സ്വന്തം ലേഖകൻ: അവിദഗ്ധ തൊഴിലുകൾ ചെയ്യുന്ന പ്രവാസികളുടെ മക്കൾക്ക് നോർക്കയുടെ സഹായ പദ്ധതി. നോർക്ക റൂട്ട്സ് ഡയറക്ടേഴ്സ് സ്കോളർഷിപ്പാണ് ഇത്തരത്തിൽ പ്രവാസികളുടെ മക്കൾക്ക് ലഭിക്കുക. സാമ്പത്തിക പിന്നാക്കാവസ്ഥയുള്ള പ്രവാസി മലയാളികളുടെ മക്കളുടെ ഉന്നത വിദ്യാഭ്യാസത്തിനാണ് ഈ പദ്ധതിക്ക് കീഴിൽ സ്കോളർഷിപ്പായി ധനസഹായം നൽകുക. നോർക്കയുടെ തിരിച്ചറിയൽ കാർഡുള്ള പ്രവാസികളുടെ മക്കൾക്കാണ് അപേക്ഷിക്കാൻ അർഹത.
നോർക്ക റൂട്ട്സ് ഡയറക്ടേഴ്സ് സ്കോളർഷിപ്പിനായി ഇപ്പോൾ അപേക്ഷിക്കാം. രണ്ട് വർഷമെങ്കിലും വിദേശത്ത് ജോലി ചെയ്ത് തിരികെയെത്തിയവർക്കും ഇപ്പോൾ വിദേശത്തുള്ളവർക്കും അപേക്ഷിക്കാം. ഇ.സി.ആർ വിഭാഗത്തിൽപ്പെട്ട അവിദഗ്ധ തൊഴിലാളികൾ, ഡ്രൈവർമാർ, വീട്ടുജോലിക്കാർ തുടങ്ങിയവരുടെ മക്കൾക്കാണ് സ്കോളർഷിപ് ലഭിക്കുക. തിരികെ നാട്ടിലെത്തിയവരുടെ വാർഷിക വരുമാനം ഒന്നര ലക്ഷത്തിലധികരിക്കാൻ പാടില്ല. വിദേശത്തുള്ള പ്രവാസികൾക്ക് നോർക്കയുടെ െഎ.ഡി കാർഡും ഉണ്ടായിരിക്കണം.
ബിരുദാനന്തര ബിരുദ കോഴ്സുകൾ (എം.എ, എം.എസ്സി, എം.കോം), പ്രഫഷനൽ കോഴ്സുകളായ എം.ബി.ബി.എസ്/ ബി.ഡി.എസ്/ ബി.എച്ച്.എം.എസ് / ബി.എ.എം.എസ് / ബി.ഫാം / ബി.എസ്സി നഴ്സിങ്/ ബി.എസ്സി എം.എൽ.ടി / എ.ബി.എ, എം.സി.എ/ എൻജിനീയറിങ്/ അഗ്രികൾച്ചർ/ വെറ്ററിനറി കോഴ്സുകൾക്ക് 2020 -21 അധ്യയന വർഷം ചേർന്ന വിദ്യാർഥികൾക്കാണ് സ്കോളർഷിപ് ലഭിക്കുന്നത്.
പഠിക്കുന്ന കോഴ്സുകൾക്കുവേണ്ട യോഗ്യത പരീക്ഷയിൽ ലഭിക്കുന്ന മാർക്കിെൻറ അടിസ്ഥാനത്തിലാണ് ആനുകൂല്യം നൽകുക. ബിരുദാനന്തര ബിരുദത്തിനു പഠിക്കുന്നവരിൽ ബിരുദത്തിന് സയൻസ് വിഷയങ്ങൾക്ക് 75 ശതമാനത്തിന് മുകളിലും, ആർട്സ് വിഷയങ്ങൾക്ക് 60 ശതമാനത്തിന് മുകളിലും മാർക്ക് കരസ്ഥമാക്കിയവർക്കായിരിക്കും സ്കോളർഷിപ്പിന് അപേക്ഷിക്കാനുള്ള അർഹത. പ്രഫഷനൽ ബിരുദ കോഴ്സിന് പഠിക്കുന്നവർ പ്ലസ് ടുവിന് 75 ശതമാനം മാർക്കിന് മുകളിൽ നേടിയിരിക്കണം. റെഗുലർ കോഴ്സുകൾക്ക് പഠിക്കുന്നവർക്ക് മാത്രമേ സ്കോളർഷിപ്പിന് അർഹതയുള്ളൂ.
കേരളത്തിലെ സർവകലാശാലകൾ അംഗീകരിച്ച കോഴ്സുകൾക്കും അംഗീകൃത വിദ്യാഭ്യാസ സ്ഥാപനങ്ങളിൽ പഠിക്കുന്നവർക്കുമാണ് സ്കോളർഷിപ്പിന് അർഹത. അപേക്ഷ േഫാറം നോർക്ക റൂട്ട്സിെൻറ വെബ്സൈറ്റായ www.norkaroots.org ൽ ലഭിക്കും. അപേക്ഷ ബന്ധപ്പെട്ട രേഖകൾ സഹിതം ചീഫ് എക്സിക്യൂട്ടിവ് ഓഫിസർ, നോർക്ക റൂട്ട്സ്, മൂന്നാം നില, നോർക്ക സെൻറർ, തൈക്കാട്ട്, തിരുവനന്തപുരം 695014 വിലാസത്തിൽ 2021 മാർച്ച് ആറിനകം ലഭിക്കണം. വിശദവിവരങ്ങൾ നോർക്ക റൂട്ട്സ് ടോൾ ഫ്രീ നമ്പറായ 18004253939 (ഇന്ത്യയിൽ നിന്നും) 00918802012345 (വിദേശത്തു നിന്നും മിസ്ഡ്കാൾ സേവനം) ലഭിക്കും.
പ്രവാസികൾക്കായി നിരവധി പദ്ധതികളാണ് നോർക്കക്ക് കീഴിൽ നടത്തുന്നത്. നോർക്ക നേരിട്ട് പ്രവാസികൾക്കായി നടത്തുന്ന പദ്ധതിയാണ് എൻ.ഡി.പി.ആർ.ഇ.എം എന്ന ചുരുക്കപ്പേരിൽ അറിയപ്പെടുന്ന നോര്ക്ക ഡിപ്പാര്ട്മെൻറ് പ്രോജക്ട് ഫോര് റിട്ടേണ് എമിഗ്രൻറ്സ്. 20 ലക്ഷം രൂപവരെ മൂലധന ചെലവ് പ്രതീക്ഷിക്കുന്ന സ്വയം തൊഴില് സംരംഭങ്ങള്ക്ക് 15 ശതമാനം മൂലധന സബ്സിഡി അഥവാ പരമാവധി മൂന്നു ലക്ഷം രൂപ വരെയാണ് പദ്ധതി വഴി നൽകുക.
നോർക്കയുടെ വിവിധ പദ്ധതികൾ സംബന്ധിച്ച വിവരങ്ങൾ ലഭിക്കുന്ന നോർക്കയുടെ ഫോൺ നമ്പറുകൾ: 0471 2770534, 2770551, 2770511. ഇ-മെയിൽ: ndprem.norka@kerala.gov.in, nbfc@norkaroots.net
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല