സ്വന്തം ലേഖകൻ: കേരളത്തില് ഇന്ന് 43,529 പേര്ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 1,46,320 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 29.75 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പിഒസിടി പിസിആര്, ആര്ടിഎല്എഎംപി, ആന്റിജന് പരിശോധന എന്നിവ ഉള്പ്പെടെ ഇതുവരെ ആകെ 1,74,18,696 സാമ്പിളുകളാണ് പരിശോധിച്ചത്.
പോസിറ്റീവ് ആയവർ
എറണാകുളം 6410
മലപ്പുറം 5388
കോഴിക്കോട് 4418
തിരുവനന്തപുരം 4284
തൃശൂര് 3994
പാലക്കാട് 3520
കൊല്ലം 3350
കോട്ടയം 2904
ആലപ്പുഴ 2601
കണ്ണൂര് 2346
പത്തനംതിട്ട 1339
ഇടുക്കി 1305
കാസര്കോട് 969
വയനാട് 701
യുകെ, സൗത്ത് ആഫ്രിക്ക, ബ്രസീല് എന്നീ രാജ്യങ്ങളില് നിന്നും വന്ന ആര്ക്കും തന്നെ കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചില്ല. അടുത്തിടെ യുകെ (115), സൗത്ത് ആഫ്രിക്ക (9), ബ്രസീല് (1) എന്നീ രാജ്യങ്ങളില് നിന്നും വന്ന 125 പേര്ക്കാണ് ഇതുവരെ കോവിഡ് 19 സ്ഥിരീകരിച്ചത്. ഇവരില് 123 പേരുടെ പരിശോധനാഫലം നെഗറ്റീവായി. ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.
കഴിഞ്ഞ ദിവസങ്ങളിലുണ്ടായ 95 മരണങ്ങളാണ് കോവിഡ്-19 മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 6053 ആയി. ഇന്ന് രോഗം സ്ഥിരീകരിച്ചവരില് 241 പേര് സംസ്ഥാനത്തിന് പുറത്ത് നിന്നും വന്നവരാണ്. 40,133 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 3010 പേരുടെ സമ്പര്ക്ക ഉറവിടം വ്യക്തമല്ല. എറണാകുളം 6247, മലപ്പുറം 5185, കോഴിക്കോട് 4341, തിരുവനന്തപുരം 3964, തൃശൂര് 3962, പാലക്കാട് 1428, കൊല്ലം 3336, കോട്ടയം 2744, ആലപ്പുഴ 2596, കണ്ണൂര് 2151, പത്തനംതിട്ട 1285, ഇടുക്കി 1277, കാസര്കോട് 943, വയനാട് 674 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
145 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കണ്ണൂര് 33, തൃശൂര് 23, എറണാകുളം 15, പാലക്കാട്, കാസര്കോട് 11 വീതം, തിരുവനന്തപുരം, പത്തനംതിട്ട, കോഴിക്കോട്, വയനാട് 10 വീതം, കൊല്ലം 8, കോട്ടയം 2, ആലപ്പുഴ, ഇടുക്കി 1 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 34,600 പേര് രോഗമുക്തി നേടി.
രോഗമുക്തി നേടിയവർ
തിരുവനന്തപുരം 2338
കൊല്ലം 2815
പത്തനംതിട്ട 1264
ആലപ്പുഴ 2518
കോട്ടയം 2171
ഇടുക്കി 1287
എറണാകുളം 4474
തൃശൂര് 2319
പാലക്കാട് 3100
മലപ്പുറം 3946
കോഴിക്കോട് 5540
വയനാട് 446
കണ്ണൂര് 1907
കാസര്കോട് 475
ഇതോടെ 4,32,789 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 15,71,738 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 10,01,647 പേരാണ് ഇപ്പോള് നിരീക്ഷണത്തിലുള്ളത്. ഇവരില് 9,67,211 പേര് വീട്/ഇന്സ്റ്റിറ്റ്യൂഷനല് ക്വാറന്റീനിലും 34,436 പേര് ആശുപത്രികളിലും നിരീക്ഷണത്തിലാണ്. 3593 പേരെയാണ് പുതുതായി ആശുപത്രിയില് പ്രവേശിപ്പിച്ചത്. ഇന്ന് 5 പുതിയ ഹോട്സ്പോട്ടുകളാണുള്ളത്. 75 പ്രദേശങ്ങളെ ഹോട്സ്പോട്ടില് നിന്നും ഒഴിവാക്കി. നിലവില് ആകെ 740 ഹോട്സ്പോട്ടുകളാണുള്ളത്.
രാജ്യത്ത് കോവിഡ് രൂക്ഷമായ ജില്ലകള് ആറു മുതല് എട്ട് ആഴ്ച വരെ അടച്ചിടണമെന്ന് ഐംസിഎംആര് (ഇന്ത്യന് കൗണ്സില് ഓഫ് മെഡിക്കല് റിസര്ച്ച്) മേധാവി ഡോ. ബല്റാം ഭാര്ഗവ. റോയിട്ടേഴ്സിനു നല്കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. രോഗവ്യാപനം തടയാന് ഇത് അനിവാര്യമാണെന്നും ഡോ. ബല്റാം ഭാര്ഗവ പറയുന്നു.
രോഗവ്യാപന നിരക്ക് 10 ശതമാനത്തിനു മുകളിലുള്ള ജില്ലകളില് ലോക്ഡൗണ് നിയന്ത്രണങ്ങള് തുടരണമെന്ന് ഡോ. ബല്റാം ഭാര്ഗവ പറഞ്ഞു. രോഗവ്യാപന തോത് 5-10 ശതമാനത്തിനിടയിലായാല് തുറന്നു കൊടുക്കാം. 6-8 ആഴ്ചയ്ക്കുള്ളില് അതുണ്ടാകാന് സാധ്യതയില്ല. ഡല്ഹി നാളെ തുറന്നാല് അത് വന്ദുരന്തം ആയിരിക്കുമെന്നും ഡോ. ഭാര്ഗവ മുന്നറിയിപ്പു നല്കി. ഡല്ഹിയില് പോസിറ്റിവിറ്റി നിരക്ക് 35 ശതമാനത്തില്നിന്ന് 17 ശതമാനമായി കുറഞ്ഞിട്ടുണ്ട്.
നിലവില് രാജ്യത്തെ ആകെയുള്ള 718 ജില്ലകളില് നാലില് മൂന്നിടത്തും പോസിറ്റിവിറ്റി നിരക്ക് പത്തു ശതമാനത്തിനു മുകളിലാണ്. സാമ്പത്തിക പ്രത്യാഘാതത്തിന് ഇടയാക്കുമെന്നു ചൂണ്ടിക്കാട്ടി രാജ്യത്താകെ ലോക്ഡൗണ് പ്രഖ്യാപിക്കാതിരുന്ന കേന്ദ്ര സര്ക്കാര്, തീരുമാനം സംസ്ഥാനങ്ങള്ക്കു വിടുകയായിരുന്നു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല