
സ്വന്തം ലേഖകൻ: ഈ വര്ഷത്തെ ഹയര്സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷാഫലം പ്രഖ്യാപിച്ചു. തിരുവനന്തപുരം പിആര്ഡി ചേംബറില് നടന്ന വാര്ത്താ സമ്മേളനത്തില് വിഭ്യാഭ്യാസ മന്ത്രി വി. ശിവന്ശിവന്കുട്ടിയാണ് ഫലം പ്രഖ്യാപിച്ചത്. ഹയർ സെക്കന്ഡറി വിഭാഗത്തില് 87.94 ശതമാനം വിദ്യാര്ഥികള് വിജയിച്ചു. 85.13 ശതമാനമായിരുന്നു കഴിഞ്ഞ വര്ഷത്തെ വിജയ ശതമാനം.
328702 പേര് ഉന്നത പഠനത്തിന് യോഗ്യത നേടി. 48,383 വിദ്യാര്ഥികള് മുഴുവന് എ പ്ലസ് നേടി. 136 സ്കൂളുകളില് നൂറു ശതമാനം വിജയം നേടി. ഇതില് 11 സർക്കാർ സ്കൂളുകള് ഉള്പ്പെടുന്നു. എറണാകുളമാണ് ഏറ്റവും കൂടുതല് വിദ്യാര്ഥികള് വിജയിച്ച ജില്ല. 91.11 ആണ് വിജയശതമാനം. ഏറ്റവും കുറഞ്ഞ വിജയശതമാനം പത്തനംതിട്ടയിലാണ്- 82.53 ശതമാനം.
സംസ്ഥാനത്തെ സര്ക്കാര് സ്കൂളുകളില് 85.02 ആണ് വിജയശതമാനം. എയ്ഡഡ് വിഭാഗത്തില് 90. 37 ശതമാനവും അണ് എയ്ഡഡ് വിഭാഗത്തില് 87.67 ശതമാനവുമാണ് വിജയം. ഓപ്പണ് സ്കൂള് വിഭാഗത്തില് വിജയശതമാനം 53ആണ്. 25293 വിദ്യാര്ഥികള് വിജയിച്ചു. വൊക്കേഷണല് ഹയര്സെക്കന്ഡറിയില് 80.36 ശതമാനം വിജയം നേടി. ടെക്നിക്കല് സ്കൂളുകളില് 84.39 ശതമാനമാണ് വിജയം.
www.keralaresults.nic.in,
www.dhsekerala.gov.in,
www.prd.kerala.gov.in,
www.results.kerala.gov.in,
www.kerala.gov.in.
എന്നീ വെബ്സൈറ്റുകളിലും Saphalam 2022, iExaMS-Kerala എന്നീ മൊബൈല് ആപ്ലിക്കേഷനികളിലൂടെയും നാലു മണി മുതല് പരീക്ഷാഫലം ലഭ്യമാകും.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല