സ്വന്തം ലേഖകൻ: പക്ഷികളില് നിന്നും പക്ഷിപ്പനി
മനുഷ്യനിലേക്ക് പകര്ന്നുവെന്നും ആദ്യകേസുകള് ഇത്തരത്തില് കണ്ടെത്തിയെന്നും റഷ്യ. ലോകത്ത് ആദ്യമായാണ് പക്ഷിപ്പനിക്ക് കാരണമായ എച്ച്5എന്8 വൈറസ് മനുഷ്യനില് എത്തിയ കേസ് റിപ്പോര്ട്ട് ചെയ്യുന്നത്.
കഴിഞ്ഞ ഡിസംബറില് പക്ഷിപ്പനി പൊട്ടിപ്പുറപ്പെട്ട ദക്ഷിണ റഷ്യയിലെ കോഴിഫാമില് ജോലി ചെയ്ത ഏഴുപേരിലാണ് വൈറസ് സാന്നിധ്യം കണ്ടെത്തിയത്. റഷ്യയിലെ വെക്ടര് ലാബ് ഇവരുടെ ശരീരത്തില് വൈറസിന്റെ വകഭേദം കണ്ടെത്തുകയായിരുന്നു. ഇതോടെ ലോകാരോഗ്യ സംഘടന ജാഗ്രത നിര്ദേശം നല്കിയിട്ടുണ്ട്.
റഷ്യന് ആരോഗ്യ ഏജന്സി മേധാവി അന്ന പൊപ്പോവ ടെലിവിഷന് സന്ദേശത്തിലാണ് ഇക്കാര്യം സ്ഥിരീകരിച്ചത്. എന്നാല് ഈ ഫാം ജീവനക്കാര്ക്ക് കാര്യമായ ആരോഗ്യ പ്രശ്നമൊന്നും റിപ്പോര്ട്ട് ചെയ്തിട്ടില്ല. ഇവര്ക്ക് ഫാമില് നിന്നായിരിക്കാം ശരീരത്തില് വൈറസ് ബാധയുണ്ടായത് എന്നാണ് കരുതുന്നത്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല