സ്വന്തം ലേഖകൻ: വിപണികൾ, വാണിജ്യ സ്ഥാപനങ്ങളിൽ പ്രവേശിക്കാൻ ബൂസ്റ്റർ ഡോസ് നിര്ബന്ധമാക്കി സൗദി. 2022 ഫെബ്രുവരി ഒന്ന് മുതൽ നിയമം പ്രാബല്യത്തില് വരും. സൗദി വാണിജ്യ മന്ത്രാലയം ആണ് ഇക്കാര്യം അറിയിച്ചത്. 18 വയസിന് മുകളില് ഉള്ളവര്ക്ക് രണ്ടാമത്തെ ഡോസ് കൊവിഡ് വാക്സിന് സ്വീകരിച്ച് കഴിഞ്ഞ് എട്ട് മാസമോ അതില് കൂടുതലോ ആയാല് മൂന്നാം ഡോസ് വാക്സിന് എടുക്കല് നിര്ബന്ധമാണ്.
എന്നാല് രാജ്യത്ത് വാക്സിന് എടുക്കുന്നതില് ഇളവ് നല്കിയ വിഭാഗങ്ങള്ക്ക് ഈ നിബന്ധന ബാധകമല്ല. സ്ഥാപനങ്ങളില് എത്തുന്നവര്ക്ക് നിയമം ലംഘിക്കാതിരിക്കാൻ ആവശ്യമായ നടപടികൾ എല്ലാ വാണിജ്യ സ്ഥാപനങ്ങളും, മാനേജ്മെൻറും, മാൾ നടത്തിപ്പുകാരും കെെക്കൊള്ളണമെന്ന് മന്ത്രാലയം ആവശ്യപ്പെട്ടു. ഫെബ്രുവരി ഒന്ന് മുതൽ തവക്കൽനാ ആപ്പില് കൊവിഡ് വാക്സിന്റെ പൂർണ സ്റ്റാറ്റസ് പ്രത്യക്ഷപ്പെടാൻ ബുസ്റ്റർ ഡോസ് കൂടി എടുക്കണമെന്ന് അഭ്യന്തര മന്ത്രാലയം കഴിഞ്ഞ ദിവസം പ്രഖ്യാപിച്ചിരുന്നു.
കായിക, വിനോദസഞ്ചാര പ്രവർത്തന മേഖലകളിലും വാണിജ്യ, വിനോദ പരിപാടികളിൽ പങ്കെടുക്കുന്നതിനും ബൂസ്റ്റർ ഡോസ് നിർബന്ധമാണ്. കൂടാതെ വിമാനങ്ങളിലും മറ്റ് പൊതുഗതാഗത സംവിധാനങ്ങളിലും പ്രവേശിക്കാനും ബൂസ്റ്റര് ഡോസ് നിര്ബന്ധമാണ്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല