൽ ആണ് പരസ്യം എത്തുന്നത്. ‘വ്യാജ’ വെബ്‌സൈറ്റുകളിൽ കയറി തങ്ങളുടെ വിവരങ്ങൾ നൽകിയവർ ആണ് കൂടുതലായും പെട്ടിരിക്കുന്നത്. പല തരത്തുലുളള വാഗ്ദാനം നൽകി പരസ്യങ്ങൾ വരുന്നുണ്ട്. ഇതിൽ ജാഗ്രത പാലിക്കണം. സോഷ്യൽ നെറ്റ്‌വർക്കിങ് സൈറ്റുകൾ ഇതുമായി ബന്ധപ്പെട്ട് വരുന്ന പല തരത്തിലുള്ള കാര്യങ്ങൾ നടക്കുന്നുണ്ട് ഇതെല്ലാം ശ്രദ്ധിച്ചാണ് കെെകാര്യം ചെയ്യേണ്ടത് എന്നാണ് പോലീസ് നൽകുന്ന മുന്നറിയിപ്പ്. പരസ്യം കണ്ട് ഓൺലെെൻ വഴി പണം അയക്കുമ്പോൾ അത് വലിയ ചതിയാണെന്ന് മനസ്സിലാക്കണം. പ്രാദേശികമായും രാജ്യാന്തര തലത്തിലും ലൈസൻസുള്ള എക്‌സ്‌ചേഞ്ച് കമ്പനികൾ വഴി ഫണ്ട് കൈമാറ്റം മതി എന്ന് തീരുമാനിക്കണം.

ജാഗ്രത പാലിക്കാൻ ആണ് നിർദ്ദേശം നൽകിയിരിക്കുന്നത്. സമൂഹ മാധ്യമ പ്രൊഫൈലുകളും വളരെ ഔദ്യോഗികമായി ഇത്തരത്തിലുള്ള തട്ടിപ്പുക്കാർ സൃഷ്ട്ടിച്ച് എടുക്കും. തുടർന്നാണ് പല തരത്തിലുള്ള പരിപാടികളുമായി ഇവർ രംഗത്തെത്തുന്നത്. തട്ടിപ്പുകാർ ജോലി അപേക്ഷകരിൽ നിന്ന് പണം വാങ്ങി ജോലി തരാം എന്ന് വാഗ്ദാനം ചെയ്യും. ഇതിൽ വീഴരുതെന്ന് ആണ് പോലീസ് മുന്നറിയിപ്പ് നൽകുന്നത്. അക്കൗണ്ട് വിവരങ്ങൾ, കാർഡ് വിവരങ്ങൾ എന്നിവ കെെമാറരുത്.

ഓൺലൈൻ ബാങ്കിങ് പാസ്‌വേഡുകൾ, പിൻ നമ്പറുകൾ എന്നിവ കെെമാറരുത് എന്ന് പോലീസ് മുന്നറിയിപ്പ് നൽകുന്നു. സെക്യൂരിറ്റി നമ്പറുകൾ, പാസ്‌വേഡുകൾ എന്നിവ ഒരു കമ്പനിയും നിങ്ങളോട് ആവശ്യപ്പെടില്ല. വിഷയത്തിൽ ജാഗ്രത പാലിക്കണം. നിയമാനുസൃത ബാങ്ക് ജീവനക്കാർ അത്തരം വിവരങ്ങൾ ആവശ്യപ്പെടില്ലെന്ന് അബുദാബി പോലീസ് പൊതുജനങ്ങളോട് പറഞ്ഞു. 8002626 എന്ന നമ്പറിൽ അമൻ സേവനവുമായി ബന്ധപ്പെട്ടോ അല്ലെങ്കിൽ 2828 എന്ന നമ്പറിലേക്ക് സന്ദേശം അയച്ചോ റിപ്പോർട്ടുകൾ നൽകാം.