സ്വന്തം ലേഖകന്‍: മരക്കുരിശും തോളിലേറ്റി നഗ്‌നയായി ഫോട്ടോ ഷൂട്ട്; വത്തിക്കാനില്‍ പ്ലേബോയ് മോഡല്‍ അറസ്റ്റില്‍. നഗ്‌നയായി ഫോട്ടോയ്ക്ക് പോസ് ചെയ്തതിനെ തുടര്‍ന്ന് ബെല്‍ജിയം പ്ലേബോയ് മോഡല്‍ മരിസ പാപ്പന്‍ വത്തിക്കാനില്‍ അറസ്റ്റില്‍. സെന്റ് പീറ്റേഴ്‌സ് ബെസലിക്കയുടെ പശ്ചാത്തലത്തില്‍ മരക്കുരിശും തോളിലേറ്റി നഗ്‌നയായി നില്‍ക്കുന്ന ചിത്രം ഇവര്‍ ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു.
തുടര്‍ന്ന് ബാക്കി ഫോട്ടോകള്‍ക്കായി ഫോട്ടോഗ്രാഫര്‍ ജെസ്സെവാള്‍ക്കറുമായി സഞ്ചരിക്കുമ്പോഴാണ് അറസ്റ്റ്. ഇരുവരെയും ഇറ്റാലിയന്‍ പോലീസ് ചോദ്യം ചെയ്യുന്നതായാണ് റിപ്പോര്‍ട്ട്. മരിസയുടെ ഫ്‌ളാറ്റില്‍ നിന്നും ഫോട്ടോ ഷൂട്ടിനു വേണ്ടി ഉപയോഗിച്ച മത ചിഹ്നങ്ങള്‍ പോലീസ് കണ്ടെത്തിയിട്ടുണ്ട്. വിവാദമായ ഫോട്ടോ ഷൂട്ടുകളുടെ പേരില്‍ മരിസ നേരത്തേയും അറസ്റ്റിലായിട്ടുണ്ട്.
2017ല്‍ ഈജിപ്തിലെ പുരാതന കൊണാക്ക് ക്ഷേത്രത്തില്‍ നഗ്‌നയായി ഫോട്ടോ ഷൂട്ട് നടത്തിയതിന് ഈജിപ്തിലെ പോലീസ് അറസ്റ്റ് ചെയ്ത് ജയിലിട്ടിരുന്നു. ഇസ്താംബുളിലെ ഹാജിയ സോഫിയയില്‍ വെച്ച് ബുര്‍ഖ ധരിച്ച് നഗ്‌നതാ പ്രദര്‍ശനം നടത്തിയ ചിത്രവും വന്‍ വിവാദമായിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല