സ്വന്തം ലേഖകൻ: മുഖം തിരിച്ചറിയൽ രേഖയായി ഉപയോഗിക്കുന്ന ഫെയ്സ് ഐഡി സംവിധാനം യുഎഇ കൂടുതൽ മേഖലകളിലേക്ക് വ്യാപിപ്പിക്കുന്നു. സർക്കാർ സേവനങ്ങൾക്കും ഇനി മുതൽ ഫെയ്സ് ഐഡി ആധികാരിക തിരിച്ചറിയൽ സംവിധാനമാകും. ഫെയ്സ് ഐഡി തിരിച്ചറിയൽ സംവിധാനമായി ഉപയോഗിക്കുന്ന ലോകത്തെ ആദ്യ രാജ്യങ്ങളിൽ ഒന്നാണ് യുഎഇ.
സർക്കാർ മേഖലയിലേക്ക് ഫെയ്സ് ഐഡി വ്യാപിപ്പിക്കുന്നതിെൻറ ഭാഗമായി യുഎഇ പാസ് എന്ന മൊബൈൽ ആപ്ലിക്കേഷനിൽ ഇനി മുതൽ യുഎഇ നിവാസികളുടെ വിരലടയാളത്തിനും മറ്റു ബയോ മെട്രിക്കൽ രേഖകൾക്കും പുറമെ ഫെയ്സ് ഐഡിയും ശേഖരിക്കും. വിവിധ സർക്കാർ സേവനങ്ങൾക്ക് അപേക്ഷകനെ തിരിച്ചറിയാനും ഇലക്ട്രോണിക് സംവിധാനം വഴി സേവനം ലഭ്യമാക്കാനും ഉപയോഗിക്കുന്ന മൊബൈൽ ആപ്ലിക്കേഷനാണ് യുഎഇ പാസ്.
13.8 ലക്ഷം പേർ ഉപയോഗിക്കുന്ന ഈ മൊബൈൽ ആപ്ലിക്കേഷനിൽ 6,28,000 അക്കൗണ്ടുകൾ ബയോമെട്രിക്ക് വിവരങ്ങൾ സഹിതം ശേഖരിച്ചിരിക്കുന്നു. പരീക്ഷണാടിസ്ഥാനത്തിൽ വിമാനത്താവളത്തിൽ പാസ്പോർട്ടിന് പകരം മുഖം ഉപയോഗിക്കുന്ന സംവിധാനത്തിന് തുടക്കം കുറിച്ചത് ആഴ്ചകൾക്കു മുമ്പാണ്.വിവിധ സ്വകാര്യ മേഖലയിലും ഈ പരീക്ഷണം പുരോഗമിക്കുകയാണ്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല