സ്വന്തം ലേഖകൻ: ഖത്തറിൻ്റെ ഇഹ്തിറാസ് ആപ്ലിക്കേഷൻ ഇനി ഖത്തറിന് പുറത്തുള്ള സിം ഉപയോഗിച്ചും ആക്ടിവേറ്റ് ചെയ്യാനുള്ള സൗകര്യമൊരുക്കി അധികൃതർ. ഇനി രാജ്യാന്തര സിം കാർഡുകളിലും ഖത്തറിെൻറ കോവിഡ് സ്റ്റാറ്റസ് ആപ്ലിക്കേഷനായ ഇഹ്തിറാൻ പ്രവർത്തിപ്പിക്കാനാവും. പുതിയ യാത്ര നിബന്ധനകൾ പ്രഖ്യാപിച്ചതിെൻറ ഭാഗമായാണ് ഇഹ്തിറാസ് ആപ്ലിക്കേഷനിലും മാറ്റം നടപ്പാക്കുന്നത്.
ഇതുവരെ വിദേശത്തുവെച്ചും ഖത്തര്‍ സിം കാര്‍ഡുപയോഗിച്ച് മാത്രമേ ആപ് ഡൗണ്‍ലോഡ് ചെയ്യാന്‍ പറ്റിയിരുന്നുള്ളൂ. ഐഫോണ്‍, ആന്‍ഡ്രോയിഡ് 6, ഐ.ഒ.എസ് 13.5 വേര്‍ഷന്‍ സ്മാര്‍ട്ട് ഫോണുകളില്‍ ആപ് ലഭ്യമാണ്. ഖത്തറിലേക്ക് യാത്ര ചെയ്യുന്നവര്‍ക്ക് ഇതോടെ അവരവരുടെ നാട്ടിലെ നമ്പര്‍ ഉപയോഗിച്ചുതന്നെ ഫോണുകളില്‍ ഇഹ്തിറാസ് ആപ് പ്രവര്‍ത്തനക്ഷമമാക്കി വിവരങ്ങള്‍ സമര്‍പ്പിക്കാം.
ഇന്ത്യയില്‍നിന്നും സന്ദര്‍ശക വിസയില്‍ വരുന്നവര്‍ക്ക് നേരത്തേയുള്ള ഇഹ്തിറാസ് പ്രീ രജിസ്ട്രേഷനൊപ്പം പുതിയ അക്നോളജ്മെൻറ് ഫോറം രജിസ്ട്രേഷനും നിർബന്ധമാവും. യാത്രാനയം പ്രാബല്യത്തിൽ വരുന്ന ബുധനാഴ്ച മുതൽ ഇതു നടപ്പാവും. വിസയുള്ളവര്‍ക്ക് ഇഹ്തിറാസ് പ്രീ രജിസ്ട്രേഷന്‍ നിര്‍ബന്ധമല്ലെങ്കിലും ഖത്തറിലിറങ്ങിയതിനു ശേഷമുള്ള നടപടി ക്രമങ്ങള്‍ എളുപ്പമാക്കാൻ രജിസ്ട്രേഷന്‍ പൂര്‍ത്തീകരിക്കുന്നത് നല്ലതാണെന്നും മന്ത്രാലയം വ്യക്തമാക്കി.
ആരോഗ്യ മന്ത്രാലയം വെബ്സൈറ്റ്, ഇഹ്തിറാസ് ആപ് വെബ്സൈറ്റ്, എയര്‍ലൈന്‍ ഓണ്‍ലൈന്‍ ബുക്കിങ് സൈറ്റുകൾ എന്നിവിടങ്ങളിൽ ലഭ്യമാവുന്ന അണ്ടര്‍ടേക്കിങ് അക്നോളജ്മെൻറ് ഫോം പൂരിപ്പിച്ച് ഒപ്പിട്ട് പകര്‍പ്പ് ൈകയില്‍ കരുതണമെന്നാണ് യാത്രക്കാർക്കുള്ള നിര്‍ദേശം. ഖത്തര്‍ ഐഡി, പാസ്പോര്‍ട്ട് വിവരങ്ങള്‍, നാട്ടിലെയും ഖത്തറിലെയും താമസ വിവരങ്ങള്‍ തുടങ്ങി വിവരങ്ങളാണ് ഫോമില്‍ നല്‍കേണ്ടത്. ഗ്രീന്‍ ലിസ്റ്റ് രാജ്യങ്ങളില്‍നിന്നുവരുന്ന രണ്ട് ഡോസ് കോവിഡ് വാക്‌സിന്‍ എടുത്തിട്ടുള്ള യാത്രക്കാര്‍ക്ക് ഇതു ബാധകമല്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല