സ്വന്തം ലേഖകൻ: യുകെയിൽ വിലക്കയറ്റം കൊണ്ട് ജനം പൊറുതിമുട്ടുന്ന അവസരത്തില്‍, വിലക്കയറ്റം നിയന്ത്രിക്കാനുള്ള പദ്ധതികള്‍ ഉള്‍പ്പെടുത്തിയുള്ള അടിയന്തര ബജറ്റ് വേണമെന്ന് ആവശ്യം. ജീവിതചെലവ് ലഘൂകരിക്കുന്നതിനുള്ള ആശയങ്ങള്‍ പരിഗണനയിലാണെന്നു മാത്രമാണ് ഈ ആവശ്യത്തോടുള്ള നമ്പര്‍ 10 വൃത്തങ്ങളുടെ പ്രതികരണം. പൊതുജനങ്ങളെ സഹായിക്കാന്‍ ആവശ്യമായ പദ്ധതികള്‍ രാജ്ഞിയുടെ പ്രസംഗത്തില്‍ അടങ്ങിയിട്ടില്ലെന്ന് ലേബര്‍ പാ ര്‍ട്ടി കുറ്റപ്പെടുത്തിയിരുന്നു.
രാജ്ഞിയുടെ അഭാവത്തില്‍ ചാള്‍സ് രാജകുമാരന്‍ നടത്തിയ പ്രസംഗത്തില്‍ വരും വര്‍ഷത്തേക്കുള്ള 38 ബില്ലുകളെപറ്റിയും കരട് ബില്ലുകളെപറ്റിയും പറയുന്നുണ്ട്. എന്നാല്‍ പ്രതിദിനം വ ര്‍ധിച്ചുവരുന്ന പ്രതിസന്ധി ഒഴിവാക്കാന്‍ സര്‍ക്കാര്‍ അടിയന്തര ബജറ്റ് പ്രഖ്യാപിക്കണമെന്ന ആവശ്യം പല കോണില്‍ നിന്നുയര്‍ന്നിരുന്നു.
എണ്ണ, വാതക കമ്പനികള്‍ക്ക് വിന്‍ഡ്‌ഫാ ടാക്സ് ഏര്‍പ്പെടുത്താന്‍ ചാന്‍സലര്‍ ഋഷി സുനക് അടിയന്തര ബജറ്റ് പ്രഖ്യാപിക്കണമെന്നത് ഉള്‍പ്പെടെയുള്ള അഭിപ്രായങ്ങള്‍ ഉയര്‍ന്നു. എന്നാല്‍ പൊതുജനങ്ങള്‍ക്ക് ആശ്വാസമാകുന്ന നടപടികള്‍ വരും ദിവസങ്ങളില്‍ താനും ചാന്‍സലറും ചേര്‍ന്ന് പറയുമെന്ന് പ്രധാനമന്ത്രി ബോറിസ് ജോണ്‍സണ്‍ അറിയിച്ചു.
യഥാര്‍ത്ഥ വരുമാനം കുറയുന്നതിലൂടെ രണ്ടര ലക്ഷത്തിലധികം ആളുകള്‍ ഈ വര്‍ഷം ദരിദ്രാവസ്ഥയിലേക്ക് വഴുതിവീഴുമെന്ന് നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഇക്കണോമിക് ആന്‍ഡ് സോഷ്യല്‍ റിസര്‍ച്ച് പറയുന്നു. ബുദ്ധിമുട്ടിനു താത്കാലിക പരിഹാരം എന്ന നിലയില്‍ ആഴ്‌ചയില്‍ 25 പൗണ്ടിന്റെ ആനുകൂല്യങ്ങള്‍ വ ര്‍ദ്ധിപ്പിക്കാനും ദരിദ്ര കുടുംബങ്ങള്‍ക്ക് ഒറ്റത്തവണയായി 250 പൗണ്ട് നല്‍കാനും തിങ്ക് ടാങ്ക് ആവശ്യപ്പെട്ടു.
യുകെ ജനതയില്‍ കൂടുതല്‍പ്പേര്‍ ഭക്ഷണം വെട്ടിക്കുറക്കുകയോ പട്ടിണി കിടക്കുകയോ ചെയ്യുന്നു എന്നാണ് പുതിയ സര്‍വേ. ഫുഡ് ഫൗണ്ടേഷന്റെ ചാരിറ്റിയുടെ ഗവേഷണമനുസരിച്ച്, യുകെയിലെ കൂടുതല്‍ ആളുകള്‍ ഭക്ഷണത്തിന്റെ വില ഉയരുന്നതിനാല്‍ ദിവസവും ഭക്ഷണം കഴിക്കാന്‍ ബുദ്ധിമുട്ടുന്നു.
മുതിര്‍ന്നവരില്‍ ഏഴിലൊന്ന് ആളുകള്‍ ഭക്ഷണം ഒഴിവാക്കുകയോ ഭക്ഷണത്തിന്റെ അളവ് കുറയ്ക്കുകയോ പട്ടിണി കിടക്കുകയോ ചെയ്ത വീടുകളിലാണ് താമസിക്കുന്നതെന്ന് ഒരു ഓണ്‍ലൈന്‍ സര്‍വേ പറയുന്നു.
ഉല്‍പ്പാദകര്‍ അവരുടെ വര്‍ദ്ധിച്ചുവരുന്ന ഊര്‍ജ ചെലവ് ഉപഭോക്താക്കളിലേക്ക് തള്ളുന്നതിനാല്‍ ഭക്ഷണം കൂടുത ല്‍ ചെലവേറിയതായിത്തീര്‍ന്നു. യുകെയില്‍ വിലകള്‍ പ്രതിവര്‍ഷം 7% വര്‍ദ്ധിക്കുന്നു – 30 വര്‍ഷത്തെ ഏറ്റവും ഉയര്‍ന്ന നിരക്ക് ആണിത്. ഇന്ധനത്തിന്റെയും ഭക്ഷണത്തിന്റെയും വിലക്കയറ്റം ഗാര്‍ഹിക ബജറ്റില്‍ സമ്മര്‍ദ്ദം ചെലുത്തുന്നതിനാല്‍, മാസങ്ങള്‍ക്കുള്ളില്‍ പണപ്പെരുപ്പം 10 ശതമാനത്തിലെത്തുമെന്ന് ബാങ്ക് ഓഫ് ഇംഗ്ലണ്ട് മുന്നറിയിപ്പ് നല്‍കി.
പാചക സാധനങ്ങളുടെ ഊര്‍ജച്ചെലവ് വര്‍ധിപ്പിക്കുമെന്ന ഭയം കാരണം ഫുഡ് ബാങ്കുകളില്‍ നിന്ന് കൂടുതല്‍ തണുത്ത ഭക്ഷണം എടുക്കാന്‍ ആളുകള്‍ കൂടുതലായി തിരഞ്ഞെടുത്തിട്ടുണ്ടെന്നും ഫുഡ് ഫൗണ്ടേഷന്‍ പറഞ്ഞു. ഏപ്രില്‍ 22 നും 29 നും ഇടയില്‍ 10,674 മുതിര്‍ന്നവര്‍ ഓണ്‍ലൈനില്‍ സര്‍വേയില്‍ പങ്കെടുത്തതായി യൂഗോവ് നടത്തിയ പഠനം വ്യക്തമാക്കുന്നു.
ഭക്ഷണം വാങ്ങാന്‍ ബുദ്ധിമുട്ടുന്നവരുടെ എണ്ണം മൂന്ന് മാസത്തിനുള്ളില്‍ 57% വര്‍ദ്ധിച്ചതായി പഠനത്തിൽ കണ്ടെത്തി. ഇപ്പോള്‍ തന്നെ പല സാധാരണ കുടുംബങ്ങള്‍ക്കു താങ്ങാന്‍ കഴിയാത്ത തരത്തിലാണ്. കുടുംബ ബജറ്റു വെട്ടിക്കുറച്ചും ഫുഡ് ബാങ്കിനെ ആശ്രയിച്ചും ആണ് നല്ലൊരു ശതമാനവും ദിവസങ്ങള്‍ തള്ളി നീക്കുന്നത്. എന്നാല്‍ ഇതുകൊണ്ടും ഒന്നും അവസാനിക്കുന്നില്ലെന്നാണ് മുന്നറിയിപ്പ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല