സ്വന്തം ലേഖകൻ: യുകെയിൽ ഒമിക്രോൺ ആഞ്ഞടിക്കുന്നു. 24 മണിക്കൂറില്‍ 88,736 കോവിഡ് കേസുകളാണ് രാജ്യത്ത് രേഖപ്പെടുത്തിയത്. ഒരാഴ്ചയ്ക്കുള്ളിൽ 74% വർധന. ഒമിക്രോൺ വേരിയന്റിനെ ‘ആഗോള പൊതുജനാരോഗ്യത്തിനുള്ള ഏറ്റവും വലിയ നിലവിലെ ഭീഷണി’ എന്ന് G7 രാഷ്ട്രങ്ങളിലെ ആരോഗ്യ മന്ത്രിമാർ ചേർന്ന അടിയന്തിര യോഗത്തിൽ പ്രഖ്യാപിച്ചു.
സ്വദേശത്തും വിദേശത്തും പ്രതിരോധ കുത്തിവയ്പ്പുകൾ വർധിപ്പിക്കുന്നതിൽ രാജ്യങ്ങൾ ഇപ്പോൾ ഒറ്റക്കെട്ടാണെന്ന് മന്ത്രിമാർ പറഞ്ഞു, ലോകത്തിന് ഉയർന്ന തോതിൽ പകരുന്ന വേരിയന്റ് ഉയർത്തിയിരിക്കുന്ന ഭീഷണി തന്റെ അധ്യക്ഷതയിൽ ചേർന്ന അടിയന്തര യോഗം നിർണ്ണയിച്ചതായി ബ്രിട്ടന്റെ ആരോഗ്യ സെക്രട്ടറി സാജിദ് ജാവിദ് പറഞ്ഞു. ഒമിക്രോൺ ഭീതിയെ നേരിടുന്നതിനുള്ള പ്രവർത്തനങ്ങൾ ജി7 രാജ്യങ്ങൾ ഒരുമിച്ച് നടത്തുമെന്നും അദ്ദേഹം കൂട്ടിച്ചേർത്തു.
ബ്രിട്ടനിൽ 24 മണിക്കൂറിനുള്ളിൽ 88,000-ത്തിലധികം ആളുകൾക്ക് കോവിഡ് രോഗനിർണയം നടത്തി, കൂടാതെ അൾട്രാ-ഇൻഫെക്ഷ്യസ് വേരിയന്റായ ഒമിക്രോൺ ഇനിയും റെക്കോർഡുകൾ ഒരുപാട് തകർക്കുമെന്ന്ചീഫ് മെഡിക്കൽ ഓഫീസർ ക്രിസ് വിറ്റി എംപിമാർക്ക് മുന്നറിയിപ്പ് നൽകി. ഓരോ രണ്ട് ദിവസം കൂടുമ്പോഴും കേസുകൾ ദേശീയതലത്തിൽ ഇരട്ടിയാകുമെന്നും പരിശോധന തുടരുന്നതിനേക്കാൾ വേരിയന്റ് വേഗത്തിൽ പടരുമെന്നും വിശ്വസിക്കപ്പെടുന്നു.
അതേസമയം, പുതിയ വേരിയന്റിനെ നേരിടാനുള്ള ശ്രമത്തിൽ ക്രിസ്മസിന് ശേഷം നിശാക്ലബുകൾ അടയ്ക്കുമെന്നും ഓഫീസുകളിൽ സാമൂഹിക അകലം പാലിക്കുമെന്നും വെയിൽസ് ഇന്നലെ രാത്രി പ്രഖ്യാപിച്ചു. ഉപഭോക്താക്കളെയും ജീവനക്കാരെയും സംരക്ഷിക്കുന്നതിനുള്ള വൺ-വേ സംവിധാനങ്ങളും ഉൾപ്പെടെയുള്ള നടപടികൾക്കൊപ്പം ഡിസംബർ 27 മുതൽ ഷോപ്പുകളിലും ബിസിനസ്സുകളിലും രണ്ട് മീറ്റർ സാമൂഹിക അകലം നിർബന്ധമാക്കുന്നതാണ് പുതിയ നിയന്ത്രണങ്ങൾ.
സാധ്യമാകുന്നിടത്തെല്ലാം വീട്ടിലിരുന്ന് ജോലി ചെയ്യണമെന്ന വ്യവസ്ഥ ഉൾപ്പെടുത്തുന്നതിനായി നിയമങ്ങൾ മാറ്റുമെന്ന് ഫസ്റ്റ് മിനിസ്റ്റർ മാർക്ക് ഡ്രേക്ക്ഫോർഡ് പറഞ്ഞു. സ്കോട്ട്ലൻഡിലും ഇന്ന് മൂതൽ നിയന്ത്രണങ്ങൾ പ്രാബല്യത്തിൽ വന്നിട്ടുണ്ട്. ഇന്നലത്തെ കോവിഡ് എണ്ണത്തിൽ ഒരാഴ്ചയ്ക്കുള്ളിൽ 74 ശതമാനമാണ് വർദ്ധനവ് രേഖപ്പെടുത്തുന്നത്. ചൊവ്വാഴ്ചത്തെ കണക്കിനെ അപേക്ഷിച്ച് 12 ശതമാനം കൂടുതലാണ്.
ജനുവരിയിലെ രണ്ടാം തരംഗത്തിനിടെ രേഖപ്പെടുത്തിയ 68,000 എന്ന മുൻ റെക്കോർഡിനെ മറികടന്നാണ് തുടർച്ചയായി രണ്ടാം ദിവസവും ബ്രിട്ടനിലെ വർദ്ധനവ്. ഇന്നലത്തെ 88,376 കേസുകളിൽ നാലിലൊന്ന് ലണ്ടനിലാണ്, ഇത് അതിവേഗം രാജ്യത്തിന്റെ വേരിയന്റ് പ്രഭവകേന്ദ്രമായി മാറിയിരിക്കുന്നു, ഈ വേരിയന്റ് ഓരോ ദിവസവും ഒന്നര ഇരട്ടിയായി വർദ്ധിക്കുകയും ചെറിയ കുട്ടികൾ ഒഴികെ എല്ലാ പ്രായത്തിലുമുള്ള കേസുകൾ വർദ്ധിക്കുകയും ചെയ്യുന്നു.
യുകെ ഹെൽത്ത് സെക്യൂരിറ്റി ഏജൻസി ഇന്നലെ പ്രസിദ്ധീകരിച്ച കണക്കുകൾ പ്രകാരം ഡിസംബർ 13 ന് തലസ്ഥാനത്ത് 70 ശതമാനം ഒമിക്രോൺ കേസുകളും ദേശീയ തലത്തിൽ 40 ശതമാനവുമാണ്. ബ്രിട്ടന്റെ ബൂസ്റ്റർ പ്രോഗ്രാമിൽ ബുധനാഴ്ച 745,183 മൂന്നാം ഡോസുകൾ നൽകി. പ്രതിദിനം ഒരു ദശലക്ഷം ബൂസ്റ്ററുകൾ എന്ന പ്രഖ്യാപിത ലക്ഷ്യത്തിലേക്ക് അടുക്കുകയാണ്.
ഇതിനർത്ഥം 25 ദശലക്ഷം ബ്രിട്ടീഷുകാർ ട്രിപ്പിൾ വാക്സിനേഷൻ എടുത്തവരാണ്. ഇത് ജനസംഖ്യയുടെ മൂന്നിലൊന്നിന് തുല്യമാണ്. ഒമിക്രോൺ വളരെ വേഗത്തിൽ പടരുന്നതിനാൽ ദിവസേനയുള്ള ആശുപത്രി പ്രവേശനം മുമ്പത്തെ ഉയർന്ന 4,500 നും മുകളിൽ എത്തിയേക്കുമെന്ന് പ്രൊഫസർ വിറ്റി ഹെൽത്ത് ആൻഡ് സോഷ്യൽ കെയർ സെലക്ട് കമ്മിറ്റിയിലെ എംപിമാരോട് പറഞ്ഞു.
രുദിവസങ്ങളിൽ സാഹചര്യം ഇതിലും മോശമാകുമെന്ന മുന്നറിയിപ്പാണ് ആരോഗ്യവിദഗ്ധര്‍ നൽകുന്നത്. എൻ.എച്ച്.എസ് ആശുപത്രികളെല്ലാം വീണ്ടും കോവിഡ് രോഗികളെക്കൊണ്ട് നിറയുന്ന സ്ഥിതിയാണ്. പുതിയ തരംഗത്തിൽ ഒമിക്രോൺ വേരിയന്റിന്റെ വ്യാപനവും വലിയതോതിൽ ഉണ്ടാകാമെന്നാണ് ചീഫ് മെഡിക്കൽ ഓഫിസർ ക്രിസ് വിറ്റി മുന്നറിയിപ്പ് നൽകുന്നത്.
ഇതിനിടെ രാജ്യം വീണ്ടുമൊരു ലോക്ഡൗണിലേക്ക് പോകാനുള്ള സാധ്യത തള്ളി പ്രധാനമന്ത്രി ബോറിസ് ജോൺസൺ. ക്രിസ്മസ്, ന്യൂ ഇയർ ആഘോഷങ്ങൾ റദ്ദാക്കേണ്ടതില്ലെങ്കിലും ഇവയെല്ലാം കരുതലോടെയും ജാഗ്രതയോടെയും വേണമെന്നാണ് പ്രധാനമന്ത്രി പറയുന്നത്. രാജ്യത്ത് ഇനിയുമൊരു ലോക്ഡൗൺ പ്രഖ്യാപിക്കുന്നതിനോട് വിയോജിപ്പുള്ളവരാണ് ഭരണകക്ഷിയായ ടോറിയിലെ നല്ലൊരു ശതമാനം നേതാക്കളും.
കോവിഡ് വ്യാപനത്തിന്റെ പശ്ചാത്തലത്തിൽ എലിസബത്ത് രാജ്ഞി അടുത്തയാഴ്ച ആദ്യം വിൻസർ കൊട്ടാരത്തിൽ നടത്താനിരുന്ന ക്രിസ്മസ് വിരുന്ന് റദ്ദാക്കി. രാജകുടുംബാംഗങ്ങൾക്കായി പരമ്പരാഗതമായി നടത്തിവന്നിരുന്ന ക്രിസ്മസ് ലഞ്ച് പാർട്ടിയാണ് തുടർച്ചയായ രണ്ടാംവർഷവും കോവിഡ് മൂലം റദ്ദാക്കപ്പെടുന്നത്. ക്രിസ്മസ് ആഘോഷത്തിനായി നോർഫോക്കിലെ സാന്ദ്രിഗ്രാമിലേക്ക് പുറപ്പെടും മുമ്പാണ് കുടുംബാംഗങ്ങളെ എല്ലാവരെയും ക്ഷണിച്ചുള്ള രാജ്ഞിയുടെ ക്രിസ്മസ് ലഞ്ച് നടത്താറുള്ളത്. മക്കളും ചെറുമക്കളും കുടുംബാംഗങ്ങളും ബന്ധുക്കളുമെല്ലാം പങ്കെടുക്കാറുള്ള വിരുന്നാണിത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല