സ്വന്തം ലേഖകൻ: 50 വർഷത്തെ കാലാവധിയുള്ള മോർട്ട്ഗേജുകൾ അവതരിപ്പിക്കാനൊരുങ്ങി സർക്കാർ. ഗവൺമെന്റ് പരിഗണിക്കുന്ന പുതിയ പദ്ധതികൾക്ക് കീഴിൽ, വീട്ടുടമസ്ഥർക്ക് 50 വർഷത്തെ മോർട്ട്ഗേജുകൾ എടുക്കാൻ കഴിയുന്ന തരത്തിലാകും.
ജാപ്പനീസ് ശൈലിയിലുള്ള വായ്പാ കരാറുകൾ ആളുകൾക്ക് അവരുടെ ജീവിതകാലത്ത് തന്നെ മോർട്ട്ഗേജ് തിരിച്ചടവുകൾ പൂർത്തിയാക്കണമെന്നില്ല. പകരം സ്വത്തും കുടിശ്ശികയുള്ള കടവും അവരുടെ മക്കൾക്ക് കൈമാറും. പദ്ധതിയെക്കുറിച്ച് മാധ്യമപ്രവർത്തകരുടെ ചോദ്യങ്ങൾക്ക്, ക്രോസ്-ജനറേഷൻ മോർട്ട്ഗേജുകൾ താൻ പരിഗണിക്കുകയാണെന്ന് പ്രധാനമന്ത്രി ബോറിസ് ജോൺസൺ പറഞ്ഞു.
ഏപ്രിലിൽ മോർട്ട്ഗേജ് കടമെടുപ്പ് 36% കുറഞ്ഞിരുന്നു, റെഡ്-ഹോട്ട് ഹൗസിംഗ് മാർക്കറ്റ് വേഗത നഷ്ടപ്പെടാൻ തുടങ്ങുന്നു എന്നതിന്റെ മറ്റൊരു സൂചനയായാണ് ഇത് കണക്കാക്കുന്നത്. പുതിയ പദ്ധതിപ്രകാരം ആളുകൾക്ക് താങ്ങാൻ കഴിയുന്നതിനേക്കാൾ വലിയ വീട് വാങ്ങാൻ അനുവദിക്കുമെന്നതിനാൽ സർക്കാരിന്റെ സജീവ പരിഗണനയിലാണ്.
ജപ്പാനിൽ, 100 വർഷത്തെ നിബന്ധനകളോടെയാണ് ക്രോസ് ജനറേഷൻ മോർട്ട്ഗേജുകൾ. എന്നാൽ യുകെയിൽ ഈ നിർദ്ദേശം ചെലുത്തുന്ന സ്വാധീനത്തെക്കുറിച്ച് വിദഗ്ധർ സംശയം പ്രകടിപ്പിക്കുന്നുണ്ട്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല