സ്വന്തം ലേഖകന്: ചക്ക ഇനി വെറും ചക്കയല്ല! കേരളത്തിന്റെ ഔദ്യോഗിക ഫലം; പ്രഖ്യാപനം മാര്ച്ച് 21 ന്. സംസ്ഥാന മൃഗത്തിനും പക്ഷിക്കും പൂവിനും മീനിനും പിന്നാലെയാണ് ഇനി സംസ്ഥാന ഫലവും. സര്ക്കാരിന്റെ ഔദ്യോഗിക പ്രഖ്യാപനം മാര്ച്ച് 21നു നടക്കും. ഇതിനു മുന്നോടിയായി നിയമസഭയിലും പ്രഖ്യാപനമുണ്ടാകും.
കാര്ഷിക വകുപ്പാണ് ഇതു സംബന്ധിച്ച റിപ്പോര്ട്ട് സര്ക്കാരിനു സമര്പ്പിച്ചത്. രാജ്യാന്തര തലത്തിലും ദേശീയ തലത്തിലും ‘കേരളത്തില് നിന്നുള്ള ചക്ക’ എന്ന ബ്രാന്ഡായി അവതരിപ്പിക്കുന്നതിനു മുന്നോടിയായിക്കൂടിയാണ് ഈ ഔദ്യോഗിക ‘ഫല’പ്രഖ്യാപനം.ചക്കയുടെ ഉല്പാദനവും വില്പനയും കൂട്ടാനുള്ള ശ്രമങ്ങളുടെ ഭാഗമായാണ് സംസ്ഥാന ഫലമായി പ്രഖ്യാപിക്കുന്നതെന്ന് കൃഷിമന്ത്രി വി.എസ്.സുനില്കുമാര് പറഞ്ഞു.
ചക്കയെ പ്രത്യേക ബ്രാന്ഡാക്കുന്നതിലൂടെ 15,000 കോടി രൂപയുടെ വരുമാനമാണു പ്രതീക്ഷിക്കുന്നത്. ചക്കയില് നിന്നും അതിന്റെ അനുബന്ധ ഉല്പന്നങ്ങളില് നിന്നുമായിരിക്കും ഈ വരുമാനമുണ്ടാക്കുക. ചക്ക സംസ്ഥാനത്തു വന്തോതില് ഉണ്ടെങ്കിലും അതിന്റെ ഗുണം പൂര്ണമായും ഇതുവരെ ഉപയോഗപ്പെടുത്താനായിട്ടില്ല.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല