സ്റ്റൈല്‍ മന്നന്‍ രജനീകാന്തിന്റെ നായികയാവാനുള്ള ത്രിഷയുടെ മോഹം സഫലമാവുന്നു. യന്തിരന് ശേഷം തിയറ്ററുകളിലെത്തുന്ന രജനിയുടെ ആനിമേഷന്‍ ചിത്രമായ റാണയിലാണ് ത്രിഷ രജനിയ്‌ക്കൊപ്പമെത്തുന്നത്.
രജനിയുടെ മകള്‍ സൗന്ദര്യ രജനീകാന്ത് നിര്‍മിയ്ക്കുന്ന 3ഡി ആനിമേഷന്‍ സിനിമയില്‍ ചില രംഗങ്ങള്‍ യഥാര്‍ഥമായി ചിത്രീകരിച്ചവയാണ്. ഈ രംഗങ്ങളിലാണ് രജനിയ്‌ക്കൊപ്പം ത്രിഷ പ്രത്യക്ഷപ്പെടുന്നത്.
സുല്‍ത്താന്‍ ദ വാരിയര്‍ എന്ന ചിത്രത്തിന്റെ പേര് ആദ്യം ഹാര എന്നും പിന്നീട് റാണ എന്നും മാറ്റുകയായിരുന്നു. അനിമേഷന്‍ സിനിമയിലെ യഥാര്‍ഥദൃശ്യങ്ങള്‍ സംവിധാനം ചെയ്യുന്നത് കെ എസ് രവികുമാറാണ്.
പ്രകാശ്രാജ്, വിജയലക്ഷ്മി, രാഹുല്‍ദേവ് എന്നിവരും റാണയിലുണ്ട്. യന്തിരന് ശേഷം എആര്‍ റഹ്മാന്‍ വീണ്ടുമൊരു രജനി ചിത്രത്തിന് സംഗീതമൊരുക്കുന്ന പ്രത്യേകതയും റാണയ്ക്ക് സ്വന്തം. ഇംഗ്ലീഷിന് പുറമെ വിവിധ ഇന്ത്യന്‍ ഭാഷകളിലും നിര്‍മിയ്ക്കുന്ന റാണയുടെ ഗ്ലോബല്‍ റിലീസ് അടുത്തു തന്നെ ഉണ്ടാവും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല