ലോകത്തെ ഏ​റ്റവും മനോഹര ദ്വീപാകാൻ കോറൽ ബ്ലും; രൂപരേഖ പുറത്തുവിട്ട് സൗദി കിരീടാവകാശി

സ്വന്തം ലേഖകൻ: റെഡ്​സീ പദ്ധതിയിൻ കീഴിൽ ചെങ്കടലിൽ ഒരുങ്ങുന്ന ലോകത്തിലെ ഏറ്റവും മനോഹര ദ്വീപി​െൻറ ഡിസൈൻ പുറത്തുവിട്ടു. ‘കോറൽ ബ്ലും’ (Corel Bloom) എന്ന പേരുള്ള ദ്വീപി​െൻറ നിർമാണത്തിനായുള്ള രൂപരേഖ സൗദി കിരീടാവകാശിയും റെഡ്​സീ വികസന കമ്പനി ഡയറക്​ടർ ബോർഡ്​ ചെയർമാനുമായ അമീർ മുഹമ്മദ്​ ബിൻ സൽമാനാണ്​ പുറത്തിറക്കിയത്​. പ്രധാന ദ്വീപി​െൻറ പ്രകൃതിദത്ത പരിസ്ഥിതിക്ക്​ അനുയോജ്യമായ ഡിസൈൻ രൂപകൽപന ചെയ്​തിരിക്കുന്നത്​ ബ്രിട്ടീഷ്​ കമ്പനിയായ ‘ഫോസ്​റ്റർ’ ആണ്​​.

റെഡ്​ പദ്ധതി പൂർത്തിയാകു​േമ്പാൾ ലോകം അത്ഭുതപ്പെടുമെന്ന്​ റെഡ്​സീ കമ്പനി സി.ഇ.ഒ ജോൺ പാഗാനോ പറഞ്ഞു. വിസ്​മയകരമായ ആഡംബര അനുഭവമാണ്​ സന്ദർശകരെ ഇൗ ദ്വീപുകളിൽ കാത്തിരിക്കുക​. ദ്വീപുകളുടെ ഒരു സമുച്ചയം തന്നെയാണ്​ നിർമിക്കപ്പെടുക. അതിൽ പ്രധാന ദ്വീപാണ്​ കോറൽ ബ്ലും. രാജ്യത്തെ പ്രകൃതിയിൽ നിന്ന്​ പ്രചോദനം ഉൾക്കൊണ്ട്​ തയ്യാറാക്കിയ കോറൽ ബ്ലും ഡിസൈനുകൾ ലോകത്തെ അമ്പരിപ്പിക്കുമെന്ന കാഴ്​ചപ്പാട്​ യാഥാർഥ്യമാക്കുന്നതാണ്​. ശുറൈറ ദീപ്​ റെഡ്​സീ പദ്ധതിയുടെ പ്രധാന കവാടമാണ്​. അതി​െൻറ എൻജിനീയറിങ്ങും രൂപകൽപനയും നൂതനവും സുസ്ഥിരവുമായ മാനദണ്ഡങ്ങളോട്​ കൂടിയാകേണ്ടത്​ വളരെ പ്രധാനമാണ്​.

പരിസ്ഥിതിയെ സംരക്ഷിക്കുന്നതിൽ മാത്രമൊരുങ്ങുന്നതല്ല റെഡ്​സീ പദ്ധതി. വികസന പ്രക്രിയകളിലേക്കുള്ള പുതിയൊരു സമീപനം കൂടിയാണ്​. ശുറൈറ ദീപി​ െൻറ ജൈവവൈവിധ്യങ്ങൾ പരിഗണിച്ചാണ്​ പ്ലാൻ രൂപകൽപന ചെയ്​തിരിക്കുന്നത്​. കണ്ടൽകാടുകളും ആവാസ വ്യവസ്ഥകളും മണ്ണൊലിപ്പിനുള്ള പ്രതിരോധ മാർഗങ്ങളായി സംരക്ഷിക്കപ്പെടും. പ്രകൃതിദത്ത തോട്ടങ്ങളുണ്ടാക്കി പുതിയ ആവാസ വ്യവസ്ഥകൾ വികസിപ്പിക്കുമെന്ന്​ സി.ഇ.ഒ പറഞ്ഞു.

കിരീടാവകാശി പുറത്തിറക്കിയ ഡിസൈനിൽ ദ്വീപിൽ നിർമിക്കാൻ പോകുന്ന 11​ റിസോർട്ടുകളും ഹോട്ടലുകളും ഉൾക്കൊള്ളുന്നുണ്ട്​. കോവിഡിന്​ ശേഷമുണ്ടാകുമെന്ന്​ പ്രതീക്ഷിക്കപ്പെടുന്ന വിനോദ സഞ്ചാരികളുടെ താൽപര്യങ്ങൾ രൂപകൽപനയിൽ പരിഗണിച്ചിട്ടുണ്ട്​. വിശാലമായ ഇടങ്ങൾ നൽകുന്നതുൾപ്പെ​ടെ ദ്വീപിെൻറ പ്രകൃതി സൗന്ദര്യം ഉൗട്ടി ഉറപ്പിക്കുന്ന രീതിയിലാണ്​ ഹോട്ടലുകൾ നിർമിക്കുക.

പുതിയ ബീച്ചുകളും തടാകങ്ങളും ഉണ്ടാക്കുന്നതും സിസൈനിൽ ഉൾപ്പെടുന്നുണ്ട്​. മാറ്റങ്ങളെല്ലാം ആവാസ വ്യവസ്ഥകൾക്കും പ്രകൃതിദത്ത ബീച്ചുകൾക്കും ദോഷം വരുത്താതെയായിരിക്കും നടപ്പാക്കുക. റിസോർട്ടകളും ഹോട്ടലുകളും ആഗോളപ്രശസ്​ത കമ്പനികളാവും നടത്തുക. ഹോട്ടലുകളും വില്ലകളും ഒറ്റനില കെട്ടിടങ്ങളായിരിക്കും.

ചുറ്റുമുള്ള കാഴ്​ചയെ മറക്കുന്ന തടസ്സങ്ങളൊന്നുമല്ലാതെ സംരക്ഷിക്കുന്നതിനാണിത്​. കോവിഡിനു ശേഷം വിശാലവും ആളൊഴിഞ്ഞതുമായ ഇടങ്ങൾക്കുള്ള ആവശ്യം വർധിച്ച സാഹചര്യത്തിൽ ഇൻറിരീയർ ഡിസൈനിൽ ഇടനാഴികൾ ഉൾപ്പെടുന്നില്ലെന്നും റെഡ്​സീ കമ്പനി സി.ഇ.ഒ ജോൺ പാഗാനോ പറഞ്ഞു.