സ്വന്തം ലേഖകൻ: യാത്രാ നടപടികളിൽ ഇളവ് ലഭിക്കുന്ന 12 ഗ്രീൻ രാജ്യങ്ങളുടെ പട്ടിക അബുദാബി പരിഷ്കരിച്ചു. നിലവിലെ പട്ടികയിൽനിന്ന് ഖസക്കിസ്ഥാനെ ഒഴിവാക്കി. ഓസ്ട്രേലിയ, ഭൂട്ടാൻ, ബ്രൂണയ്, ചൈന, ഗ്രീൻലൻഡ്, ഹോങ്കോങ്, ഐസ് ലൻഡ്, മൊറീഷ്യസ്, ന്യുസീലൻഡ്, സിംഗപ്പൂർ, സൗദി അറേബ്യ, മൊറോക്കോ എന്നീ രാജ്യങ്ങളിൽനിന്ന് വരുന്നവർക്കാണ് ഇളവ്.
ഇവർക്കു യാത്രയ്ക്കു മുൻപുള്ള പിസിആറും യുഎഇയിലെ ക്വാറന്റീനും വേണ്ട. പകരം അബുദാബി രാജ്യാന്തര വിമാനത്താവളത്തിൽനിന്ന് എടുക്കുന്ന പിസിആറിന്റെ ഫലം വരുന്നതുവരെ സ്വയം നിരീക്ഷണത്തിൽ കഴിഞ്ഞാൽ മതി. നെഗറ്റീവെങ്കിൽ പുറത്തിറങ്ങാം. പോസിറ്റീവാണെങ്കിൽ 10 ദിവസത്തെ ക്വാറന്റീൻ.
ഇന്ത്യ ഉൾപ്പെടെ പട്ടികയിൽ റെഡ് വിഭാഗം രാജ്യക്കാർക്കു അബുദാബിയിലേക്കു വരാൻ ഐസിഎ അനുമതിക്കൊപ്പം 96 മണിക്കൂറിനകം എടുത്ത പിസിആർ നെഗറ്റീവ് സർട്ടിഫിക്കറ്റും നിർബന്ധം. അബുദാബിയിൽ 10 ദിവസത്തെ ഇൻസ്റ്റിറ്റ്യൂഷൻ ക്വാറന്റീനുമുണ്ട്. കോവിഡ് രൂക്ഷമായ റെഡ് രാജ്യങ്ങളിൽനിന്നു വരുന്ന വാക്സീൻ എടുത്തവരും വൊളന്റിയർമാരും 10 ദിവസം ക്വാറന്റീനിലിരിക്കണം.
കൂടുതൽ വിവരങ്ങൾക്ക് www.visitabudhabi.com എന്ന വെബ്സൈറ്റ് സന്ദർശിക്കുക.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല