സ്വന്തം ലേഖകൻ: യുഎഇയില്‍ ഒക്ടോബര്‍ മാസത്തെ റീട്ടെയില്‍ ഇന്ധന വില പ്രഖ്യാപിച്ചു. നാളെ മുതല്‍ പുതുക്കിയ നിരക്ക് ഈടാക്കും. സൂപ്പര്‍ 98, സ്‌പെഷ്യല്‍ 95, ഇപ്ലസ് 91 എന്നിവയുടെ റീട്ടെയില്‍ നിരക്കുകള്‍ ലിറ്ററിന് ഏകദേശം മൂന്ന് ഫില്‍സ് വീതം വര്‍ധിപ്പിച്ചു.
ഇന്ധന വില കമ്മിറ്റി എല്ലാ മാസവും വിപണിക്കനുസരിച്ച് വില പുതുക്കി നിശ്ചയിക്കാറുണ്ട്. ഒക്ടോബറില്‍ സൂപ്പര്‍ 98 പെട്രോളിന് ലിറ്ററിന് 3.44 ദിര്‍ഹമാണ് നല്‍കേണ്ടത്. സപ്തംബറില്‍ 3.42 ദിര്‍ഹമാണ് ഈടാക്കിയിരുന്നത്. രണ്ട് ഫില്‍സിന്റെ വര്‍ധനയാണിത്. സ്‌പെഷ്യല്‍ 95 പെട്രോളിന് 3.31 ദിര്‍ഹം ഉണ്ടായിരുന്നത് 3.33 ആയി.
രണ്ട് ഫില്‍സാണ് വര്‍ധിച്ചത്. ഇ പ്ലസ് 91 പെട്രോളിന് 3.26 ദിര്‍ഹമാണ് പുതിയ വില. 3.23 ദിര്‍ഹം ഉണ്ടായിരുന്നത് മൂന്ന് ഫില്‍സ് വര്‍ധിച്ചു. വാഹനത്തിന്റെ തരമനുസരിച്ച്, ഒക്ടോബറില്‍ ഫുള്‍ ടാങ്ക് പെട്രോള്‍ ലഭിക്കുന്നതിന് കഴിഞ്ഞ മാസത്തേക്കാള്‍ 1.53 ദിര്‍ഹം മുതല്‍ 8.32 ദിര്‍ഹം വരെ കൂടുതല്‍ ചെലവാകും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല