സ്വന്തം ലേഖകൻ: പുതിയ വീസ യിലുള്ളവർക്ക് ഒമാനിലേക്ക് പ്രവേശനാനുമതി ലഭിക്കില്ലെന്ന് റോയൽ ഒമാൻ പൊലീസ് സ്ഥിരീകരിച്ചു. സാധുവായ റെസിഡൻറ് കാർഡ് ഉള്ള വിദേശികൾക്ക് മാത്രമാണ് ഒമാനിലേക്ക് വരാൻ അനുമതിയുള്ളത്. സുപ്രീം കമ്മിറ്റി നിർദേശപ്രകാരമാണ് വിദേശികളുടെ ഒമാനിലേക്കുള്ള വരവിന് നിയന്ത്രണം ഏർപ്പെടുത്തിയിരിക്കുന്നതെന്ന് മുതിർന്ന ആർ.ഒ.പി ഉദ്യോഗസ്ഥനെ ഉദ്ധരിച്ച് ഒമാൻ ഒബ്സർവർ റിപ്പോർട്ട് ചെയ്തു.
ഇനിയൊരു അറിയിപ്പ് ഉണ്ടാകുന്നത് വരെ പുതിയ വീസ യിലുള്ളവരുടെ പ്രവേശനത്തിന് വിലക്കുണ്ടാകും. ഒമാനിൽ ഏത് തസ്തികകളിൽ ജോലി ചെയ്യുന്ന വിദേശികൾക്കും ഇൗ നിയമം ബാധകമായിരിക്കും. കൊവിഡ് മഹാമാരി മുൻ നിർത്തിയാണ് തീരുമാനം.
പുതിയ വീസ യിലുള്ളവർക്ക് എയർ ഇന്ത്യയും ഇൻഡിഗോയും കഴിഞ്ഞ ദിവസം യാത്രാനുമതി നിഷേധിച്ചതായി റിപ്പോർട്ടുകളുണ്ടായിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല