1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee July 20, 2021

സ്വന്തം ലേഖകൻ: ഗൾഫിൽ ചൊവ്വാഴ്ച ബലിപെരുന്നാൾ ആഘോഷിക്കും. കോവിഡ് മാനദണ്ഡങ്ങൾ പാലിച്ചുള്ള പെരുന്നാൾ ആഘോഷത്തിന് ഗൾഫ് നാടുകൾ ദിവസങ്ങൾക്കു മുമ്പുതന്നെ ഒരുങ്ങിയിരുന്നു. യു.എ.ഇ.യിൽ പെരുന്നാൾ നമസ്കാരത്തിനായി പള്ളികളും ഈദ് ഗാഹുകളും നേരത്തേതന്നെ സജ്ജമാക്കിയിരുന്നു. നമസ്കാരത്തിനും ഖുത്തുബയ്ക്കുമായി 15 മിനിറ്റാണ് അനുവദിച്ചിരിക്കുന്നത്.

പ്രാർഥനയ്ക്ക് 15 മിനിറ്റ് മുൻപ് പള്ളി തുറക്കും. പ്രാർഥന കഴിഞ്ഞയുടൻ അടയ്ക്കും. കൂട്ടംചേരുന്നതിനും വിലക്കുണ്ട്. ഈദ് ആശംസനേരാനും പാരിതോഷികങ്ങൾ നൽകാനും ഡിജിറ്റൽമാർഗം തിരഞ്ഞെടുക്കാനാണ് നിർദേശം. തിരക്ക് പ്രമാണിച്ച് യുഎഇയിലെ വിവിധ എമിറേറ്റുകളില്‍ ഗതാഗത സംവിധാനം പുനഃക്രമീകരിക്കുകയും വിപുലപ്പെടുത്തുകയും ചെയ്തിട്ടുണ്ട്. അടുത്ത ശനിയാഴ്ച വരെ പാർക്കിങ്ങും സൗജന്യമാണ്. വിലക്കിഴിവ് ഏര്‍പ്പെടുത്തിയതിനാല്‍ വ്യാപാര സ്ഥാപനങ്ങള്‍ വന്‍ കച്ചവടവും പ്രതീക്ഷിക്കുന്നു.

കുവൈത്തിൽ ക​ഴി​ഞ്ഞ വ​ർ​ഷം ബ​ലി​പെ​രു​ന്നാ​ളി​ന്​ കോ​വി​ഡ്​ പ​ശ്ചാ​ത്ത​ല​ത്തി​ൽ പ​ള്ളി​ക​ൾ അ​ട​ച്ചി​ട്ട​തി​നാ​ൽ വീ​ട്ടി​ലാ​യി​രു​ന്നു പെ​രു​ന്നാ​ൾ ന​മ​സ്​​കാ​ര​മെ​ങ്കി​ൽ ഇ​ത്ത​വ​ണ പ​ള്ളി​യി​ൽ പോ​കാം. രാ​വി​ലെ 5.16ന്​ ​പെ​രു​ന്നാ​ൾ ന​മ​സ്​​കാ​രം. 15 മി​നി​റ്റ്​ കൊ​ണ്ട്​ പ്രാ​ർ​ഥ​ന അ​വ​സാ​നി​പ്പി​ച്ച്​ മ​ട​ങ്ങാ​നും നി​ർ​ദേ​ശ​മു​ണ്ട്. പ്രാ​ർ​ഥ​ന​ക്കെ​ത്തു​ന്ന​വ​ർ കോ​വി​ഡ് മാ​ന​ദ​ണ്ഡ​ങ്ങ​ൾ കൃ​ത്യ​മാ​യി പാ​ലി​ച്ചി​രി​ക്ക​ണം. ന​മ​സ്‍കാ​ര​ത്തി​നാ​യി അ​ണി നി​ൽ​ക്കു​മ്പോ​ൾ സാ​മൂ​ഹി​ക അ​ക​ലം പാ​ലി​ച്ചി​രി​ക്ക​ണം.

രാജ്യത്ത് ജുമുഅ നടക്കാറുള്ള എല്ലാ പള്ളികളിലും ഈദ്​ നമസ്കാരം ഉണ്ടാകും. സ്ഥലസൗകര്യമുള്ള വലിയ പള്ളികളിൽ സ്ത്രീകൾക്കും പ്രവേശനമുണ്ടാകും. മാ​സ്ക് ധ​രി​ക്കാ​ത്ത​വ​രെ പ്രാ​ർ​ഥ​നാ​ഹാ​ളി​ലേ​ക്ക് പ്ര​വേ​ശി​പ്പി​ക്കി​ല്ല. വി​വി​ധ സ്​​പോ​ർ​ട്​​സ്​ കേ​ന്ദ്ര​ങ്ങ​ളി​ലും യൂ​ത്ത്​ സെൻറ​റു​ക​ളി​ലു​മാ​യി​ ഇൗ​ദ്​​ഗാ​ഹ്​ സൗ​ക​ര്യ​വു​മൊ​രു​ക്കി​യി​ട്ടു​ണ്ട്.

പുതിയ യാത്രനയം പ്രഖ്യാപിച്ച്​ ഇളവുകൾ പ്രാബല്യത്തിൽ വരുകയും ചെയ്​തതോടെ ഖത്തറിൽ പ്രവാസികൾക്കും സ്വദേശികൾക്കും ആശ്വാസത്തിൻെറ പെരുന്നാളാണിത്. രാവിലെ 5.10ന്​ പെരുന്നാൾ നമസ്​കാരങ്ങൾ. രാജ്യത്തിൻെറ എല്ലാ കോണുകളിലുമായി പള്ളികളും ഈദ്​ഗാഹുകളുമായി 924 കേന്ദ്രങ്ങൾ നമസ്​കാരത്തിന്​ സജ്ജമായിക്കഴിഞ്ഞു. ഇതുസംബന്ധിച്ച പട്ടിക കഴിഞ്ഞ ദിവസം മതകാര്യ മന്ത്രാലയം സമൂഹ മാധ്യമങ്ങളിൽ പങ്കുവെച്ചിരുന്നു.

നമസ്​കാരത്തിനെത്തുന്നവർ കോവിഡ്​ ചട്ടങ്ങൾ പൂർണമായി പാലിക്കണമെന്ന്​ ഇസ്​ലാമിക മതകാര്യ മന്ത്രാലയം അറിയിച്ചു. എല്ലാവരും മാസ്​ക്​ ധരിച്ചും മുസല്ലകൾ കരുതിയും അംഗശുദ്ധി വരുത്തിയുമാവണം പള്ളിയി​ലെ​ത്തേണ്ടത്​. ഒന്നര മീറ്റർ സാമൂഹിക അകലം പാലിക്കണം. ഇഹ്​തിറാസ്​ ആപ്പിൽ പച്ച സ്​റ്റാറ്റസ്​ കാണിക്കണം. പള്ളികളുടെയും നമസ്​കാരഗ്രൗണ്ടുകളുടെയും പ്രവേശനകവാടത്തിൽ ഇത്​ പരിശോധിക്കും.

12 വയസ്സിനു​ താഴെയുള്ളവർക്ക്​ പ്രവേശനമുണ്ടാകില്ല. പള്ളികള​ിലെയും മൈതാനങ്ങളിലെയും സ്​ത്രീകൾക്കുള്ള നമസ്​കാര ഇടങ്ങൾ അടഞ്ഞുതന്നെ കിടക്കും. സ്​ത്രീകൾ വീടുകളിൽനിന്ന്​ നമസ്​കാരം നിർവഹിക്കണമെന്നാണ്​ നിർദേശം. പെരുന്നാളിന്​ മുന്നോടിയായി ‘ബലദിയ’ നേതൃത്വത്തിൽ രാജ്യത്തെ പള്ളികളും നമസ്​കാര സ്​ഥലങ്ങളും ശുചീകരിച്ചു. ദിവസങ്ങൾക്കു മു​േമ്പതന്നെ വിവിധ കേ​ന്ദ്രങ്ങളിൽ ശുചീകരണം പൂർത്തിയാക്കി.

ഒമാനിൽ കോ​വി​ഡ്​ രോ​ഗ​പ​ശ്ചാ​ത്ത​ല​ത്തി​ലെ നാ​ലാ​മ​ത്തെ​യും സ​മ്പൂ​ർ​ണ ലോ​ക്​​ഡൗ​ണി​െൻറ അ​ന്ത​രീ​ക്ഷ​ത്തി​ലു​ള്ള ആ​ദ്യ​ത്തെ​യും പെ​രു​ന്നാ​ളാ​ണ്​ ഇ​ന്ന്. പ​ള്ളി​ക​ളി​ലെ പെ​രു​ന്നാ​ൾ ന​മ​സ്​​കാ​ര​ത്തി​ന്​ ഇ​ക്കു​റി​യും അ​നു​മ​തി​യി​ല്ല. ബ​ലി​പെ​രു​ന്നാ​ൾ ദി​ന​ത്തി​ലും അ​ടു​ത്ത ര​ണ്ട്​ ദി​വ​സ​ങ്ങ​ളി​ലു​മാ​ണ്​ നേ​ര​ത്തേ സ​മ്പൂ​ർ​ണ ലോ​ക്​​ഡൗ​ൺ തീ​രു​മാ​നി​ച്ചി​രു​ന്ന​ത്. ഇ​ത്​ പി​ന്നീ​ട്​ ഒ​രു​ദി​വ​സം കൂ​ടി നീ​ട്ടു​ക​യാ​യി​രു​ന്നു.

ക​ന​ത്ത മ​ഴ​യെ തു​ട​ർ​ന്നു​ണ്ടാ​യ നാ​ശ​ന​ഷ്​​ട​ങ്ങ​ളു​ടെ പ​ശ്​​ചാ​ത്ത​ല​ത്തി​ൽ ചൊ​വ്വ, ബു​ധ​ൻ ദി​വ​സ​ങ്ങ​ളി​ൽ സൂ​ർ വി​ലാ​യ​ത്തി​നെ സ​മ്പൂ​ർ​ണ ലോ​ക്​​ഡൗ​ണി​ൽ നി​ന്ന്​ ഒ​ഴി​വാ​ക്കി​യി​ട്ടു​ണ്ട്. കോ​വി​ഡ്​ സാ​ഹ​ച​ര്യം ഗു​രു​ത​ര​മാ​യ​തി​നാ​ൽ പെ​രു​ന്നാ​ൾ ദി​വ​സ​ങ്ങ​ളി​ൽ ആ​ളു​ക​ൾ ഒ​ത്തു​ചേ​ര​ലു​ക​ളി​ൽ​നി​ന്ന്​ ഒ​ഴി​ഞ്ഞു​നി​ൽ​ക്ക​ണ​മെ​ന്ന്​ ഒ​മാ​ൻ ഗ്രാ​ൻ​ഡ്​​ മു​ഫ്​​തി ശൈ​ഖ്​ അ​ഹ​മ്മ​ദ്​ ബി​ൻ ഹ​മ​ദ്​ അ​ൽ ഖ​ലീ​ലി ആ​വ​ശ്യ​പ്പെ​ട്ടു.

കേ​സു​ക​ൾ, കൈ​കാ​ര്യം ചെ​യ്യാ​ൻ ബു​ദ്ധി​മു​ട്ടാ​യ വി​ധ​ത്തി​ൽ വ​ർ​ധി​ക്കു​ക​യാ​ണ്. ആ​രോ​ഗ്യ പ്ര​വ​ർ​ത്ത​ക​രി​ലും രോ​ഗ​ബാ​ധ വ​ർ​ധി​ക്കു​ന്നു​ണ്ട്. സ​മ്പൂ​ർ​ണ ലോ​ക്​​ഡൗ​ണി​നെ തു​ട​ർ​ന്ന്​ ബ​ലി​ക​ർ​മ​ങ്ങ​ൾ ന​ട​ത്തു​ന്ന​തി​നു​ള്ള പ്ര​യാ​സ​ത്തെ​ക്കു​റി​ച്ച്​ സ​മൂ​ഹ മാ​ധ്യ​മ​ങ്ങ​ളി​ൽ ഉ​യ​രു​ന്ന ചോ​ദ്യ​ങ്ങ​ൾ​ക്ക്, സാ​ഹ​ച​ര്യം പ്ര​യാ​സ​ക​ര​മാ​ണെ​ങ്കി​ൽ മു​സ്​​ലിം​ക​ൾ​ക്ക്​ ബ​ലി​യി​ൽ നി​ന്ന്​ ഒ​ഴി​ഞ്ഞു​നി​ൽ​ക്കാ​വു​ന്ന​താ​ണെ​ന്ന്​ ഗ്രാ​ൻ​ഡ്​​ മു​ഫ്​​തി പ​റ​ഞ്ഞു.

ത​ങ്ങ​ളു​ടെ ക​ഴി​വി​നും അ​പ്പു​റ​ത്തു​മു​ള്ള സാ​ഹ​ച​ര്യ​ങ്ങ​ളി​ൽ വി​ശ്വാ​സി​ക​ളെ കൂ​ടു​ത​ൽ പ്ര​യാ​സ​പ്പെ​ടു​ത്താ​ൻ അ​ല്ലാ​ഹു ആ​ഗ്ര​ഹി​ക്കു​ന്നി​ല്ല. ലോ​ക്​​ഡൗ​ൺ ലം​ഘി​ക്കാ​തെ സാ​ധ്യ​മെ​ങ്കി​ൽ വീ​ടു​ക​ളി​ൽ ബ​ലി​ക​ർ​മ​ങ്ങ​ൾ ന​ട​ത്താ​വു​ന്ന​താ​ണെ​ന്നും ഗ്രാ​ൻ​ഡ്​ മു​ഫ്​​തി പ​റ​ഞ്ഞു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല