സ്വന്തം ലേഖകന്‍: തുര്‍ക്കി സര്‍ക്കാരിന്റെ മനുഷ്യാവകാശ ലംഘനങ്ങള്‍, ധനസഹായം വെട്ടിക്കുറക്കുന്നതായി യൂറോപ്യന്‍ യൂണിയന്‍. ഉര്‍ദുഗാന്‍ സര്‍ക്കാര്‍ തുടര്‍ച്ചയായി മനുഷ്യാവകാശ ലംഘനങ്ങള്‍ നടത്തുന്നതായുള്ള റിപ്പോര്‍ട്ടിനെ തുടര്‍ന്ന് രാജ്യത്തിനുള്ള ധനസഹായം വെട്ടിക്കുറക്കുമെന്ന് യൂറോപ്യന്‍ യൂനിയന്‍ (ഇ.യു)അറിയിച്ചു. ഇ.യു നല്‍കാനിരുന്ന ആയിരത്തിലധികം കോടി രൂപയുടെ ധനസഹായമാണ് ഇതോടെ തുര്‍ക്കിക്ക് നഷ്ടമാവുക. ധനസഹായം പിന്‍വലിക്കുന്നതായി യൂറോപ്യന്‍ പാര്‍ലമെന്റ് പുറത്തിറക്കിയ പ്രസ്താവനയില്‍ പറയുന്നു. …
സ്വന്തം ലേഖകന്‍: മോര്‍ഫ് ചെയ്ത ചിത്രം ഉപയോഗിച്ച് ഇന്ത്യക്കെതിരെ വ്യാജ പ്രചരണം, പാകിസ്താന്‍ പ്രതിരോധ സേനയുടെ ട്വിറ്റര്‍ അക്കൗണ്ട് പൂട്ടി. കുപ്രചരണങ്ങള്‍ നടത്താന്‍ ദില്ലി യൂണിവേഴ്‌സിറ്റിയിലെ വിദ്യാര്‍ത്ഥിയുടെ ചിത്രങ്ങള്‍ മോര്‍ഫ് ചെയ്ത് ഉപയോഗിച്ചതിനാണ് ട്വിറ്റര്‍ അധികൃതരുടെ നടപടി. കവല്‍പ്രീത് കൗര്‍ എന്ന വിദ്യാര്‍ത്ഥിയുടെ ചിത്രങ്ങളാണ് പാകിസ്താന്‍ മോര്‍ഫ് ചെയ്ത് ഉപയോഗിച്ചത്. ദില്ലിയിലെ ജുമാ മസ്ജിദിന്റെ മുമ്പില്‍ …
സ്വന്തം ലേഖകന്‍: കോണ്‍ഗ്രസ് അധ്യക്ഷനായുള്ള രാഹുല്‍ ഗാന്ധിയുടെ സ്ഥാനാരോഹണം ഡിസംബര്‍ നാലിനെന്ന് സൂചന. എഐസിസി അധ്യക്ഷനെ തിരഞ്ഞെടുക്കാനുള്ള സമയക്രമം അനുസരിച്ച് അടുത്ത മാസം ഒന്നിന് തിരഞ്ഞെടുപ്പ് വിജ്ഞാപനം പുറപ്പെടുവിക്കും. ഡിസംബര്‍ 4 നാണ് അധ്യക്ഷ സ്ഥാനത്തേക്കുള്ള നാമനിര്‍ദേശ പത്രിക സമര്‍പ്പിക്കാനുള്ള അവസാന തീയതി. അഞ്ചിന് പത്രികയുടെ സൂക്ഷ്മ പരിശോധന. വോട്ടെടുപ്പ് വേണ്ടിവന്നാല്‍ ഡിസംബര്‍ 16 ന് …
സ്വന്തം ലേഖകന്‍: കുവൈത്ത് വിദേശികളുടെ വാര്‍ഷിക ആരോഗ്യ ഇന്‍ഷുറന്‍സ് ഫീസ് വര്‍ധിപ്പിക്കാന്‍ ഒരുങ്ങുന്നു. വിദേശികള്‍ക്കായി നിര്‍മിക്കുന്ന ആരോഗ്യ ഇന്‍ഷുറന്‍സ് ആസ്പത്രികളുടെ പ്രവര്‍ത്തനം ആരംഭിക്കുന്നതോടെ നിലവിലെ വാര്‍ഷിക ഇന്‍ഷുറന്‍സ് ഫീസായ 50 ദിനാര്‍ 130 ദിനാറായി കൂട്ടാനാണ് തീരുമാനം. ഇന്‍ഷുറന്‍സ് പദ്ധതിയുടെ ഭാഗമായി അഹ്മദി ഗവര്‍ണറേറ്റില്‍ ദമാന്‍ ഹെല്‍ത്ത് ഇന്‍ഷുറന്‍സ് ആസ്പത്രിയുടെ നിര്‍മാണപ്രവര്‍ത്തനങ്ങള്‍ കഴിഞ്ഞ ദിവസം തുടങ്ങി. …
സ്വന്തം ലേഖകന്‍: ബോളിവുഡ് ചിത്രം പത്മാവതി കൂടുതല്‍ വിവാദങ്ങളിലേക്ക്, ചിത്രത്തിനെതിരെ രാജസ്ഥാന്‍ സര്‍ക്കാരും രംഗത്ത്. രജ്പുത് വിഭാഗത്തിന്റെ വികാരം കണക്കിലെടുത്ത്, സിനിമയില്‍ മാറ്റംവരുത്തണമെന്ന് മുഖ്യമന്ത്രി വസുന്ധര രാജെ സിന്ധ്യ ആവശ്യപ്പെട്ടു. കേന്ദ്രമന്ത്രി സ്മൃതി ഇറാനിക്ക് അയച്ച കത്തിലാണ് ആവശ്യം. അതേസമയം, സര്‍ട്ടിഫൈ ചെയ്യുന്നതിനുമുന്‍പ്, മാധ്യമപ്രവര്‍ത്തകര്‍ക്കായി സിനിമ പ്രദര്‍ശിപ്പിച്ചതിനെതിരെ സെന്‍സര്‍ബോര്‍ഡ് അധ്യക്ഷന്‍ പ്രസൂണ്‍ജോഷിയും രംഗത്തെത്തി. പത്മാവതി സിനിമ, …
സ്വന്തം ലേഖകന്‍: യുഎസില്‍ എച്ച് വണ്‍ ബി വിസയില്‍ ജോലി ചെയ്യുന്ന വിദേശ ജീവനക്കാരുടെ കുറഞ്ഞ ശമ്പള പരിധി ഉയര്‍ത്താനുള്ള തീരുമാനം ഇന്ത്യന്‍ ഐടി മേഖലയ്ക്ക് ഇരുട്ടടി. രണ്ട് ദിവസം മുന്‍പാണ് ശമ്പള പരിധി ഉയര്‍ത്താന്‍ ശുപാര്‍ശ ചെയ്യുന്ന ബില്‍ യു.എസ് പ്രതിനിധി സഭയുടെ ജുഡീഷ്യറി കമ്മിറ്റി അംഗീകരിച്ചത്. നിലവില്‍ എച്ച് വണ്‍ ബി വിസയില്‍ …
സ്വന്തം ലേഖകന്‍: സൗദിയില്‍ സല്‍മാന്‍ രാജാവ് സ്ഥാനമൊഴിയാന്‍ ഒരുങ്ങുന്നതായുള്ള വാര്‍ത്തകള്‍ സമൂഹ മാധ്യമങ്ങളില്‍ പ്രചരിക്കുന്നു, പുത്രനും കിരീടാവകാശിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ അധികാര കൈമാറ്റത്തിന് തയ്യാറെടുക്കുന്നതായി അഭ്യൂഹം. ഒന്നര മാസം മുമ്പ് റഷ്യ സന്ദര്‍ശിച്ച 81 കാരനായ രാജാവിന്റെ ആരോഗ്യനില രാജ്യഭരണം നിര്‍വഹിക്കാന്‍ പറ്റുന്ന സ്ഥിതിയിലാണെന്നാണ് കൊട്ടാരവൃത്തങ്ങള്‍ അവകാശപ്പെടുന്നത്. മാത്രമല്ല, മകന്‍ മുഹമ്മദിന് 32 …
സ്വന്തം ലേഖകന്‍: സംസ്ഥാനത്തെ സ്വകാര്യ ആശുപത്രി ജീവനക്കാരുടെ കുറഞ്ഞ വേതനം സംബന്ധിച്ച സര്‍ക്കാര്‍ വിജ്ഞാപനമായി. സ്വകാര്യ ആശുപത്രികള്‍, ഡിസ്‌പെന്‍സറികള്‍, ഫാര്‍മസികള്‍, സ്‌കാനിങ് സെന്ററുകള്‍, എക്‌സ്‌റേ യൂനിറ്റുകള്‍, ബന്ധപ്പെട്ട മറ്റു സ്ഥാപനങ്ങള്‍ എന്നിവയിലെ ജീവനക്കാര്‍ക്കുള്ള കുറഞ്ഞ വേതനം സംബന്ധിച്ചാണ് സര്‍ക്കാര്‍ പ്രാഥമിക വിജ്ഞാപനം പുറപ്പെടുവിച്ചത്. ജീവനക്കാരെ എട്ട് ഗ്രൂപ്പുകളായി തിരിച്ചാണ് വേതനം നിശ്ചയിച്ചിരിക്കുന്നത്. ആശുപത്രികളെ കിടത്തി ചികിത്സിക്കുന്നവയെന്നും …
സ്വന്തം ലേഖകന്‍: പതിനേഴ് വര്‍ഷത്തിനുശേഷം ഇന്ത്യയിലേക്ക് ലോക സുന്ദരിപ്പട്ടം, ഹരിയാനക്കാരി മാനുഷി ചില്ലര്‍ ലോക സൗന്ദര്യത്തിന്റെ റാണി. 108 മത്സരാര്‍ത്ഥികളെ പിന്തള്ളിയാണ് മാനുഷി ലോകസുന്ദരിപ്പട്ടം അണിഞ്ഞത്. ഇതോടെ മാനുഷി ലോക സുന്ദരിപ്പട്ടം നേടുന്ന ആറാമത്തെ ഇന്ത്യക്കാരിയായി മാറി. ഡൊമിനിക്കല്‍ റിപ്പബ്ലിക്കില്‍നിന്നുള്ള യാരിറ്റ്‌സെ റെയേസ് റണ്ണറപ്പായി. ഇംഗ്ലണ്ട്, ഫ്രാന്‍സ്, ഇന്ത്യ, കെനിയ, മെക്‌സിക്കോ എന്നി രാജ്യങ്ങളില്‍നിന്നുള്ള സുന്ദരിമാരാണ് …
സ്വന്തം ലേഖകന്‍: മലപ്പുറം പാസ്‌പോര്‍ട്ട് ഓഫിസ് അടച്ചുപൂട്ടി, ഇനി പ്രവര്‍ത്തനങ്ങള്‍ കോഴിക്കോട്ടെ ഓഫീസില്‍ നിന്ന്. ഈ മാസം മുപ്പതുവരെ അത്യാവശ്യ സേവനങ്ങളള്‍ക്കായുള്ള മൂന്നു ജീവനക്കാരെ മാത്രം മലപ്പുറത്തെ ഓഫിസില്‍ നിലനിര്‍ത്തി മറ്റു പ്രവര്‍ത്തനങ്ങള്‍ കോഴിക്കോട്ടേക്ക് മാറ്റി. ചെലവു ചുരുക്കലിന്റെ ഭാഗമായിട്ടാണ് മലപ്പുറം ഓഫിസിനെ കോഴിക്കോട്ടെ ഓഫിസില്‍ ലയിപ്പിക്കുന്നത്. പ്രവാസികളുടെ എണ്ണത്തില്‍ മുന്നിലുള്ള മലപ്പുറം ജില്ലക്കായി 2006 …
