സ്വന്തം ലേഖകൻ: കോവിഡ്19 ക്വാറൻ്റീൻ നിർബന്ധമല്ലാത്ത രാജ്യങ്ങളുടെ പട്ടിക അബുദാബി സാംസ്കാരിക–വിനോദ സഞ്ചാര വിഭാഗം (ഡിസിടി അബുദാബി) പ്രഖ്യാപിച്ചു. ഇന്ത്യ പക്ഷേ, ‘ഗ്രീൻ ലിസ്റ്റി’ല്‍ ഇടം പിടിച്ചിട്ടില്ല.
ഒാസ്ട്രേലിയ, ഭൂട്ടാൻ, ബ്രൂണെ, ചൈന, ഗ്രീൻലാൻഡ്, ഹോങ്കോങ്, ഐസ് ലാൻഡ്, ഇസ്രായേൽ, മൗറീഷ്യസ്, ന്യൂസിലാൻഡ്, സൗദി അറേബ്യ, സിംഗപ്പൂർ, ദക്ഷിണകൊറിയ എന്നീ രാജ്യങ്ങളാണു പട്ടികയിൽ ഇടം കണ്ടത്. ഇൗ രാജ്യങ്ങളിൽ നിന്നു വരുന്ന യാത്രക്കാർ അബുദാബിയിൽ ക്വാറൻ്റീനിൽ കഴിയേണ്ടതില്ലെന്ന് അധികൃതർ അറിയിച്ചു.
എന്നാൽ, അബുദാബി രാജ്യാന്തര വിമാനത്താവളത്തിൽ പിസിആർ പരിശോധനയ്ക്കു വിധേയരായി ഫലം നെഗറ്റീവാകണം. രാജ്യം, മേഖല തുടങ്ങിയവയുടെ വിവരങ്ങൾ അടിസ്ഥാനമാക്കിയാണു പതിവായി ഗ്രീൻലിസ്റ്റ് പട്ടിക തയാറാക്കുന്നത്. യുഎഇ സമൂഹത്തിന്റെ ആരോഗ്യ സുരക്ഷ കർശനമായും പരിഗണിച്ചാണിത്. കൂടുതൽ വിവരങ്ങൾ https://visitabudhabi.ae/en എന്ന വെബ്സൈറ്റിൽ ലഭ്യമാണ്.
അതിനിടെ ഐ.സി.എയുടെ അനുമതിയിൽ ഗ്രീൻ സിഗ്നൽ ലഭിച്ചിട്ടും ഇന്ത്യയിൽനിന്ന് അബൂദബിയിലേക്കുള്ള യാത്രക്കാരുടെ വിമാനയാത്ര മുടങ്ങുന്നതായി പരാതി. നാലു ദിവസത്തിനിടെ നൂറോളം പേരെയാണ് കേരളത്തിലെ വിവിധ വിമാനത്താവളങ്ങളിൽനിന്ന് മടക്കി അയച്ചത്. നേരേത്ത ഗ്രീൻ സിഗ്നൽ ലഭിച്ച പലരും വിമാനത്താവളത്തിലെത്തി പരിശോധിക്കുേമ്പാൾ റെഡ് സിഗ്നലാണ് കാണിക്കുന്നത്. എന്താണ് കാരണമെന്ന് വ്യക്തമല്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല