സ്വന്തം ലേഖകൻ: ഭാരത് ബയോടെക് നിർമ്മിച്ച കോവാക്സിനെ ഓസ്ട്രേലിയ അംഗീകരിച്ചു. ഇനിമുതൽ ഈ വാക്സിൻ എടുത്ത
ഇന്ത്യക്കാർക്ക് ഓസ്‌ത്രേല്യയിലേക്ക് പ്രവേശനം അനുവദിക്കും.
ഓസ്ട്രേലിയൻ പ്രധാനമന്ത്രിയുടെ ഓഫീസിൽ നിന്നുള്ള ഒരു പ്രസ്താവനയിലാണ് ഇക്കാര്യം പ്രഖ്യാപിച്ചത്. രാജ്യത്തെ അംഗീകൃത മരുന്നുകളുടെ ഔദ്യോഗിക പട്ടികയിൽ കൊവാക്സിൻ ഉൾപ്പെടുത്തി.
ഇന്ത്യയിൽ ഉപയോഗിക്കുന്ന മറ്റ് പ്രധാന വാക്‌സിനായ കോവിഷീൽഡ് ഓസ്ട്രേലിയ അംഗീകരിച്ചിരുന്നു. സെപ്റ്റംബറിൽ വാഷിംഗ്ടൺ ഡിസിയിൽ നടന്ന ക്വാഡ് ഉച്ചകോടിക്കിടെ ഓസ്ട്രേലിയൻ പ്രധാനമന്ത്രി സ്‌കോട്ട് മോറിസണുമായി നടത്തിയ ഉഭയകക്ഷി ചർച്ചയിൽ രണ്ട് വാക്സിനുകളും അംഗീകരിക്കുന്ന കാര്യം പ്രധാനമന്ത്രി നരേന്ദ്ര മോദി ഉന്നയിച്ചതായി അധികൃതർ പറഞ്ഞു.
ഓസ്ട്രേലിയയുടെ ഫാർമ റെഗുലേറ്ററായ തെറപ്പ്യൂട്ടിക് ഗുഡ്സ് അഡ്മിനിസ്ട്രേഷൻ (ടിജിഎ) കോവിഷീൽഡ് വാഗ്ദാനം ചെയ്യുന്ന പരിരക്ഷയെക്കുറിച്ചുള്ള ഡാറ്റയുടെ പ്രാരംഭ വിലയിരുത്തലിന് ശേഷമാണ് അംഗീകാരം നൽകിയത്. ഓസ്‌ത്രേല്യയിലേക്ക് എത്തുന്ന അന്താരാഷ്‌ട്ര യാത്രക്കാരെ ഉചിതമായ വാക്സിനേഷൻ എടുത്തവരായി നിർണ്ണയിക്കാൻ ഇത് ഒരു ‘അംഗീകൃത വാക്സിൻ’ ആയി കണക്കാക്കണമെന്ന് ഉപദേശിച്ചു.
ചൈനയുടെ സിനോഫാം വാക്‌സിനും അംഗീകരിച്ചിട്ടുണ്ട്. കോവാക്‌സിൻ വാക്സിനേഷൻ എടുത്ത 12 വയസും അതിൽ കൂടുതലുമുള്ള യാത്രക്കാർക്കും രാജ്യത്തേക്ക് പ്രവേശിക്കാമെന്ന് ഓസ്ട്രേലിയൻ ആരോഗ്യ വകുപ്പ് പുറത്തിറക്കിയ പ്രസ്താവനയിൽ പറയുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല