1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee November 15, 2021

സ്വന്തം ലേഖകൻ: ടെക്​ ലോകത്ത്​ ഏറെ ചർച്ചയായി മാറിയതായിരുന്നു ഫേസ്​ബുക്കിന്‍റെ ‘മെറ്റ’യിലേക്കുള്ള റീബ്രാൻഡിങ്​. വെര്‍ച്വല്‍ റിയാലിറ്റിയെ അടിസ്ഥാനമാക്കിയുള്ള ഇന്‍റര്‍നെറ്റ് എന്നറിയപ്പെടുന്ന ‘മെറ്റാവേഴ്​സി’ൽ നിന്നുമായിരുന്നു മാർക്ക്​​ സുക്കർബർഗ്​ ‘മെറ്റ’ എന്ന വാക്ക്​ കടമെടുത്തത്​. മെറ്റാവേഴ്​സ്​ എന്ന പുതിയ വെർച്വൽ ലോകം കെട്ടിപ്പടുക്കാനുള്ള പദ്ധതിയിലാണിപ്പോൾ അദ്ദേഹം​.

സമൂഹ മാധ്യമങ്ങളുടെ ഭാവി മെറ്റാവേഴ്​സിലാണെന്നാണ്​ സുക്കർബർഗ്​ പറയുന്നത്​. അത്​ മുന്നിൽ കണ്ടുകൊണ്ട്​ വെർച്വൽ റിയാലിറ്റി, ഓഗ്​മെൻറഡ്​ റിയാലിറ്റി സാ​ങ്കേതികവിദ്യകളിൽ വലിയ നിക്ഷേപമാണ് മെറ്റ ഇപ്പോൾ​ നടത്തുന്നത്​. എന്നാൽ, ഐസ്​ലാൻഡ്​ എന്ന രാജ്യം സുക്കർബർഗിന്‍റെ ‘മെറ്റ’ പ്രഖ്യാപനത്തെ കളിയാക്കിക്കൊണ്ട്​ രസകരമായ വിഡിയോയുമായി എത്തി​.

ഐസ്‌ലാൻഡ് ടൂറിസം ബോഡിയാണ്​ ‘ഐസ്‌ലാൻഡ്‌വേഴ്‌സ്’ എന്ന ‘റിയൽ റിയാലിറ്റിയെ’ പരിചയപ്പെടുത്തിക്കൊണ്ട്​ രംഗത്തെത്തിയത്​. ഐസ്​ലാൻഡ്​ എന്ന രാജ്യത്തേക്ക്​ ആളുകളെ ആകർഷിക്കാനായി ചെയ്​ത വിഡിയോ ഇപ്പോൾ വൈറലാണ്​. വിഡിയോ അവതരിപ്പിക്കുന്നത്​ മാർക്ക്​ സുക്കർബർഗുമായി രൂപസാദൃശ്യമുള്ള സാക്ക്​ മോസ്​ബെർഗ്​സൺ ആണ്​. മെറ്റ തലവന്‍റെ ഡ്രസ്​ കോഡാണ്​ അദ്ദേഹം വിഡിയോയിൽ പിന്തുടർന്നതും.

സുക്കർബർഗ്​ ‘മെറ്റാവേഴ്​സിൽ’ വെർച്വൽ റിയാലിറ്റിയുടെ അനന്ത സാധ്യതകൾ ഉപയോഗപ്പെടുത്തുന്നതിനെ കുറിച്ച്​ വാതോരാതെ സംസാരിച്ചിരുന്നു. എന്നാൽ, സാക്ക്​ ഐസ്‌ലാൻഡ്‌വേഴ്‌സിലെ റിയൽ റിയാലിറ്റിയെ ആണ്​ പരിചയപ്പെടുത്തുന്നത്​. അവിടേക്ക്​ പോയാൽ ”ഹെഡ്​സെറ്റുകൾ ധരിക്കാതെ മെച്ചപ്പെട്ട റിയാലിറ്റി ആസ്വദിക്കാൻ” കഴിയുമെന്നാണ്​ സാക്ക്​ വാഗ്ദാനം ചെയ്യുന്നത്​.

ഒപ്പം രാജ്യത്തെ അതിമനോഹരമായ ടൂറിസ്റ്റ്​ സ്​പോട്ടുകളെ ദൃശ്യങ്ങളും അതിന്‍റെ വിശദീകരണങ്ങളും നൽകുകയും ചെയ്​തു. വിഡിയോ ശ്രദ്ധയിൽ പെട്ട സുക്കർബർഗ്​ മറുപടിയും നൽകിയിരുന്നു. “അത്ഭുതം. എനിക്ക് ഉടൻ ഐസ്‌ലാൻഡ്‌വേഴ്‌സിലേക്ക് ഒരു യാത്ര ചെയ്യണം,” അദ്ദേഹം സമൂഹ മാധ്യമങ്ങളിൽ കുറിച്ചു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.