സ്വന്തം ലേഖകന്: 35 വര്ഷം നിഴലുപോലെ കൂടെ; തങ്ങളെ പരിചരിച്ച ഇന്ത്യക്കാരന് രാജകീയ യാത്രയയപ്പ് നല്കി ഞെട്ടിച്ച സൗദി കുടുംബം. 35 വര്ഷം സൗദിയിലെ ഒരു കുടുംബത്തില് ജോലി ചെയ്ത മിഡോ ഷെരീന് എന്ന ഇന്ത്യന് ജോലിക്കാരനാണ് ഒടുവില് ജോലി അവസാനിപ്പിച്ച് സ്വദേശത്തേക്ക് തിരിച്ചുവരുമ്പോള് ഒരിക്കലും മറക്കാത്ത ഒരു യാത്രയയപ്പ് നല്കി സൗദി കുടുംബം നല്കിയത്.
ഇത്രയും വര്ഷം തങ്ങളെ പരിപാലിച്ച ആളെ എല്ലാ ആദരവും നല്കിയാണ് ആ കുടുംബം യാത്രയയച്ചത്. രാജകീയ യാത്രയയപ്പിന്റെ ചിത്രങ്ങളും വിഡിയോയും സമൂഹമാധ്യമങ്ങളില് വൈറലായി. പ്രായവ്യത്യാസം ഇല്ലാതെ കുടുംബത്തിലെ എല്ലാ അംഗങ്ങളും നേരിട്ടെത്തിയാണ് ഷെരീന് യാത്രയയപ്പ് നല്കിയത്. അംഗങ്ങള് വരിയായി നിന്ന് യാത്ര പറഞ്ഞു.
കുടുംബത്തിലെ ഒരു അംഗം യാത്ര പോകുന്നത് പോലെ ചിലര് അദ്ദേഹത്തെ കെട്ടിപ്പിടിച്ച് ചുംബിച്ചു. വീട്ടിലെ കൃഷികാര്യങ്ങളും ഹൈവേയിലെ റസ്റ്റ് ഹൗസില് ചായയും കാപ്പിയും വിതരണം ചെയ്യുകയുമായിരുന്നു ഈ ഇന്ത്യക്കാരന്റെ ജോലി. വടക്കന് സൗദിയിലെ അല് ജോഫിലാണ് ഇയാള് ജോലി ചെയ്തിരുന്നത്. ഇതുവഴി പോകുന്ന യാത്രക്കാര്ക്ക് ആവശ്യമായ സൗകര്യങ്ങള് നല്കുന്നതായിരുന്നു റസ്റ്റ് ഹൗസ്.
യാത്രയാക്കുമ്പോള് കൈനിറയെ പണവും സമ്മാനങ്ങളും നല്കാന് സൗദി കുടുംബം മറന്നില്ല. അതു മാത്രമല്ല, തങ്ങളെ 35 വര്ഷം സേവിച്ച വ്യക്തിക്ക് ഇന്ത്യയില് എത്തിയ ശേഷം സുഖമായി ജീവിക്കാന് മാസം പെന്ഷന് പോലെ ഒരു തുക നല്കുമെന്നും ഇവര് പറഞ്ഞു. 1980 കാലഘട്ടത്തിലാണ് മിഡോ ഷെരീന് സൗദിയില് എത്തിയത്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല