ഓണ്‍ലൈനില്‍ പോണ്‍വീഡിയോ കാണുന്നവരുടെ എണ്ണം അടുത്ത അഞ്ചു വര്‍ഷത്തിനുള്ളില്‍ വര്‍ദ്ധിക്കുമെന്ന് പഠനം. ഓണ്‍ലൈന്‍ പോണ്‍ വീഡിയോയുടെ വ്യൂവര്‍ഷിപ്പില്‍ 42 ശതമാനത്തിന്റെ വര്‍ദ്ധനവുണ്ടാകുമെന്നാണ് ബ്രിട്ടീഷ് ഡിജിറ്റല്‍ മാര്‍ക്കറ്റിംഗ് കമ്പനിയായ ജൂനിപര്‍ റിസര്‍ച്ച് നടത്തിയ പഠനത്തില്‍ വ്യക്തമാകുന്നത്. സ്മാര്‍ട്ട്‌ഫോണ്‍ വിപണിയുടെ കുതിച്ചുചാട്ടമാണ് ഇതിനു കാരണമെന്നും റിപ്പോര്‍ട്ട് വ്യക്തമാക്കുന്നു.
2020ഓടെ പോണ്‍ വീഡിയോകള്‍ക്കുള്ള ഹിറ്റുകള്‍ പ്രതിവര്‍ം 193 ബില്യണ്‍ ആയി ഉയരും. നിലവില്‍ ഇത് 136 ബില്യണ്‍ ആണ്. 3ജി, 4ജി, വൈഫൈ എന്നിവയുടെ വ്യാപനം വീഡിയോ സര്‍വീസുകളുടെ രൂപം തന്നെ മാറ്റിയിട്ടുണ്ട്. മികച്ച ക്വാളിറ്റിയുള്ള വീഡിയോ സ്ട്രീമിംഗ് ഈ രംഗത്ത് വിപ്ലവമാണ് സൃഷ്ടിച്ചത്.
ഒരു സ്മാര്‍ട്ട് ഫോണ്‍ ഉപയോക്താവ് ഈ വര്‍ഷം ശരശരി 348 പോണ്‍ വീഡിയോകള്‍ കാണുന്നുണ്ടെന്നാണ് കണക്ക്. വീഡിയോ ചാറ്റ് വെബ്ക്യാം മേഖലകളിലെ വളര്‍ച്ച കൂടി പരിഗണിച്ചാല്‍ പോണ്‍ വ്യവസായത്തിന്റെ മൂല്യം 97 ബില്യണ്‍ ഡോളര്‍ കടക്കും.
അമേരിക്കയാലാണ് ഇക്കാര്യത്തില്‍ ഏറ്റവും വര്‍ദ്ധനയുണ്ടായിരിക്കുന്നതെന്നും റിപ്പോര്‍ട്ട് വ്യക്തമാക്കുന്നു. സബ്‌സ്‌ക്രിപ്ഷന്‍ അടിസ്ഥാനമാക്കിയുള്ള പോണ്‍ സൈറ്റുകളുടെ എണ്ണം ഇതോടെ വര്‍ദ്ധിക്കുമെന്നും ജൂനിപര്‍ റിപ്പോര്‍ട്ട് സൂചന നല്‍കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല