1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee September 10, 2021

സ്വന്തം ലേഖകൻ: യുഎഇയിലെ എല്ലാ എമിറേറ്റിലുമുള്ള വിസക്കാർക്ക്​ അബുദാബി, അൽഐൻ വിമാനത്താവളങ്ങളിലേക്ക്​ വരാമെന്ന്​ എയർ ഇന്ത്യ എക്സ്പ്രസ്​ അധികൃതർ. അബുദാബി വിസക്കാരെ മാത്രമായിരുന്നു ഇതുവരെ അനുവദിച്ചിരുന്നത്​. മലയാളികൾ ഉൾപ്പെടെ ആയിരങ്ങൾക്ക്​ ആശ്വാസം പകരുന്നതാണ്​ പുതിയ തീരുമാനം.

പുതിയ നിർദേശം വന്നതോടെ ദുബായിലും ഷാർജയിലും വിസയുള്ളവർക്ക്​ നേരിട്ട്​ അബുദാബിയിൽ ഇറങ്ങാം. മറ്റ്​ എമിറേറ്റുകളിൽ നിന്ന്​ വിസയെടുക്കുന്ന സന്ദർശക വിസക്കാർക്കും അബുദാബിയിലിറങ്ങാൻ സാധിക്കും. യാത്രക്കാർ ഐ.സി.എയുടെ അനുമതി നേടിയിരിക്കണം.

തുടർന്ന്​ ഐ.സി.എയുടെ സ്​മാർട്ട്​ രജിസ്​ട്രേഷൻ വെബ്​സൈറ്റിലും രജിസ്​റ്റർ ചെയ്യണം. യാത്രക്ക്​ 48 മണിക്കൂറിനുള്ളിലെടുത്ത കോവിഡ്​ പരിശോധന ഫലം ഹാജരാക്കണം. വിമാനത്താവളത്തിൽ നിന്നെടുത്ത റാപിഡ്​ പരിശോധന ഫലവും വേണം. അബുദാബി വിമാനത്താവളത്തിലും കോവിഡ് ​പരിശോധന നടത്തണം.

വാക്​സിൻ എടുത്തവർ അബുദാബിയിലെത്തി നാലാം ദിവസവും എട്ടാം ദിവസവും പി.സി.ആർ പരിശോധന നടത്തണം. എന്നാൽ, ക്വാറ​ൻറീൻ ആവശ്യമില്ല. വാക്​സിൻ എടുക്കാത്തവർക്ക്​ പത്ത്​ ദിവസം ക്വാറൻറീൻ വേണം. 16 വയസിൽ താഴെയുള്ളവർക്ക്​ ഈ നിബന്ധനകളൊന്നും ബാധകമല്ലെന്നും പുതിയ സർക്കുലറിൽ പറയുന്നു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.