യുഎഇ ദേശീയ ദിനം: സ്വകാര്യ മേഖലയിലെ ജീവനക്കാര്‍ക്ക് മൂന്ന് ദിവസം അവധി പ്രഖ്യാപിച്ചു

സ്വന്തം ലേഖകൻ: ദേശീയ ദിനത്തോട് അനുബന്ധിച്ചുള്ള അവധി ദിവസങ്ങൾ പ്രഖ്യാപിച്ച് യുഎഇ. സർക്കാർ ജീവനക്കാർക്കും സർക്കാർ ഏജൻസികൾക്കും സ്വകാര്യ മേഖലയ്ക്കും നീണ്ട അവധിയാണ് യുഎഇ പ്രഖ്യാപിച്ചിരിക്കുന്നത്. ഡിസംബർ 2 മുതൽ 4 വരെ (ശനി മുതൽ തിങ്കൾ വരെ) മൂന്നു ദിവസത്തെ അവധിയായിരിക്കും ലഭിക്കുക. വാരാന്ത്യ അവധി ഉൾപ്പടെയാണ് അവധി ലഭിക്കുന്നത്.

ദേശീയ ദിനം പ്രമാണിച്ച് ഡിസംബർ ഒന്നിന് സർക്കാർ ഫെഡറൽ ജീവനക്കാർക്ക് വെള്ളിയാഴ്ച ഓൺലൈൻ പ്രവൃത്തി ദിനമായി ആണ് പ്രഖ്യാപിച്ചിരക്കുന്നത്. ജോലിയിൽ നിർബന്ധമായും പ്രവേശിക്കേണ്ട ആവശ്യമുള്ളവർക്ക് ഓൺലൈൻ വഴി പ്രവർത്തിക്കാമെന്ന് അധികൃതർ അറിയിച്ചു.

ഡിസംബർ 2, 3 തീയതികളിൽ ശമ്പളത്തോടുകൂടിയ പൊതു അവധിയാണ് പ്രഖ്യാപിച്ചിരിക്കുന്നത്. നേരത്തേ സ്വകാര്യ മേഖലക്ക് രണ്ടു ദിവസമാണ് അവധി നൽകാൻ തീരുമാനിച്ചിരുന്നത്. എന്നാൽ ഇന്നലെ രാത്രി പുതിയ അറിയിപ്പ് പുറത്തുവന്നത്. ദേശീയദിനമായ ഡിസംബർ രണ്ടു മുതൽ നാലു വരെയാണ് പുതിയ അവധി ദിവസങ്ങൾ ( ശനി, ഞായർ, തിങ്കൾ ) അവധിക്ക് ശേഷം അഞ്ചാം തീയതിയാണ് ഓഫീസുകൾ തുറന്നു പ്രവർത്തിക്കുക.

കഴിഞ്ഞ വർഷം സ്വകാര്യ, പൊതുമേഖലയിലെ ജീവനക്കാർക്ക് ഡിസംബർ ഒന്നിന് അവധി ബാധകമായിരിക്കും എന്ന അറിയിപ്പാണ് എത്തിയത്. തുടർന്ന് മൂന്ന് ദിവംസ അവധി ലഭിച്ചു. എന്നാൽ ഈ വർഷം ഡിസംബർ ഒന്ന് വെള്ളിയാഴ്ച പ്രവൃത്തിദിനമാണ്. അതിനാൽ ആണ് വർക്ക് ഫ്രം ഹോം അനുവദിക്കാൻ തീരുമാനിച്ചത്.

അതേസമയം, യുഎഇയുടെ 52ാം ദേശീയ ദിനത്തിന്‍റെ ഔദ്യോഗിക ആഘോഷ ചടങ്ങുകൾ ദുബായ് എക്സ്പോ സിറ്റി വേദിയാകുമെന്ന് സംഘാടക സമിതി അറിയിച്ചു. ഡിസംബർ രണ്ടിന് കോപ് 28 നടക്കുന്നതിനിടയിലായിരിക്കും ദേശീയ ദിനം കടന്നു വരുന്നത്. 1971ൽ രാജ്യം സ്ഥാപിതമായത് മുതൽ എല്ലാവർഷവും ദേശീയ ദിനം ആഘോഷിക്കാറുണ്ട്.

ഐക്യത്തിന്റെയും കൂട്ടായ പ്രവർത്തനത്തിന്റെയും ഭാഗമായി നിരവധി പരിപാടികൾ ആണ് നടക്കുക. പാരമ്പര്യത്തെ എടുത്തുക്കാട്ടുനന തരത്തിൽ നിരവധി പരിപാടികൾ നടക്കാറുണ്ട്. 52ാം ദേശീയ ദിനത്തിന്‍റെ ഔദ്യോഗിക ആഘോഷങ്ങൾക്കായി വലിയ ഒരുക്കങ്ങൾ ആണ് ദുബായ് എക്സ്പോ സിറ്റിയിൽ നടത്തി കൊണ്ടിരിക്കുന്നത്. ചടങ്ങിൽ നൂതന സാങ്കേതികവിദ്യകളും ആശ്വാസകരമായ പദ്ധതികളും പ്രഖ്യാപിക്കാനുള്ള തയ്യാറെടുപ്പുകൾ നടക്കുന്നുണ്ട്.

ഇമാറാത്തി സംസാകാരം വിളിച്ചോതുന്ന തരത്തിലുള്ള പരിപാടികൾ ഉണ്ടായിരിക്കും. വിവിധ തരത്തിലുള്ള ഷോകൾ പാരമ്പര്യവും സാങ്കേതികവിദ്യയും തമ്മിലുള്ള ബന്ധവും ചിത്രീകരിക്കുന്ന തരത്തിലുള്ള വികസന കാഴ്ചകൾ എന്നിവയെല്ലാം ഇവിടെ ഒരുക്കിയിട്ടുണ്ടാകും. വരും വർഷത്തിൽ നിന്നും വിത്യാസ്ഥമായി വിവിധ തരത്തിലുള്ല പരിപാടികൾ ആണ് ഇവിടെ ഒരുക്കിയിരിക്കുന്നത്.

യുഎഇയിലെ സുസ്ഥിര ഭാവിയെക്കുറിച്ചുള്ള കാഴ്ചപ്പാടിലേക്ക് പോകുന്ന തരത്തിലുള്ള പരിപാടികൾ നടക്കും. ഔദ്യോഗിക ചടങ്ങ് എല്ലാ പ്രാദേശിക ടി.വി ചാനലുകളിലും ഔദ്യോഗിക വെബ്‌സൈറ്റിലും തത്സമയം സംപ്രേഷണം ചെയ്യാൻ തീരുമാനിച്ചിട്ടുണ്ട്. അതിന് വേണ്ടിയുള്ള ഒരുക്കങ്ങൾ നടന്നു കൊണ്ടിരിക്കുകയാണ്.