നയന്‍താരയും പ്രഭുദേവയും തമ്മിലുള്ള വിവാഹത്തെ ചൊല്ലി ഗോസിപ്പ് പരന്നു തുടങ്ങിയിട്ട് കാലം കുറേയായി. വിവാഹം ഇന്നു നടക്കും നാളെ നടക്കും എന്ന് പറഞ്ഞ് പരത്തിയിരുന്നവരെ നിരാശരാക്കി താന്‍ സിനിമയിലേയ്ക്ക് മടങ്ങിയെത്താന്‍ തീരുമാനിച്ചിരിക്കുകയാണെന്ന സൂചനയാണ് നയന്‍സ് നല്‍കുന്നത്. വീണ്ടും അഭിനയത്തില്‍ സജീവമാകാനാണത്രേ നടിയുടെ തീരുമാനം.
എംഎം രത്‌നം നിര്‍മ്മിച്ച് വിഷ്ണുവര്‍ദ്ധന്‍ സംവിധാനം ചെയ്യുന്ന തമിഴ്ചിത്രത്തില്‍ അഭിനയിക്കാന്‍ നയന്‍സ് സമ്മതം മൂളിയതായാണ് റിപ്പോര്‍ട്ട്. ഇനിയും പേരിടാത്ത ഈ ചിത്രത്തില്‍ അജിത്താണ് നായകന്‍. .ബില്ലയിലൂടെയും ഏകനിലൂടെയും പ്രേക്ഷക ശ്രദ്ധ നേടിയ നയന്‍സ്-അജിത്ത് ജോടി പുതിയ ചിത്രത്തിലും തിളങ്ങുമെന്നാണ് സംവിധായകന്റെ പ്രതീക്ഷ.
അനുഷ്‌കയെയായിരുന്നു ആദ്യം ചിത്രത്തിലെ നായികാസ്ഥാനത്തേയ്ക്ക് പരിഗണിച്ചത്. എന്നാല്‍ തിരക്കുകള്‍ മൂലം അനുഷ്‌കയ്ക്ക് ഈ ഓഫര്‍ സ്വീകരിക്കാനായില്ല.ഈ സമയത്താണ് നയന്‍സ് സിനിമയില്‍ വീണ്ടും സജീവമാവുന്നുവെന്ന റിപ്പോര്‍ട്ട് പുറത്തു വന്നത്. ഇതോടെ നയന്‍സിനെ കാസ്റ്റ് ചെയ്യാന്‍ നിര്‍മ്മാതാവും സംവിധായകനും ചേര്‍ന്ന് തീരുമാനിക്കുകയായിരുന്നത്രേ.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല