ജോമോന് ജോസഫ്
ബെഡ്ഫോര്ഡ്: പ്രശസ്ത സുവിശേഷ പ്രഘോഷകനും സീറോ മലബാര് സഭയുടെ ആത്മീയ പ്രഭാഷകനുമായ ഡോ:ജോണ് ദാസ് നയിക്കുന്ന കുടുംബ വിശുദ്ധീകരണ ധ്യാനം ബെഡ്ഫോര്ഡ് കേരള ക്രിസ്ത്യന് കമ്യൂണിറ്റിയുടെ നേതൃത്വത്തില് മാര്ച്ച് 31, ഏപ്രില് 1 തീയ്യതികളില് കെംപ്സ്റ്റന് ഔവര് ലേഡി കാത്തലിക് ചര്ച്ചില് വച്ച് നടത്തപ്പെടുന്നു.
യുകെയില് നൈറ്റ് വിജിന് സുവിശേഷ പ്രഘോഷകന്, കോഴിക്കോട് ശാലോം റിട്രീറ്റ് സെന്ററിലെ മുഖ്യ പ്രഭാഷകന്, വൈദ്യശാസ്ത്ര രംഗത്ത് ഡോക്റ്ററേറ്റ് നേടി സുവിശേഷ പ്രവര്ത്തനങ്ങള്ക്കായി തന്റെ ജീവിതം സമര്പ്പിച്ച വ്യക്തി, ബര്മിംഗ്ഹാം രണ്ടാം ശനിയാഴ്ച കണ്വെന്ഷനീലൂടെ സുവിശേഷ തീനാളങ്ങള് ജനഹൃദയങ്ങളിലേക്ക് എത്തിക്കുന്ന മുഖ്യ പ്രഭാഷകന്, ഒരു സദസിനെ മുഴുവന് തന്റെതായ പ്രഭാഷണ ചാതുര്യത്തിലൂടെ പിടിച്ചിരുത്തുവാനും ദൈവ വചനത്തിന്റെ വേരുകള് ആഴ്ന്നിരക്കുവാനും കഴിവുള്ള പ്രതിഭാ സമ്പന്നന് എന്നീ നിലകളില് ഡോ;ജോണ് പ്രശസ്തനാണ്.
യുകെയിലെ മലയാളി സമൂഹത്തില് മൂല്യച്യൂതി വന്നുകൊണ്ടിരിക്കുന്ന വിശ്വാസം കാത്തു സൂക്ഷിക്കുന്നതിനും കുടുംബങ്ങളില് സ്നേഹവും സമാധാനവും നിലനിര്ത്തുന്നതിനും പുതുതലമുറയ്ക്ക് വിശ്വാസ സത്യങ്ങള് മനസിലാക്കി കൊടുക്കുന്നതിനും കുടുംബ നവീകരണ ധ്യാനം ഫലം ചെയ്യുമെന്നും ഡോ:ജോണ് ദാസ് നയിക്കുന്ന കുടുംബ നവീകരണ ധ്യാനത്തില് പങ്കുചേര്ന്നു ദൈവിക ചൈതന്യത്തില് നിറയുവാനും, ആത്മീയ സൌഖ്യം നേടുന്നതിനും വേണ്ടി ഈ ധ്യാനത്തിലേക്ക് ഏവരെയും സ്വാഗതം ചെയ്യുന്നതായി സീറോ മലബാര് സഭ ചാപ്ലയിന് ഫാ,ബിജു അലക്സ് അറിയിച്ചു.
ധ്യാന ദിവസങ്ങളില് വി.കുര്ബ്ബാനയും കുമ്പസാരവും കൌണ്സിലിങ്ങും ഉണ്ടായിരികുന്നതാണ്. ധ്യാനസമയം മാര്ച്ച് 31 നു രാവിലെ പത്ത് മുതല് വൈകുന്നേരം അഞ്ച് വരെയും ഏപ്രില് ഒന്നിന് പന്ത്രണ്ടു മുതല് ആറു വരെയുമാണ്. പള്ളിയുടെ വിലാസം: Our lady RC Church, 301 Bedford Road, Kempton, MK42 8QB, കൂടുതല് വിവരങ്ങള്ക്ക്: ബോസ് – 01234764386, രാജന് കോശി: 07877027439
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല