ബ്രിട്ടനെ വിട്ടൊഴിയാതെ “ഡയാന ശാപം“! വില്യമിനോടും ഹാരിയോടും മാപ്പു പറഞ്ഞ്​ വിവാദ മാധ്യമപ്രവർത്തകൻ

സ്വന്തം ലേഖകൻ: ഡയാന രാജകുമാരിയുടെ വിവാദ അഭിമുഖം സംഘടിപ്പിച്ച ബ്രിട്ടീഷ് മാധ്യമപ്രവർത്തകൻ മാർട്ടിൻ ബഷീർ ഡയാനയുടെ മക്കളായ വില്യമിനോടും ഹാരിയോടും മാപ്പ്​ പറഞ്ഞു. എന്നാൽ ത​െൻറ അഭിമുഖവുമായി ബന്ധപ്പെടുത്തി ഡയാനയുടെ മരണവുമായി ബന്ധിപ്പിക്കുന്ന അവകാശ വാദങ്ങൾ യുക്തിരഹിതമാണെന്നും അദ്ദേഹം കൂട്ടിച്ചേർത്തു.

ബഷീർ തെറ്റായ വിവരങ്ങൾ കാണിച്ചാണ്​ ഡയാനയെ അഭിമുഖത്തിന്​ പ്രേരിപ്പിച്ചതെന്ന ആരോപണങ്ങൾ ഉയർന്നിരുന്നു. ഇതേ തുടർന്ന്​ നടത്തിയ അന്വേഷണത്തിൽ വ്യാജ ബാങ്ക്​ സ്​റ്റേറ്റ്​മെൻറുകൾ ഉപയോഗിച്ചുവെന്ന റിപ്പോർട്ട്​ വിരമിച്ച മുതിർന്ന ജഡ്​ജായ ജോൺ ഡൈസൻ നൽകിയിരുന്നു. ഇതിലൂടെ ഡയാനയെ തെറ്റിദ്ധരിപ്പിച്ചുവെന്നും റിപ്പോർട്ടിൽ ചൂണ്ടിക്കാട്ടി.

ഡയാനയെ നിരീക്ഷിക്കാൻ അടുത്ത സഹായികൾക്ക്​ ചിലർ പണം നൽകിയെന്ന ബാങ്ക്​ സ്​റ്റേറ്റ്​മെൻറുകളാണ്​ വ്യാജമായി നിർമിച്ചത്​. ഡയാനയുടെയും സഹോദരൻ ചാൾസ്​ സ്​പെൻസറി​െൻറയും വിശ്വാസം നേടുന്നതിനായി ബഷീർ ഇവ കാണിക്കുകയും ചെയ്​തതായി റിപ്പോർട്ടിൽ പറയുന്നു. ഇതിനുപിന്നാലെയാണ്​ ബഷീർ ഇരുവരോടും മാപ്പ്​ പറഞ്ഞത്​.

സംഭവത്തിൽ, ഡയാനയുടെ മക്കളായ വില്യം രാജകുമാരനോടും ഹാരി രാജകുമാരനോടും മാപ്പ്​ ചോദിക്കുന്നതായി ബഷീർ സൺഡെ ടൈംസിനോട്​ പറഞ്ഞു. ഡയാനയെ ഒരു തരത്തിലും ദ്രോഹിക്കണമെന്ന്​ ഞങ്ങൾ കരുതിയിരുന്നില്ല, ഞങ്ങൾ അ​ങ്ങനെ ചെയ്​തുവെന്ന്​ വിശ്വസിക്കുന്നു​മില്ലെന്നും ബഷീർ പറഞ്ഞു.

ബഷീറി​െൻറ പ്രവൃത്തികളും അഭിമുഖവും മാതാപിതാക്കളുടെ ബന്ധത്തിൽ വലിയ വിള്ളൽ വീഴ്​ത്തിയെന്നും ഡയാനക്ക്​ അവസാന നിമിഷങ്ങളിൽ ഭയവും വിഷാദവും ഒറ്റപ്പെടലും സമ്മാനിച്ചുവെന്നും​ വില്യം പറഞ്ഞിരുന്നു. എന്നാൽ, ഇൗ പ്രവർത്തനങ്ങൾ അമ്മയുടെ മരണത്തിൽ വലിയ പങ്കുവഹിച്ചുവെന്നായിരുന്നു ഹാരിയുടെ പ്രതികരണം. 1997ൽ 36ാം വയസിൽ പാരീസിലുണ്ടായ കാർ അപകടത്തിലാണ്​ ഡയാനയുടെ മരണം.

എന്നാൽ ഡയാനയുടെ ജീവിതത്തിൽ സംഭവിച്ച പല കാര്യങ്ങൾക്കും അവരെടുത്ത പല തീരുമാനങ്ങൾക്കും താൻ ഉത്തരവാദിയല്ലെന്ന് ബഷീർ പറഞ്ഞു. 1995ലെ അഭിമുഖം ഡയാനയുടെ നിബന്ധനകളോടെയാണ്​ നടത്തിയത്​. അഭിമുഖം പുറത്തുവന്ന്​ 22.8 മില്ല്യൺ ജനങ്ങൾ കണ്ടതിന്​ ശേഷവും തങ്ങൾ ഇരുവരും സുഹൃത്തുക്കളായി തുടർന്നു. ഡയാന ത​െൻറ ഭാര്യയെയും നവജാത ശിശുവിനെയും കാണാൻ ആശുപത്രിയിൽ വന്നിരുന്നുവെന്നും ബഷീർ പറഞ്ഞു. ഡയാനയുടെ സഹോദരനെ വ്യാജരേഖകൾ കാണിച്ചതിൽ ഖേദിക്കുന്നു, എന്നാൽ അഭിമുഖത്തിൽ താൻ സ്വാധീനം ചെലുത്തിയിട്ടില്ലെന്നും ബഷീർ കൂട്ടിച്ചേർത്തു. ​

വിവാദങ്ങളുടെ പശ്ചാത്തലത്തിൽ ആരോഗ്യ കാരണങ്ങൾ ചൂണ്ടിക്കാട്ടി റിലീജിയൻ എഡിറ്ററായിരുന്ന ബഷീർ ബി.ബി.സി വിട്ടിരുന്നു. ബി.ബി.സിയുടെ റിലീജിയൻ എഡിറ്റർ സ്​ഥാനത്തുനിന്ന്​ മാർട്ടിൻ ബഷീൻ രാജിവെച്ച്​ കമ്പനിയിൽനിന്ന്​ പുറത്തുപോകുകയാണെന്ന്​ ബി.ബി.സി ന്യൂസ്​ ഡെപ്യൂട്ടി ഡയറക്​ടർ ​ജൊനാഥൻ മൺറോ അറിയിക്കുകയായിരുന്നു.

ഡയാന രാജകുമാരിയുടെ അഭിമുഖം ബ്രിട്ടീഷ്​ രാജകുടുംബത്തിന്​ ഇടിത്തീയായിരുന്നു. ചാൾസ്​ ചാജകുമാരനുമായുള്ള വിവാഹ ബന്ധത്തിലെ അസ്വാരസ്യങ്ങളാണ്​ ഡയാന പങ്കുവെച്ചത്​. മുൻ സുപ്രീംകോടതി ജഡ്​ജി ജോൺ ഡൈസന്‍റെ നേതൃത്വത്തിൽ അഭിമുഖം എങ്ങനെ ലഭിച്ചുവെന്നതിനെക്കുറിച്ച്​ അടിയന്തര അന്വേഷണം നടത്തിയിരുന്നു. സഹോദരൻ സ്​പെൻസറുടെ അഭ്യർഥന പ്രകാരമായിരുന്നു അന്വേഷണം. തെറ്റായ വിവരങ്ങൾ കാണിച്ചാണ്​ അഭിമുഖത്തിന്​ ഡയാനയെ പ്രേരിപ്പിച്ചതെന്ന സ്​പെൻസറിന്‍റെ ആരോപണത്തെ തുടർന്ന്​ ബി.ബി.സിയാണ്​ അന്വേഷണം പ്രഖ്യാപിച്ചത്​.

അഭിമുഖത്തിൽ എന്‍റെ വിവാഹത്തിൽ മൂന്നുപേരുണ്ട്​ എന്ന ഡയാനയുടെ വാചകം പിന്നീട്​ ​പ്രശസ്​തമായിരുന്നു. ചാൾസ്​ രാജകുമാരനെയും കാമുകി കാമില പാർക്കർ ബൗൾസ്​ പിന്നെ ഡയാനയെയും ഉദ്ദേശിച്ചായിരുന്നു ആ വാചകം. അഭിമുഖം പുറത്തുവന്ന്​ ഒരു വർഷത്തിന്​ ശേഷം 1996ൽ ഡയാനയും ചാൾസും വേർപിരിഞ്ഞു. ഒരു വർഷത്തിന്​ ശേഷം കാറപകടത്തിൽ ഡയാന ​െകാല്ലപ്പെട്ടു.

ഡയാനയെ തെറ്റിദ്ധരിപ്പിച്ചാണ്​ അഭിമുഖത്തിൽ പ​െങ്കടുപ്പിച്ചു എന്നതിന്​​ പുറമെ കൊട്ടാരത്തിലെ ജോലിക്കാർക്ക്​ ചാരപ്പണി നടത്താൻ കൈ​ക്കൂലി കൊടുത്തുവെന്നുമുള്ള ആരോപണങ്ങൾ പുറത്തുവന്നിരുന്നു. ബഷീറിനെതിരെ കുറ്റാരോപണങ്ങൾ വന്നിട്ടും ബി.ബി.സി മൗനം പാലിച്ചുവെന്നും ആരോപണങ്ങൾ ഉയർന്നിരുന്നു.