സ്വന്തം ലേഖകൻ: കൊവിഡിൻ്റെ പുതിയ വകഭേദം പടരുന്ന സാഹചര്യത്തിൽ സ്വദേശികളും വിദേശികളും രാജ്യത്തിന് പുറത്തേക്കുള്ള യാത്രകൾ ഒഴിവാക്കണമെന്ന് ആരോഗ്യ മന്ത്രാലയം മുന്നറിയിപ്പ് നൽകി. തീർത്തും അത്യാവശ്യമാണെങ്കിൽ മാത്രമേ വിദേശ യാത്രകൾ പാടുള്ളൂ. കൊവിഡ് മരണനിരക്ക് കുറക്കുന്നതിന് മുൻകരുതൽ നടപടികൾ പാലിക്കണമെന്നും ആരോഗ്യ മന്ത്രാലയം അറിയിച്ചു.
ഒമാനിൽ 868 പേർക്കുകൂടി കൊവിഡ് സ്ഥിരീകരിച്ചു. കഴിഞ്ഞ വ്യാഴാഴ്ച മുതൽ ശനിയാഴ്ച വരെയാണ് ഇത്രയും പേർ രോഗബാധിതരായത്. ഇതോടെ മൊത്തം രോഗികളുടെ എണ്ണം 1,39,362 ആയി. 569 പേർക്കുകൂടി രോഗം ഭേദമായി. 1,30,653 പേരാണ് ഇതുവരെ രോഗമുക്തരായത്. മൂന്നു പേർ കൂടി മരിച്ചതോടെ ആകെ മരിച്ചവരുടെ എണ്ണം 1552 ആയി.
20 പേരെയാണ് ഏറ്റവും ഒടുവിലായി ആശുപത്രിയിൽ പ്രവേശിപ്പിച്ചത്. ഇതോടെ ആശുപത്രിയിൽ ചികിത്സയിലുള്ളവർ 163 ആയി. ഇതിൽ 56 പേർ തീവ്ര പരിചരണ വിഭാഗത്തിലാണ്. പുതിയ രോഗികളിൽ 494 പേരും മസ്കത്ത് ഗവർണറേറ്റിലാണുള്ളത്.
സീബ്-152, ബോഷർ-147, മസ്കത്ത്-135, മത്ര-48, അമിറാത്ത്-11, ഖുറിയാത്ത്-ഒന്ന് എന്നിങ്ങനെയാണ് മസ്കത്തിലെ വിവിധ വിലായത്തുകളിലെ രോഗികളുടെ എണ്ണം. വടക്കൻ ബാത്തിന-103, ദാഖിലിയ-81, ദോഫാർ-40, തെക്കൻ ബാത്തിന-36, ദാഹിറ-31, വടക്കൻ ശർഖിയ-27, ബുറൈമി-19, അൽ വുസ്ത-15, തെക്കൻ ശർഖിയ-13, മുസന്ദം-ഒമ്പത് എന്നിങ്ങനെയാണ് മറ്റ് ഗവർണറേറ്റുകളിലെ പുതിയ രോഗികളുടെ എണ്ണം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല