അലക്‌സ് വര്‍ഗീസ് (ബോള്‍ട്ടണ്‍): ബോള്‍ട്ടണ്‍ മലയാളി ഹിന്ദു കമ്മ്യൂണിറ്റിയുടെ വിഷു 2017 ആഘോഷങ്ങള്‍ കേരളീയ തനിമയില്‍ വിഷു ദിനത്തില്‍ തന്നെ വിവിധ കലാപരിപാടികളോടെ ആഘോഷിച്ചു. ബി.എം.എച്ച്.സി കുടുംബാംഗങ്ങള്‍ ഒരുക്കിയ വിഷുക്കണി ശ്രദ്ധേയമായി. രഞ്ജിത്ത് ഗണേഷ് ആലപിച്ച ഭക്തി ഗാനത്തോടു കൂടി കലാപരിപാടികള്‍ക്ക് തുടക്കമായി. തുടര്‍ന്ന് ഡോ. അജയകുമാര്‍ വിഷു സന്ദേശം നല്കി. പിന്നീട് വിഷുക്കൈനീട്ടം ഏവര്‍ക്കും വിതരണം ചെയ്തു. തുടര്‍ന്ന് നടത്തിയ സദ്യ ദൈവത്തിന്റെ സ്വന്തം നാടിനെ വിളിച്ചോര്‍മ്മിപ്പിക്കും വിധമായിരുന്നു. ശ്രീ. അങ്കിത് നന്ദി അര്‍പ്പിച്ചതോടെ പരിപാടികള്‍ക്ക് സമാപനമായി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല