സ്വന്തം ലേഖകൻ: കൂടുതല്‍ മേഖലയില്‍ സ്വദേശിവത്കരണം ശക്തമാക്കാന്‍ ഒരുങ്ങി ഒമാന്‍. ആരോഗ്യ മേഖലയില്‍ സ്വദേശിവത്കരണം ശക്തമാക്കുന്നതിന്‍റെ ഭാഗമായി നിരവധി പദ്ധതികള്‍ ആണ് നടപ്പാക്കിയിരിക്കുന്നത്. ഈ വര്‍ഷം ആദ്യം മുതല്‍ കഴിഞ്ഞ മാസം വരെയുള്ള കണക്കുകള്‍ പരിശോധിക്കുകയാണെങ്കില്‍ 117 ഡോക്ടർമാരെ ഉള്‍പ്പെടെ ആയിരത്തിലധികം സ്വദേശികളെയാണ് ആരോഗ്യമേഖലയില്‍ നിയമിച്ചിരിക്കുന്നത്.
133 സ്വദേശികളെയാണ് മെഡിക്കൽ അസിസ്റ്റൻറ് വിഭാഗത്തിലേക്കാണ് നിയമിച്ചിരിക്കുന്നത്. 176 സ്വദേശികളെ ആരോഗ്യ മേഖലയിലെ ഭരണ, സാേങ്കതികവിദ്യ വിഭാഗത്തില്‍ നിയമിച്ചു. സാേങ്കതിക വിദ്യ വിഭാഗത്തില്‍ ആണ് എൻജിനീയറിങ്, കമ്പ്യൂട്ടർ വിഭാഗം വരുന്നത്. ഒമാൻ ഭരണാധികാരി സുൽത്താൻ ഹൈതം ബിൻ ത്വാരീഖിന്‍റെ നിര്‍ദ്ദേശങ്ങള്‍ അനുസരിച്ചാണ് ആരോഗ്യ മേഖലയിലെ പുതിയ നിയമനങ്ങള്‍ നടന്നത്.
ആരോഗ്യ സ്ഥാപനങ്ങളിലെ വിവിധ മേഖലകളിൽ സ്വദേശികളെ നിയമിക്കുന്ന പദ്ധതിയാണ് ഇപ്പോള്‍ പുരോഗമിച്ച് കൊണ്ടിരിക്കുന്നത്. അതിന് ശേഷം മാത്രമേ മറ്റു മേഖലയിലേക്ക് സ്വദേശിവത്കരണ നടപടികള്‍ എത്തുകയുള്ളു. ആരോഗ്യ മന്ത്രാലയത്തിൽ വിദേശികളെ ഒഴിവാക്കി സ്വദേശികൾക്ക് ജോലി നൽകകയാണ് ലക്ഷ്യം വെക്കുന്നത്. തൊഴിൽമന്ത്രാലയവുമായി സഹകരിച്ച് സ്വദേശികള്‍ക്ക് തൊഴില്‍ പരിശീലനം നല്‍ക്കുന്നുണ്ട്.
ആരോഗ്യ മന്ത്രാലയത്തിന്‍റെ വിവിധ മേഖലയില്‍ സ്വദേശിവത്കരണം ഊര്‍ജിതപ്പെടുത്താനാണ് തീരുമാനിച്ചിരിക്കുന്നത്. അതിന് ആവശ്യമായ പദ്ധതികള്‍ നടപ്പിലാക്കുകയാണ് ലക്ഷ്യം. ആരോഗ്യ മന്ത്രാലയത്തിന്‍റെ ചില വിഭാഗങ്ങളില്‍ 100 ശതമാനവും സ്വദേശിവത്കരണം നടത്താന്‍ ആണ് ഒമാന്‍ ലക്ഷ്യം വെച്ചിരിക്കുന്നത്. വര്‍ഷം തോറും നിരവധി സ്വദേശികള്‍ ആണ് വിദശത്ത് നിന്നും പഠനം പൂര്‍ത്തിയാക്കി ഒമാനില്‍ എത്തുന്നത്. ഒമാനിൽ പരിശീലനം നേടിയവരും വിദേശത്തുപോയി പഠിച്ചവരും നിരവധിയാണ്.
ഒമിനലെ ആരോഗ്യമേഖലയില്‍ നടക്കുന്ന ഇപ്പോഴത്തെ സ്വദേശിവത്കരണം മലയാളികൾ അടക്കമുള്ള വിദേശികളെ പ്രതികൂലമായി ബാധിക്കും. നഴ്സിങ് മേഖലയിൽ സ്വദേശിവത്കരണം ശക്തമാക്കിയ സാഹചര്യത്തില്‍ ഒരുപാട് പേര്‍ക്ക് ജോലി നഷ്ടപ്പെട്ടിരുന്നു. നിരവധി വിദേശികളെ പിരിച്ച് വിട്ടാണ് ഒമാന്‍ സ്വദേശികളെ നിയമിച്ചത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല