സ്വന്തം ലേഖകൻ: കുവൈത്തില് ഒരു വര്ഷം പൂര്ത്തിയാക്കിയ വിദേശ തൊഴിലാളികള്ക്ക് വിസ മറ്റൊരു സ്പോണ്സറിലേക്ക് മാറ്റുന്നതിന് അനുമതി. ഇതു സംബന്ധിച്ച സര്ക്കാര് ഉത്തരവ് 375-2021 മാന് പവര് പബ്ലിക് അതോറിറ്റി ഡയറക്ടര് ജനറല് അഹ്മദ് അല് മൂസയാണ് നല്കിയത്. ഇതോടെ മുമ്പ് വിസ മാറ്റത്തിനു മൂന്നു വര്ഷം വേണ്ടിയിരുന്നത് ഇപ്പോള് ഒരു വര്ഷമായി.
ഇതനുസരിച്ചു നിലവിലുള്ള സ്പോണ്സറുടെ അനുമതി കൂടാതെ ഒരു വര്ഷം പൂര്ത്തിയാക്കിയവര്ക്ക് മറ്റൊരു കമ്പനിയിലേക്ക് വിസ മാറ്റുന്നതിന് അവസരം ഒരുക്കുകയാണ്. പബ്ലിക് അറ്റോറീട്ടിയുടെ മാനദണ്ഡങ്ങള് അനുസരിച്ചു വിസ മാറ്റാവുന്നതാണ് എന്നും നിലവിലെ സാഹചര്യം കണക്കിലെടുത്താണ് തൊഴിലാളികള്ക്ക് ക്ഷാമം നേരിടുന്ന സാഹചര്യത്തില് കൂടുതല് ഇളവുകള് പ്രഖ്യാപിക്കുന്നത് എന്നും അല് മൂസ വിശദീകരിച്ചു.
ആസ്ട്രസെനക ആദ്യ ഡോസ് സ്വീകരിച്ചവർക്കും സർട്ടിഫിക്കറ്റ്
കുവൈത്തിൽ കോവിഡ് പ്രതിരോധ വാക്സിൻ ആദ്യ ഡോസ് സ്വീകരിച്ചവർക്കും വാക്സിനേഷൻ സർട്ടിഫിക്കറ്റ് നൽകുമെന്ന് ആരോഗ്യ മന്ത്രാലയം. ഓക്സ്ഫഡ് ആസ്ട്രസെനക വാക്സിന് ഒന്നാം ഡോസ് എടുത്തവര്ക്കാണ് ഈ ആനുകൂല്യം. ആസ്ട്രസെനക രണ്ടാം ഡോസ് വൈകുന്നതാണ് ഇത്തരമൊരു ഇളവിന് കാരണം. മേയ് 21 മുതൽ സ്വദേശികൾക്കു വിദേശയാത്ര ചെയ്യണമെങ്കിൽ വാക്സിനേഷൻ സർട്ടിഫിക്കറ്റ് നിർബന്ധമാക്കിയിട്ടുണ്ട്.
അതിനിടെ കുവൈത്ത് ആരോഗ്യ മന്ത്രാലയം നല്കുന്ന വാക്സിന് സര്ട്ടിഫിക്കറ്റും അന്താരാഷ്ട്ര തലത്തില് യാത്രക്കായി ഉപയോഗിക്കുന്നതിനുള്ള വാക്സിന് പാസ്പോര്ട്ടും തമ്മിൽ ബന്ധമില്ലെന്നും വാക്സിൻ പാസ്പോർട്സുമായി ബന്ധപ്പെട്ട് ലോകാരോഗ്യ സംഘടനയിൽനിന്ന് ഇതുവരെ നിര്ദേശങ്ങള് ഒന്നും ലഭിച്ചിട്ടില്ലെന്നും ആരോഗ്യമന്ത്രി ഡോ. ബാസില് അസ്സബാഹ് അറിയിച്ചു.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല