1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee August 2, 2021

സ്വന്തം ലേഖകൻ: ചെറുകിട-ഇടത്തരം സ്​ഥാപനങ്ങൾക്ക്​ വിദേശികളെ റിക്രൂട്ട്​ ചെയ്യുന്നതിനും, നിലവിലുള്ളവ പുതുക്കുന്നതിനുമുള്ള ലൈസൻസ്​ ഫീസിൽ കുറവ്​ നൽകുന്നതുമായി ബന്ധപ്പെട്ട നിയമത്തിൽ ഒമാൻ തൊഴിൽ മന്ത്രാലയം മാറ്റം വരുത്തി. മുഴുവൻ ​സമയവും തൊഴിലുടമയുടെ മേൽനോട്ടത്തിൽ പ്രവർത്തിക്കുന്ന സ്​ഥാപനമായിരിക്കണമെന്നതാണ്​ പ്രധാന നിബന്ധന.

തൊഴിലുടമക്ക്​ സംരംഭകത്വ കാർഡ്​ ഉണ്ടായിരിക്കുകയും ചെറുകിട-ഇടത്തരം വ്യവസായ വികസന പൊതുഅതോറിറ്റിയിലു​ം സോഷ്യൽ ഇൻഷുറൻസ്​ പൊതുഅതോറിറ്റിയിലും രജിസ്​റ്റർ ചെയ്​തിരിക്കണം. ജോലിയിൽ നിന്ന്​ വിരമിച്ചവർക്ക്​ സംരംഭകത്വ കാർഡ്​ മാത്രം മതി.

ഇവർ സോഷ്യൽ ഇൻഷുറൻസ്​ പൊതുഅതോറിറ്റിയിൽ രജിസ്​റ്റർ ചെയ്​തിരിക്കണമെന്നില്ല. ഒരു സ്​ഥാപനത്തിന്​ മാത്രമാണ് ആനുകൂല്യം ലഭിക്കുക. ആറു മുതൽ പത്തു​ വരെ ജീവനക്കാരുള്ള സ്​ഥാപനമാണെങ്കിൽ അതിൽ ഒരു സ്വദേശി ജീവനക്കാരനെങ്കിലും ഉണ്ടായിരിക്കണം. നേരത്തേയുള്ള നിയമപ്രകാരം വിരമിച്ചവരുടെ ഉടമസ്​ഥതയിലുള്ള സ്​ഥാപനങ്ങൾക്ക്​ ആനുകൂല്യം ലഭിച്ചിരുന്നില്ല. ഇതോടൊപ്പം തൊഴിലുടമകൾക്ക്​ പ്രായപരിധിയും നിശ്ചയിച്ചിരുന്നു.

നിബന്ധനകൾ പാലിക്കുന്ന എസ്​.എം.ഇകൾക്ക്​ പുതിയ റിക്രൂട്ട്​മെന്‍റ്​​ ലൈസൻസിനും നിലവിലുള്ളവ പുതുക്കുന്നതിനും 301 റിയാലാണ്​ ഫീസ്​ നൽകേണ്ടത്​. ഒന്ന്​ മുതൽ മൂന്ന്​ വരെ വീട്ടുജോലിക്കാരെയോ സ്​കിൽഡ്​ ജീവനക്കാരെയോ റിക്രൂട്ട്​ ചെയ്യാൻ 141 റിയാൽ വീതവും നാലും അതിന്​ മുകളിലുള്ളവരെ റിക്രൂട്ട്​ ചെയ്യാൻ 241 റിയാൽ വീതവും നൽകണം. ജീവനക്കാരുടെ വിവരങ്ങളിൽ മാറ്റം വരുത്താനും തൊഴിലുടമയെ മാറ്റാനും അഞ്ച്​ റിയാലും ഫീസ്​ നൽകണം.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.