1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee February 15, 2021

സ്വന്തം ലേഖകൻ: ട്രംപിനെ രണ്ടാം ഇംപീച്ച്‌മെന്റ് വിചാരണയില്‍ ശനിയാഴ്ച കുറ്റവിമുക്തനാക്കിയതോടെ വീണ്ടും മത്സരിക്കാൻ സാധ്യത തെളിയുന്നു. ‘കലാപത്തിന് പ്രേരിപ്പിക്കുക’ എന്ന സഭയുടെ ഒരൊറ്റ ആരോപണത്തില്‍ ട്രംപ് ഏകപക്ഷീയമായ കുറ്റക്കാരനല്ലെന്ന് സെനറ്റ് കണ്ടെത്തി. ഇംപീച്ച്‌മെന്റ് വിചാരണയില്‍ ട്രംപിനെതിരേ നിന്ന ഏഴ് റിപ്പബ്ലിക്കന്‍മാര്‍, പ്രസിഡന്റ് ജോ ബൈഡന്റെ പാര്‍ട്ടിയിലെ കൂടുതല്‍ അംഗങ്ങളും വോട്ടെടുപ്പില്‍ പങ്കെടുത്തെങ്കിലും കുറ്റക്കാരനായി കണക്കാക്കാന്‍ അതു മതിയായിരുന്നില്ല.

ട്രംപിന്റെ ഭൂരിഭാഗം പാര്‍ട്ടികളും അദ്ദേഹത്തെ ചുറ്റിപ്പറ്റിയായതിനാല്‍, മൂന്നില്‍ രണ്ട് ഭൂരിപക്ഷത്തില്‍ നിന്ന് 10 വോട്ടുകള്‍ കുറഞ്ഞു. ഭാവിയില്‍ അധികാരമേല്‍ക്കുന്നതില്‍ നിന്ന് അദ്ദേഹത്തെ അയോഗ്യനാക്കാനും ഇതോടെ സെനറ്റിനു കഴിയാതെ വന്നു.

കുറ്റക്കാരനെന്നു സെനറ്റ് വിധിച്ചിരുന്നെങ്കിൽ, അതിനൊപ്പം പ്രസിഡന്റ് തിരഞ്ഞെടുപ്പിൽ മത്സരിക്കുന്നതിനുള്ള വിലക്കു കൂടി പിന്നാലെ നേരിടുമായിരുന്ന ട്രംപിനെ സ്വന്തം റിപ്പബ്ലിക്കൻ പാർട്ടി തന്നെ കാത്തു. മുൻ പ്രസിഡന്റ് കുറ്റക്കാരനെന്നു വോട്ടു ചെയ്ത 50 ഡമോക്രാറ്റ് സെനറ്റർമാർക്കൊപ്പം അണിനിരന്നത‌് 50 റിപ്പബ്ലിക്കൻ അംഗങ്ങളിലെ 7 പേർ മാത്രം.

ബാക്കി 43 റിപ്പബ്ലിക്കൻ സെനറ്റർമാരും ട്രംപ് കുറ്റക്കാരനല്ലെന്നു വോട്ടു ചെയ്തു. കുറ്റം ചുമത്തി ശിക്ഷ വിധിക്കാൻ നൂറംഗ സെനറ്റിൽ വേണ്ട മൂന്നിൽ രണ്ടു ഭൂരിപക്ഷം (67) ലഭിക്കാതെ 57–43 എന്ന വോട്ടിനാണു ‍ഡമോക്രാറ്റ് ശ്രമം പരാജയപ്പെട്ടത്. അധികാര ദുർവിനിയോഗത്തിന്റെ പേരിൽ കഴിഞ്ഞ വർഷം ഇംപീച്ച് ചെയ്യപ്പെട്ടപ്പോഴും ട്രംപ് കുറ്റവിമുക്തനാക്കപ്പെട്ടിരുന്നു.

ട്രംപിന് ഇപ്പോഴും സ്വന്തം പാർട്ടിയുടെ പിൻബലമുണ്ടെന്നാണ് ഈ കുറ്റവിചാരണയിലും വ്യക്തമായത്. ബിൽ കാസിഡി, മിററ് റോംനി, സൂസൻ കോളിൻസ് തുടങ്ങിയ 7 റിപ്പബ്ലിക്കൻ സെനറ്റർമാരൊഴികെ ബാക്കിയെല്ലാവരും ട്രംപിനൊപ്പം നിന്നു. കലാപത്തിന്റെ ധാർമിക ഉത്തരവാദിത്തം ട്രംപിനാണെന്നു സമ്മതിച്ചെങ്കിലും മുതിർന്ന റിപ്പബ്ലിക്കൻ നേതാവ് മിച് മകനൽ പക്ഷേ വോട്ടു ചെയ്തത് മുൻ പ്രസിഡന്റ് കുറ്റക്കാരനല്ലെന്നായിരുന്നു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല