ജിഹാദികളെ ബോംബ് കൈകാര്യം ചെയ്യുന്നത് പരിശീലിപ്പിക്കുന്നതിന്റെ ഭാഗമായി ഇസ്ലാമിക് സ്റ്റേറ്റ് പിഞ്ചു കുഞ്ഞിന്റെ ശരീരത്ത് സ്‌ഫോടക വസ്തുക്കള്‍വച്ച് പൊട്ടിക്കുന്നതിന്റെ ദൃശ്യങ്ങള്‍ പുറത്ത്. സിറിയയിലെ ഡിയാലാ പ്രവശ്യയിലാണ് സംഭവം നടന്നതെന്നാണ് റിപ്പോര്‍ട്ടുകള്‍.
ഐഎസ് ക്യാംപില്‍ പരിശീലനം നേടുന്ന തീവ്രവാദികള്‍ക്ക് മുന്‍പിലായിരുന്നു ഈ കണ്ണില്ലാത്ത ക്രൂരത. കൊല്ലപ്പെട്ട കുഞ്ഞിന്റെ പിതാവിനെ ആഴ്ചകള്‍ക്ക് മുമ്പ് ഐ.എസ് തലയറുത്ത് കൊലപ്പെടുത്തിയിരുന്നു. ഒരു ഐ.എസ് ജിഹാദിയെ കൊല്ലപ്പെടുത്തിയെന്ന് ആരോപിച്ചായിരുന്നു ഇത്.
പിഞ്ചു കുട്ടികള്‍ ഐ.എസിന്റെ ക്രൂരതകള്‍ക്ക് ഇരയാകുന്ന സംഭവങ്ങള്‍ ഇതിന് മുന്‍പും ഉണ്ടായിട്ടുണ്ട്. ഒരു അഞ്ചു വയസുകാരനെ ഐഎസ് ഭീകരര്‍ ആഴ്ചകള്‍ക്ക് മുമ്പ് വെട്ടിക്കൊലപ്പെടുത്തിയിരുന്നു. 2013ല്‍ തെക്കുകിഴക്കന്‍ സിറിയയില്‍ ഒരു ബസ് തടഞ്ഞുനിര്‍ത്തിയ ഐഎസ് ഭീകരര്‍ 40 ദിവസംമാത്രം പ്രായമുള്ള ഒരു കുട്ടിയെ തലയറുത്ത് കൊലപ്പെടുത്തിയിരുന്നു.
ആക്രമണങ്ങള്‍ക്കായി ഐ.എസ് പ്രായപൂര്‍ത്തിയാകാത്ത കുട്ടികളെ ഉപയോഗിക്കുന്നത് സാധാരണമാണെങ്കിലും പരിശീലനത്തിന്റെ ഭാഗമായി കുട്ടികളെ ബലിയാടാക്കുന്നത് ഇതാദ്യമാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല