സ്വന്തം ലേഖകൻ: ഇഅ്തർമനാ, തവക്കൽനാ ആപ്പുകളുടെ പരിഷ്കരിച്ച പതിപ്പുകൾ പുറത്തിറക്കിയതായി ഹജ്ജ്, ഉംറ മന്ത്രാലയം വ്യക്തമാക്കി. സൗദി അതോറിറ്റി ഫോർ ഡേറ്റ ആൻഡ് ആർട്ടിഫിഷ്യൽ ഇൻറലിജൻസുമായി സഹകരിച്ചാണ് ആപ്പുകൾ പരിഷ്കരിച്ചിരിക്കുന്നത്.
രണ്ട് ആപ്പുകളിലൂടെയും പൗരന്മാർക്കും താമസക്കാർക്കും ഉംറക്കും മസ്ജിദുന്നബവി സന്ദർശനത്തിനുമുള്ള അനുമതിപത്രങ്ങൾക്ക് അപേക്ഷിക്കാനും നേടാനും സാധിക്കും. അനുമതിപത്രം കാണൽ തവക്കൽനാ ആപ്പിലൂടെയാക്കിയിട്ടുണ്ട്. മുൻകരുതൽ നടപടികൾ പാലിച്ചും കുത്തിവെപ്പ് ഉറപ്പുവരുത്തിയും ഗുണഭോക്താവിെൻറ ആരോഗ്യ സുരക്ഷ സംബന്ധിച്ച കാര്യങ്ങൾ ഏകോപിപ്പിക്കാനാണ് പുതിയ നീക്കം.
ഇങ്ങനെ ലഭിക്കുന്ന വിവരങ്ങൾ പരിശോധിച്ച് കൂടുതൽ പേർക്ക് ഹറമിലേക്ക് പ്രവേശനം നൽകുന്നതിനാണ് രണ്ട് ആപ്പുകൾ സംയോജിപ്പിച്ചിരിക്കുന്നത്. എല്ലാവരും മുൻകരുതൽ പ്രതിരോധ നടപടികൾ പാലിക്കണമെന്നും അംഗീകൃത പ്ലാറ്റ്ഫോമുകളിലൂടെ മാത്രമേ അനുമതി പത്രങ്ങൾക്ക് അപേക്ഷിക്കാവൂയെന്നും ഹജ്ജ്, ഉംറ മന്ത്രാലയം പ്രസ്താവനയിൽ വ്യക്തമാക്കി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല