![](http://www.nrimalayalee.com/wp-content/uploads/2019/11/Rajpakse-Brothers-in-Power-Sri-Lanka.jpg)
സ്വന്തം ലേഖകൻ: ശ്രീലങ്കയിൽ ഉടൻ ഇടക്കാല തിരഞ്ഞെടുപ്പ് നടത്തുമെന്ന് പ്രസിഡന്റ് ഗോട്ടബയ രാജപക്സെ അറിയിച്ചു. മൂത്ത സഹോദരൻ ചമൽ രാജപക്സെയെ ഭക്ഷ്യമന്ത്രിയാക്കി 16 അംഗ മന്ത്രിസഭയും പ്രസിഡന്റ് പ്രഖ്യാപിച്ചു. ഇടതു നേതാവ് ദിനേഷ് ഗുണവർധനെയാണ് വിദേശകാര്യമന്ത്രി. തമിഴ് വംശജർക്ക് 2 മന്ത്രിസ്ഥാനം നൽകിയിട്ടുണ്ട്.
പ്രധാന വകുപ്പുകളായ പ്രതിരോധം, ധനകാര്യം എന്നിവ പ്രധാനമന്ത്രിയും പ്രസിഡന്റിന്റെ സഹോദരനുമായ മഹിന്ദ രാജപക്സെയ്ക്കാണ്. മന്ത്രിസഭയുടെ തലവൻ പ്രസിഡന്റാണെങ്കിലും ഒരു വകുപ്പിന്റെയും ചുമതല വഹിക്കാനാവില്ല. സഹമന്ത്രിമാരെ അടുത്തയാഴ്ച നിയമിക്കുമെന്ന് പ്രസിഡന്റ് അറിയിച്ചു. പാർലമെന്റ് മാർച്ചിൽ പിരിച്ചുവിട്ട് തിരഞ്ഞെടുപ്പ് നടത്താൻ പ്രസിഡന്റിന് അധികാരമുണ്ട്.
ലങ്കയുടെ ചരിത്രത്തിൽ ആദ്യമായാണു രണ്ടു സഹോദരന്മാർ ഏറ്റവും പ്രധാന പദവികളിലെത്തുന്നത്. റനിൽ വിക്രമസിംഗെ രാജിവച്ചതിനെത്തുടർന്നാണ് മഹിന്ദ രാജപക്ഷെയെ പ്രധാനമന്ത്രിയായി നിയമിച്ചത്. ഇപ്പോഴത്തെ പാർലമെന്റിന്റെ കാലാവധി അടുത്ത ഓഗസ്റ്റിൽ അവസാനിക്കും. പ്രസിഡന്റിന്റെ പാർട്ടിയായി ശ്രീലങ്ക പൊതുജന പെരുമന(എസ്എൽപിപി)യ്ക്കും സഖ്യകക്ഷികൾക്കുമായ 225 പാർലമെന്റിൽ 96 അംഗങ്ങൾ മാത്രമാണുള്ളത്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല