സ്വന്തം ലേഖകൻ: ദുബായിൽ വേഗത്തിൽ ബിസിനസ് തുടങ്ങാൻ ആഗ്രഹിക്കുന്നവർക്കായി ഡിജിറ്റിൽ പ്ലാറ്റ് ഫോം അവതരിപ്പിച്ച് യു.എ.ഇ വൈസ് പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം. invest.dubai.ae എന്ന സൈറ്റ് വഴിയാണ് 2000ഓളം സേവനങ്ങൾ ഒരു കുടക്കീഴിലാക്കുന്നതാണ്.
ലോക്കൽ, ഫെഡറൽ സർവിസുകൾ, ബാങ്കിങ് ഉൾപ്പെടെ എല്ലാവിധ ഇടപാടുകളും ഇതുവഴി നടക്കും. പുതിയ പ്ലാറ്റ്ഫോമിന് ദുബൈ എക്സിക്യൂട്ടിവ് കൗൺസിൽ യോഗം അനുമതി നൽകി. ഫ്രീസോണിലും മെയിൻലാൻഡിലും ബിസിനസ് തുടങ്ങാനുള്ള സഹായം ഈ വെബ്സൈറ്റ് വഴി ലഭിക്കും.
ടെക്നോളജി, സാമ്പത്തീകം, കൃഷി, ഭക്ഷ്യമേഖല, വിനോദം, മീഡിയ, ഇസ്ലാമിക് ഇക്കോണമി, ഊർജം, ആരോഗ്യം, ഇലക്ട്രോണിക്സ് തുടങ്ങിയ മേഖലകളിലെല്ലാം ബിസിനസ് തുടങ്ങാൻ ആഗ്രഹിക്കുന്നവർക്ക് സഹായകരമാകുന്ന രീതിയിലാണ് പ്ലാറ്റ്ഫോം തയാറാക്കിയിരിക്കുന്നത്. വിസ, റെസിഡൻസി, സാമ്പത്തിക സഹായങ്ങൾ എന്നിവയെ കുറിച്ചും വിവരങ്ങൾ ലഭിക്കും. ബിസിനസ് മേഖലയിൽ വിജയിച്ചവരെ കുറിച്ചുള്ള പ്രചോദക കഥകളും സൈറ്റിൽ പോസ്റ്റ് ചെയ്യുന്നുണ്ട്.
ദീർഘകാല റെസിഡൻറ് വിസകൾ, റിട്ടയർമെൻറ് വിസ തുടങ്ങിയവയെ കുറിച്ചുള്ള വിവരങ്ങളും ഇതുവഴി ലഭിക്കും. ദുബൈയിെല 19 ഫ്രീസോണുകൾ, അവിടെയുള്ള ലൈസൻസുകൾ, ബിസിനസ് മേഖലകൾ തുടങ്ങിയവയെ കുറിച്ച് കൂടുതൽ അറിയാനും വെബ്സൈറ്റ് ഉപകരിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല