1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee April 19, 2021

സ്വന്തം ലേഖകൻ: സൗദിയിൽ കോവിഡ് ​ബാധ ഇപ്പോഴും ഉയർന്ന തോതിലാണെന്നും ​കോവിഡ്​ ബാധിച്ചവരിൽ 55 ശതമാനം സ്​ത്രീകളാണെന്നും ആരോഗ്യ മ​ന്ത്രാലയ വക്താവ്​ ഡോ. മുഹമ്മദ്​ അബ്​ദു അലി പറഞ്ഞു. കോവിഡ്​ സംബന്ധിച്ച പുതിയ സംഭവ വികാസങ്ങൾ പത്രസമ്മേളനത്തിൽ വിശദീകരിക്കവെയാണ്​​ ആരോഗ്യ വക്താവ്​ ഇക്കാര്യംപറഞ്ഞത്​.

കുത്തിവെപ്പെടുത്ത സ്​ത്രീകളുടെ എണ്ണം പ്രതീക്ഷിച്ചതിലും കുറവാണ്​. റമദാനിൽ റസ്റ്റോറൻറുകളിൽ കോവിഡ്​ മുൻകരുതൽ ലംഘിച്ചുള്ള പെരുമാറ്റങ്ങൾ ശ്രദ്ധയിൽപെട്ടിട്ടുണ്ട്​. മുൻകരുതൽ നടപടികൾ ഏറ്റവും ഉയർന്നരീതിയിൽ പാലിക്കണമെന്ന്​ വക്താവ്​ ഊന്നിപ്പറഞ്ഞു. വീടുകളിലും വിശ്രമകേന്ദ്രങ്ങളിലും മുൻകരുതൽ നടപടികൾ പാലിക്കു​ന്നതിലെ അലംഭാവം​​ കോവിഡ്​ ബാധ കൂടാൻ കാരണമായിട്ടുണ്ട്​. 2021 തുടക്കത്തിലേതിനേക്കാൾ കോവിഡ്​ ബാധിതരുടെ എണ്ണം കൂടിയിട്ടുണ്ട്​. കോവിഡ്​ വാക്​സിനുകളുടെ ഫലപ്രാപ്​തിയും സുരക്ഷയും വളരെ ഉയർന്നതാണ്​.

ഇതുവരെ അപ്രതീക്ഷിതമായ ലക്ഷണങ്ങളൊന്നും കണ്ടെത്തിയിട്ടില്ല. നോമ്പ്​ സമയത്ത്​ കോവിഡ്​ കുത്തിവെപ്പെടുക്കുന്നതിലൂടെ നോമ്പ്​ മുറിയില്ലെന്ന്​ ഗ്രാൻറ്​ മുഫ്​തി പറഞ്ഞ കാര്യവും ആരോഗ്യ വക്താവ്​ സൂചിപ്പിച്ചു. രാജ്യത്തെ കോവിഡ്​ ലാബോറട്ടറി​ പരിശോധനകളുടെ എണ്ണം 16 ദശലക്ഷം കവിഞ്ഞിട്ടുണ്ട്​. കോവിഡ്​ വാക്സിൻ രണ്ടാം ഡോസി​ന്‍റെ തീയതി സംബന്ധിച്ച സന്ദേശം ആളുകളിലേക്ക്​ എത്തും. ഇതിനായി നടപടികൾ പൂർത്തിയാക്കേണ്ടതില്ല.

കുത്തിവെപ്പിന്​ ബുക്ക്​ ചെയ്​തവർ സേവനം നഷ്​ടപ്പെടാതിരിക്കാൻ നിശ്ചിത സമയത്ത് അതിനായുള്ള​ കേന്ദ്രങ്ങളിലെത്തണം. ഇല്ലെങ്കിൽ വീണ്ടും ബുക്ക്​ ചെയ്യേണ്ടിവരും. ഗുരുതര കോവിഡ്​ കേസുകളിൽ പകുതിയും പ്രായമുള്ളവരാണ്​. ​കുത്തിവെപ്പെടുക്കാൻ പ്രായം കൂടിയവർ മുന്നോട്ടുവരണം. വാണിജ്യ സ്ഥാപന ഉടമകൾ ആരോഗ്യ മുൻകരുതൽ നടപടികൾ പാലിക്കണമെന്നും വക്താവ്​ ആവശ്യപ്പെട്ടു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.