സ്വന്തം ലേഖകൻ: ഫ്ലൈ ദുബായ് വിമാനക്കമ്പനി കേരളത്തിൽനിന്ന് ദുബായ് വഴി ബഹ്റൈനിലേക്ക് ബുക്കിങ് തുടങ്ങിയെങ്കിലും ദുബായ് വീസ വേണമെന്ന നിബന്ധനയിൽ കുഴങ്ങി യാത്രക്കാർ. അതേസമയം, എമിറേറ്റ്സ് വിമാനത്തിന് ഇൗ നിബന്ധനയില്ല. ൈഫ്ല ദുബായ് സർവീസും ഇതുപോലെയാകുമെന്നായിരുന്നു യാത്രക്കാരുടെ പ്രതീക്ഷ. 100 ദീനാർ മുതലാണ് ബഹ്റൈനിലേക്ക് ടിക്കറ്റ് നിരക്ക്. ദുബായ്യിലേക്ക് വീസയെടുക്കുന്നതിന് വീണ്ടും 45 ദീനാറോളം ചെലവഴിക്കണം. അങ്ങനെയാണെങ്കിലും, നിലവിലെ മറ്റു വിമാനക്കമ്പനികളുടെ നിരക്ക് അപേക്ഷിച്ച് വളരെ കുറവായിരിക്കും ഇത്.
കൊച്ചി, തിരുവനന്തപുരം, കോഴിക്കോട് എന്നിവക്കുപുറമെ, ചെന്നൈ, ഡൽഹി, മുംബൈ, ലഖ്നോ, ഹൈദരാബാദ് എന്നിവിടങ്ങളിൽനിന്നും സർവീസ് ഉണ്ടാകും. ദുബായ്യിൽനിന്ന് കണക്ഷൻ വിമാനത്തിലാണ് യാത്രക്കാരെ ബഹ്റൈനിൽ എത്തിക്കുക. യാത്രക്കാർ 96 മണിക്കൂറിനുള്ളിൽ നടത്തിയ പി.സി.ആർ കൊവിഡ് പരിശോധനയുടെ റിസൽട്ട് കരുതണം.
വെള്ളി, ഞായർ, തിങ്കൾ, ശനി ദിവസങ്ങളിൽ കൊച്ചിയിൽനിന്നും തിങ്കൾ, വെള്ളി, ഞായർ ദിവസങ്ങളിൽ കോഴിക്കോട് നിന്നും ഞായർ, തിങ്കൾ, വെള്ളി ദിവസങ്ങളിൽ തിരുവനന്തപുരത്തുനിന്നും ൈഫ്ല ദുബായ് സർവീസ് ബഹ്റൈനിലേക്കുണ്ട്. പുറമേ, ചെന്നൈ, ഡൽഹി, ഹൈദരാബാദ്, മുംബൈ, ലഖ്നോ എന്നിവിടങ്ങളിൽനിന്നും സർവീസ് ഉണ്ടാകും. ദുബായ്യിൽനിന്ന് കണക്ഷൻ വിമാനത്തിലാണ് യാത്രക്കാരെ ബഹ്റൈനിൽ എത്തിക്കുക.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല