സ്വന്തം ലേഖകൻ: യുഎസിൽ വിദ്യാര്‍ഥിനി സഹപഠികള്‍ക്കും സ്‌കൂള്‍ ജീവനക്കാര്‍ക്കും നേരെ വെടിയുതിര്‍ത്തു. വടക്കുപടിഞ്ഞാറന്‍ യുഎസ് സംസ്ഥാനമായ ഐഡഹോയിലെ സ്‌കൂളിലാണ് സംഭവം. സംഭവത്തിൽ മൂന്ന് പേര്‍ക്ക് പരിക്കേറ്റു. രണ്ട് വിദ്യാര്‍ഥികള്‍ക്കും ഒരു സ്‌കൂള്‍ ജീവനക്കാരനുമാണ് പരിക്കേറ്റത്. എന്നാല്‍ ഇവരുടെ നില ഗുരുതരമല്ല.
അധ്യാപകനാണ് പെണ്‍കുട്ടിയില്‍ നിന്നും തോക്ക് പിടിച്ചുവാങ്ങിയത്. റിഗ്ബി മിഡില്‍ സ്‌കൂളിലാണ് സംഭവം. സ്‌കൂളിലെ ആറാം ക്ലാസ് വിദ്യാര്‍ഥിനിയാണ് വെടിയുതിര്‍ത്തത്. പെണ്‍കുട്ടിയുടെ പേരും മറ്റ് വിവരങ്ങളും പുറത്തുവിട്ടിട്ടില്ല. കു‌ട്ടിക്ക് 11 അല്ലെങ്കിൽ 12 വയസുണ്ടെന്ന് കരുതുന്നു. ബാഗിനുള്ളിൽ സൂക്ഷിച്ചാണ് പെൺകുട്ടി തോക്ക് കൊണ്ടുവന്നത്.
പോലീസ് എത്തി വിദ്യാര്‍ഥിനിയെ കസ്റ്റഡില്‍ എടുത്തു. സംഭവത്തില്‍ എഫ്ബിഐയും പ്രദേശിക പോലീസും അന്വേഷണം നടത്തുമെന്ന് അധികൃതർ അറിയിച്ചു. അടുത്തകാലത്ത് അമേരിക്കയില്‍ പലയിടത്തും വെടിവയ്പ് നടന്നിരുന്നു. ഇന്ത്യാനാപൊലിസ്, കാലിഫോര്‍ണിയ, കൊളറാഡോ, അറ്റ്ലാന്റ എന്നിവിടങ്ങളില്‍ നടന്ന വെടിവയ്പില്‍ നിരവധി പേരാണ് കൊല്ലപ്പെട്ടത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല