സ്വന്തം ലേഖകന്‍: ബെര്‍ലിന്‍ ചലച്ചിത്രമേളയില്‍ ജയരാജിന്റെ ഒറ്റാലിന് പുരസ്‌കാരം, മലയാള സിനിമക്ക് അഭിമാന നിമിഷം. ജനറേഷന്‍ കെ പ്ലസ് എന്ന വിഭാഗത്തിലെ മികച്ച ചിത്രത്തിനുള്ള ക്രിസ്റ്റല്‍ ബിയര്‍ പുരസ്‌കാരമാണ് ഒറ്റാലിന് ലഭിച്ചത്.
നേരത്തെ മികച്ച ചിത്രത്തിനുള്ള സംസ്ഥാന ചലച്ചിത്ര പുരസ്‌കാരവും മികച്ച തിരക്കഥ,? പരിസ്ഥിതി ചിത്രത്തിനുള്ള ദേശീയ ചലച്ചിത്ര പുരസ്‌കാരങ്ങളും ഒറ്റാല്‍ നേടിയിരുന്നു. കൂടാതെ കേരള രാജ്യാന്തര ചലച്ചിത്ര മേളയില്‍ മികച്ച ചിത്രത്തിനുള്ള സുവര്‍ണ ചകോരവും പ്രേക്ഷക പുരസ്‌കാരവും നേടിയ ചിത്രം ആന്റണ്‍ ചെക്കോവിന്റെ ‘വാങ്കാ’ എന്ന ചെറുകഥയുടെ ചലച്ചിത്രാവിഷ്‌കാരമാണ്.
ഗോവയിലെ ദേശീയ രാജ്യാന്തര ചലച്ചിത്രമേളയില്‍ ഇന്ത്യന്‍ പനോരമ വിഭാഗത്തിലും ചിത്രം പ്രദര്‍ശിപ്പിച്ചിരുന്നു. മുംബൈ ചലച്ചിത്രമേളയിലും പുരസ്‌കാരങ്ങള്‍ നേടി. പ്രകൃതിയുടെയും സംഗീതത്തിന്റെയും പ്രഗത്ഭരായ അഭിനേതാക്കളുടെയും അപ്രതിരോദ്ധ്യ ബിംബങ്ങള്‍ തീര്‍ത്ത ചിത്രമെന്ന് ഒറ്റാലിനെ ജൂറി വിലയിരുത്തി.
കഴിഞ്ഞ വര്‍ഷം മറാത്തി ചിത്രമായ കില്ലയും മേളയില്‍ ഇതേ പുരസ്‌കാരം നേടിയിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല