സ്വന്തം ലേഖകൻ: ബഹ്റൈനിലേക്ക് വരുന്നവര്ക്ക് ക്വാറൻറീൻ ആവശ്യമില്ലെന്നത് കഴിഞ്ഞ ദിവസം സോഷ്യല് മീഡിയയില് വലിയ ചര്ച്ചയായിരുന്നു. ഒടുവില് വിശദീകരണമായി ബഹ്റൈന് ഇന്ത്യൻ എംബസി അധികൃതര് രംഗത്തെത്തി. ലോകാരോഗ്യ സംഘടനയും, ബഹ്റൈനും അംഗീകരിച്ച വാക്സിന് സ്വീകരിച്ചവര്ക്ക് ബഹ്റൈന് എത്തിചേര്ന്നാല് ആവശ്യമില്ലെന്ന് ഇന്ത്യൻ എംബസി അറിയിച്ചു.
യാത്രമാനദണ്ഡങ്ങൾ കഴിഞ്ഞ ദിവസം ബഹ്റൈന് പുതുക്കിയിരുന്നു. ഒക്ടോബർ 31 മുതൽ ആണ് ബഹ്റൈനില് ഇത് നിലവില് വന്നത്. ഏത് രാജ്യത്തില് നിന്ന് വരുന്നവര് ആണെങ്കിലും വാക്സിൻ സർട്ടിഫിക്കറ്റിൽ ക്യു.ആർ കോഡ് നിർബന്ധമായും ഉണ്ടായിരിക്കണം. ബഹ്റൈനില് കൊവിഡ് നിയന്ത്രണത്തിലാണ്. റിപ്പോര്ട്ട് ചെയ്യുന്ന കൊവിഡ് കേസുകള് കുറവാണ്. കൊവിഡ് നിയന്ത്രണ വിധോയമായ ശേഷം ഒരുപാട് ഇളവുകള് ബഹ്റൈന് ഒഴിവാക്കിയിട്ടുണ്ട്.
ബഹ്റൈന് അംഗീകരിച്ച വാക്സിന് സ്വീകരിച്ചവര് ആണെങ്കില് ഇന്ത്യയില് നിന്നും വരുന്നവര് എങ്കില് 10 ദിവസത്തെ നിർബന്ധിത ക്വാറൻറീൻ ആവശ്യമില്ല . യാത്ര പുറപ്പെടുന്നതിന് മുമ്പുള്ള ആർ.ടി.പി.സി.ആർ ടെസ്റ്റും ഇവര്ക്ക് ആവശ്മില്ല. ബഹ്റൈന് ഇന്ത്യന് എംബസി ആണ് ഇക്കാര്യം അറിയിച്ചത്. ഇവര് ട്വിറ്ററിലൂടെയാണ് ഇക്കാര്യം അറിയിച്ചത്. ഒരുപാട് പേരുടെ സംശയങ്ങള്ക്ക് പരിഹാരമായിരിക്കുകയാണ് ഇന്ത്യന് എംബസിയുടെ ട്വീറ്റ്. കഴിഞ്ഞ ദിവസം ഇന്ത്യയുടെ കേവാക്സിന് ലോകാരോഗ്യ സംഘടന അനുമതി നല്കിയിരുന്നു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല